كينو ەنتسيكلوپەديا جارىق كوردى

بۇل كۇندەرى الماتىنى كينو الەمى الديلەپ تۇر. «ەۋرازيا» كينوفەستيۆالى – سوڭعى جىلدارى ءتۇسى­رىل­گەن كينو تۋىندىلاردىڭ حالىق­ارا­­­­لىق بايگەسى عانا ەمەس, فەستيۆال مەن فەستيۆال اراسىندا تىن­دى­رىل­­عان تىرلىكتەرگە ەسەپ بەرەتىن دە كەز. سونىمەن VII حالىقارالىق «ەۋرازيا» كينوفەستيۆالىنىڭ شەڭبە­رىن­دە ش.ايمانوۆ اتىنداعى «قا­زاق­فيلم» كينوستۋدياسىندا «قا­زاق­ستان كينو ەنتسيكلوپەدياسىنىڭ» تۇ­ساۋ­كەسەر ءرا­سىمى بولىپ ءوتتى. بۇل اي­تۋ­لى شاراعا وتاندىق كينە­ما­تو­گرا­فيا­نىڭ دا­مۋى­­نا ايتارلىقتاي ۇلەس قوسقان ونەر ساڭلاقتارى دا ورتاقتاستى. ۇلتتىق كينەماتوگرافيانىڭ كەشەگىسى مەن ءبۇ­­گىنگىسىن تۇگەندەيتىن كىتاپتىڭ اۆتورى – تاريحشى-جۋرناليست, كينەماتوگرافيستەر وداعىنىڭ كەڭەس­شىسى تۇمار سمايىلوۆا. اتالمىش ەنتسيكلوپەديا كينەماتوگرافيستەر وداعىنىڭ قولداۋىمەن «پو­ليگرافكومبيناتتا» 2000 دانامەن باسىلىپ شى­عىپتى. اتى ايتىپ تۇرعانداي, كىتاپتا كينو ماي­­تال­مان­دارىنىڭ ءومىر­بايان­دا­رى, قازاق كينوسىنا قاتىستى ءتۇر­لى دەرەكتەر مەن مالىمەتتەر توپتاس­تىرىلعان. كوپتەن كۇتكەن كىتاپتىڭ تۇساۋ­كە­سەرىندە ش.ايمانوۆ اتىنداعى «قا­­زاقفيلم» كينوستۋدياسى» اق پرەزيدەنتى ەرمەك امانشاەۆ: – ون جىلدىڭ ىشىندە جارىق كور­گەن ءۇش كىتاپتىڭ سوڭعىسى بۇگىن, مىنە, وقىرماندار نازارىنا ۇسىنى­لىپ وتىر. الدىمەن «كينوسپراۆوچنيك» دەپ اتا­لاتىن كىتاپ 2000 جىلى جارىق كورسە, «كتو ەست كتو» كىتابى 2003 جىلى شىق­­قان ەدى. «قازاقستان كينوسى» دەگەن ورتاق اتپەن ءار جىلدارى شىققان وسى ەڭبەكتەردى شىن مانىندە تريلوگيا دەپ ايتۋعا بولادى, – دەدى. امانشاەۆتىڭ ايتۋىنشا, قازاقستان كينو ەن­تسي­كلوپەدياسى – قاراپايىم وقىرمانعا عانا ەمەس, كينو سالاسىنىڭ مىڭداعان ماماندارىنا پايدا­لى قۇرال دا بولا الادى. الماتى.