جاڭا…

...ەسكەرتكىش اشىلدى كەنشىلەر شاھارى – شاحتينسكىدە بۇدان بىلاي قاراي دا­نىشپان ويشىل اباي ءمۇسىنى ور­تا­لىق الاڭدا ەڭسەلەنىپ تۇرا­تىن بولدى. ول شاحتەرلەر كۇ­نىن­دە اشىلدى. ونىمەن ىرگەلەس اباي قالاسىندا دا ۇلى اقىن­نىڭ جاڭادان اسەمدەلگەن ەسكەرتكىشى سونىڭ الدىندا بوي كوتەرگەن ەدى. ايماقتا حالىقتىڭ ايتۋلى تۇلعالارىن ەستە تۇتۋ قاستەرلى پارىز سانالادى. تاياۋ ارادا قا­را­عاندىدا قاز داۋىستى قازى­بەك بي مەن قانىش ساتباەۆ ەسكەرتكىشتەرى ورناتىلعالى تۇر. ايقىن نەسىپباي, قاراعاندى.   ...باستاۋىش مەكتەپ وقۋشىلاردى قابىلدادى قىزىلقوعا اۋدانىنداعى شا­عىن اۋىلدىڭ ءبىرى – جامانسور. اتىراۋ – اقتوبە باعىتىنداعى تەمىر جول بويىنان ورىن تەپكەن بۇل اۋىلدا 87 وتباسى تۇرعان­مەن, ولاردىڭ بالالارى ءبىلىم الاتىن مەكتەپ جوق بولاتىن. سول سەبەپتەن اۋىل بالالارى ماقات اۋدانىنىڭ دوسسور كەنتىندەگى مەكتەپتەرگە قاتىناپ وقي­تىن ەدى. ەندى بۇل اۋىل با­لالارى سول قيىندىقتان قۇتى­لىپ, ەلدى مەكەندە اشىلعان باس­تاۋىش مەكتەپتە وقۋعا ءمۇم­كىندىك الدى. – وبلىس اكىمىنىڭ قولداۋى­مەن 60 ورىندىق باستاۋىش مەكتەپ قۇرىلىسىنا 37 ميلليون تەڭگە بولىنگەن ەدى, – دەدى اۋدان اكىمى بەرىكقالي سارسەنعاليەۆ جامانسور اۋىلىندا پايدا­لا­نۋ­عا بەرىلگەن ءبىلىم ورداسىنىڭ اشىلۋ سالتاناتىندا. شاعىن بولسا دا جاڭا باس­تاۋىش مەكتەپتىڭ اشىلۋىمەن 22 وقۋشى پارتاعا وتىردى. بۇ­لار­دان وزگە مەكتەپالدى داي­ىن­دىق توبىنا 28 بالا, ال شاعىن ورتالىققا 12 بالدىرعان قا­بىل­داندى. مەكتەپتە 7 مۇعالىم جۇمىس جاساي باستادى. جولداسبەك شوپەعۇل, اتىراۋ وبلىسى.   ...سوت عيماراتىنا اينالدى تايىنشا اۋداندىق سوتىنىڭ ابدەن توزىعى جەتكەن بۇرىنعى عيماراتىنا كۇردەلى جوندەۋ ءجۇر­گىزىلىپ, ءىشى-سىرتى ادام تا­نىماستاي وزگەرىپ شىعا كەلدى. سۋديالار جايلى بولمەلەرگە ورنالاستى. جاڭا عيماراتتىڭ اشىلۋ راسىمىنە وبلىستىق سوت­تىڭ توراعاسى ن.ابدىقانوۆ پەن اۋدان اكىمى ا.ماكوۆسكي قا­تىسىپ, سۋديالاردىڭ قۋانى­شى­نا ورتاقتاستى. نۇرعازى ابەن­ ۇلى بيىل شال اقىن, ءۋالي­حا­نوۆ, مامليۋت اۋداندارىنداعى سوت مەكەمەلەرى قالپىنا كەلتىرىلىپ, وبلىس ورتالىعىنداعى ءادى­لەت ءۇيى جاڭارتىلعانىن, مۇنداي شارالار الدا دا جالعاسا بەرەتىنىن جەتكىزدى. ن.ابدىقانوۆ كەللەروۆ كەنتىندە ورنالاسقان №2 سوتىندا بولىپ, ارىز-شاعىم ايتا كەلگەن ادامداردى قابىلدادى. ءومىر ەسقالي, سولتۇستىك قازاقستان وبلىسى.