الماتى كينوستۋدياسىنىڭ 70 جىلدىعىنا وراي اشىلدى
«ەۋرازيا-2011» كينوفەستيۆالىنىڭ اياسىندا ش.ايمانوۆ اتىنداعى «قازاقفيلم» كينوستۋدياسىندا قازاق كينو مايتالماندارىنا ارنالعان «جۇلدىزدار اللەياسى» اشىلدى.
وسىدان 70 جىل بۇرىن, سوعىستىڭ سۇراپىل جىلدارىندا الماتى كينوستۋدياسى رەتىندە نەگىزى قالانعان «قازاقفيلم» ستۋدياسىندا «جۇلدىزدار اللەياسى» وسىدان ءبىراز جىل بۇرىن پايدا بولعان ەدى. الايدا, ونىڭ رەسمي تۇردەگى اشىلۋى ۇلتتىق كينوستۋديامىزدىڭ مەرەيلى جىلىنا ورايلاستىرىلىپ وتىر.
– بۇگىننەن باستاپ ۇلتتىق كينوجۇلدىزدار اللەياسى ءوزىنىڭ مەموريالدىق سيپاتىنا يە بولىپ قانا قويماي, ەندى ارامىزدا جەر باسىپ, ءومىر ءسۇرىپ جاتقان اعالارىمىزدىڭ اتتارىمەن تولىقتىرىلدى. بۇل جۇلدىزدى اللەيا دۇنيەدەن وتكەن ادامدارعا عانا قۇرمەت ەمەس, سونىمەن قاتار, ءبۇگىندە كوزى ءتىرى, قاسىمىزدا جۇرگەن, قازاق كينوسىنىڭ دامۋىنا قوماقتى ۇلەس قوسقان ادامداردىڭ دا ەڭبەگىن باعالاۋ ءۇشىن جاسالعان قۇرمەت, – دەدى ش.ايمانوۆ اتىنداعى «قازاقفيلم» كينوستۋدياسى» اق پرەزيدەنتى ەرمەك امانشاەۆ اللەيانىڭ اشىلۋ سالتاناتىندا.
بۇعان دەيىن «جۇلدىزدار اللەياسىنا» قازاق كينوسىنىڭ دامۋىنا ۇلەس قوسقان شاكەن ايمانوۆ, سۇلتان قوجىقوۆ, ءماجيت بەگالين, ابدوللا قارساقباەۆ, سەرالى قوجامقۇلوۆ, قاليبەك قۋانىشباەۆ, ءامينا ومىرزاقوۆا, ءانۋار مولدابەكوۆ, ىدىرىس نوعايباەۆ, نۇرمۇحان ءجانتورين, كەنەنباي قوجابەكوۆ سىندى كينو مايتالماندارىنا ەستەلىك جۇلدىزدار قويىلعان بولاتىن. ەندى ولاردىڭ قاتارىنا تاعى دا 3 ەستەلىك تاقتا قوسىلدى. ول «جۇلدىزدى تاقتالار» – كسرو جانە قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى, تەاتر جانە كينو اكتەرى اسانالى ءاشىموۆتىڭ, قازاقستان رەسپۋبليكاسىنىڭ ەڭبەك سىڭىرگەن ونەر قايراتكەرى, مەملەكەتتىك سىيلىقتىڭ لاۋرەاتى, قازاق انيماتسيا ونەرىنىڭ نەگىزىن قالاۋشى امەن قايداروۆتىڭ جانە قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى, ۇلتتىق دەرەكتى كينەماتوگرافيانىڭ نەگىزىن قالاۋشىلاردىڭ ءبىرى وراز ابىشەۆتىڭ قۇرمەتىنە ورناتىلدى.
– كوزى ءتىرى كەزىمدە جۇلدىزدى تاقتا قويىپ جاتقانى ءبىر جاعىنان ىڭعايسىز, ەكىنشى جاعىنان قۋانىشىمدى دا جاسىرمايمىن. بۇل تاقتانى مەنىڭ ەڭبەگىمە بەرىلگەن باعا دەپ بىلەمىن, – دەدى ءاسانالى ءاشىموۆ.
ايناش ەسالي.
وسىدان 70 جىل بۇرىن, سوعىستىڭ سۇراپىل جىلدارىندا الماتى كينوستۋدياسى رەتىندە نەگىزى قالانعان «قازاقفيلم» ستۋدياسىندا «جۇلدىزدار اللەياسى» وسىدان ءبىراز جىل بۇرىن پايدا بولعان ەدى. الايدا, ونىڭ رەسمي تۇردەگى اشىلۋى ۇلتتىق كينوستۋديامىزدىڭ مەرەيلى جىلىنا ورايلاستىرىلىپ وتىر.
– بۇگىننەن باستاپ ۇلتتىق كينوجۇلدىزدار اللەياسى ءوزىنىڭ مەموريالدىق سيپاتىنا يە بولىپ قانا قويماي, ەندى ارامىزدا جەر باسىپ, ءومىر ءسۇرىپ جاتقان اعالارىمىزدىڭ اتتارىمەن تولىقتىرىلدى. بۇل جۇلدىزدى اللەيا دۇنيەدەن وتكەن ادامدارعا عانا قۇرمەت ەمەس, سونىمەن قاتار, ءبۇگىندە كوزى ءتىرى, قاسىمىزدا جۇرگەن, قازاق كينوسىنىڭ دامۋىنا قوماقتى ۇلەس قوسقان ادامداردىڭ دا ەڭبەگىن باعالاۋ ءۇشىن جاسالعان قۇرمەت, – دەدى ش.ايمانوۆ اتىنداعى «قازاقفيلم» كينوستۋدياسى» اق پرەزيدەنتى ەرمەك امانشاەۆ اللەيانىڭ اشىلۋ سالتاناتىندا.
بۇعان دەيىن «جۇلدىزدار اللەياسىنا» قازاق كينوسىنىڭ دامۋىنا ۇلەس قوسقان شاكەن ايمانوۆ, سۇلتان قوجىقوۆ, ءماجيت بەگالين, ابدوللا قارساقباەۆ, سەرالى قوجامقۇلوۆ, قاليبەك قۋانىشباەۆ, ءامينا ومىرزاقوۆا, ءانۋار مولدابەكوۆ, ىدىرىس نوعايباەۆ, نۇرمۇحان ءجانتورين, كەنەنباي قوجابەكوۆ سىندى كينو مايتالماندارىنا ەستەلىك جۇلدىزدار قويىلعان بولاتىن. ەندى ولاردىڭ قاتارىنا تاعى دا 3 ەستەلىك تاقتا قوسىلدى. ول «جۇلدىزدى تاقتالار» – كسرو جانە قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى, تەاتر جانە كينو اكتەرى اسانالى ءاشىموۆتىڭ, قازاقستان رەسپۋبليكاسىنىڭ ەڭبەك سىڭىرگەن ونەر قايراتكەرى, مەملەكەتتىك سىيلىقتىڭ لاۋرەاتى, قازاق انيماتسيا ونەرىنىڭ نەگىزىن قالاۋشى امەن قايداروۆتىڭ جانە قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى, ۇلتتىق دەرەكتى كينەماتوگرافيانىڭ نەگىزىن قالاۋشىلاردىڭ ءبىرى وراز ابىشەۆتىڭ قۇرمەتىنە ورناتىلدى.
– كوزى ءتىرى كەزىمدە جۇلدىزدى تاقتا قويىپ جاتقانى ءبىر جاعىنان ىڭعايسىز, ەكىنشى جاعىنان قۋانىشىمدى دا جاسىرمايمىن. بۇل تاقتانى مەنىڭ ەڭبەگىمە بەرىلگەن باعا دەپ بىلەمىن, – دەدى ءاسانالى ءاشىموۆ.
ايناش ەسالي.
