قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ بۇيرىعى №02-01-02/164

2011 جىلعى 12 تامىز مەملەكەتتىك اكىمشىلىك قىزمەتشىنىڭ لاۋازىمدىق نۇسقاۋلىعىن ازىرلەۋ مەن بەكىتۋ  جونىندەگى قاعيدانى بەكىتۋ تۋرالى «مەملەكەتتىك قىزمەت تۋرالى» 1999 جىلعى 23 شىلدەدەگى قازاقستان رەسپۋبليكاسى زاڭىنىڭ 5-بابى 1-تارماعىنىڭ 10-2) تارماقشاسىنا سايكەس بۇيىرامىن: 1. قوسا بەرىلىپ وتىرعان مەملەكەتتىك اكىمشىلىك قىزمەتشىنىڭ لاۋازىمدىق نۇسقاۋلىعىن ازىرلەۋ مەن بەكىتۋ جونىندەگى قاعيدا بەكىتىلسىن. 2. قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ مەملەكەتتىك قىزمەتتى قۇقىق­تىق قامتاماسىز ەتۋ دەپارتامەنتى (ا.ش. حايداروۆ) وسى بۇيرىقتىڭ قازاقستان رەسپۋبليكاسى­نىڭ ادىلەت مينيسترلىگىندە مەملەكەتتىك تىركەۋدەن ءوتۋىن جانە زاڭنامامەن بەلگىلەنگەن تارتىپپەن رەسمي جاريالانۋىن قامتاماسىز ەتسىن. 3. وسى بۇيرىق العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. توراعا ا. بايمەنوۆ. قازاقستان رەسپۋبليكاسى مەملەكەتتiك قىزمەت iستەرi اگەنتتiگi توراعاسىنىڭ 2011 جىلعى 12 تامىزداعى №02-01-02/164 بۇيرىعىمەن بەكىتىلگەن مەملەكەتتىك اكىمشىلىك قىزمەتشىنىڭ لاۋازىمدىق نۇسقاۋلىعىن ازىرلەۋ مەن بەكىتۋ جونىندەگى قاعيدا 1. جالپى ەرەجەلەر 1. وسى مەملەكەتتىك اكىمشىلىك قىزمەتشىنىڭ لاۋازىمدىق نۇسقاۋلىعىن ازىرلەۋ مەن بەكىتۋ جونىندەگى قاعيدا (بۇدان ءارى – قاعيدا) مەملەكەتتىك ورگاندارداعى مەملەكەتتىك اكىمشىلىك قىزمەتشىلەردىڭ لاۋازىمدىق نۇسقاۋلىعىن بىرىزدەندىرۋ ماقساتىندا ازىرلەندى. 2. قازاقستان رەسپۋبليكاسىنىڭ 1999 جىلعى 23 شىلدەدەگى «مەملەكەتتىك قىزمەت تۋرالى» زاڭىندا بەلگىلەنگەن نەگىزگى مىندەتتەردەن تۋىندايتىن جانە بىلىكتىلىك تالاپتارى نەگىزىندە ايقىندالاتىن اكىمشىلىك مەملەكەتتىك قىزمەتشىنىڭ ناقتى مىندەتتەرى كورىنىس تاباتىن قۇجات لاۋازىمدىق نۇسقاۋلىق بولىپ تابىلادى. 3. لاۋازىمدىق نۇسقاۋلىق مەملەكەتتىك ورگاننىڭ ستراتەگيالىق جوسپارىن ىسكە اسىرۋعا جانە اكىمشىلىك مەملەكەتتىك قىزمەتشىنىڭ جۇمىس ىستەيتىن قۇرىلىمدىق بولىمشەسىنە تىكەلەي قاتىسى بار قويىلعان مىندەتتەرگە اكىمشىلىك مەملەكەتتىك قىزمەتشىنىڭ مىندەتتەر مەن ينديكاتورلارعا قول جەتكىزۋگە باعىتتالعان ەرەجەلەردى قامتيدى. 2. لاۋازىمدىق نۇسقاۋلىقتى ازىرلەۋ, كەلىسۋ, بەكىتۋ جانە وعان تۇزەتۋلەر ەنگىزۋ ءتارتىبى 4. لاۋازىمدىق نۇسقاۋلىقتىڭ جوباسىن مەملەكەتتىك اكىمشىلىك قىزمەتشى جۇمىس ىستەيتىن مەملەكەتتىك ورگاننىڭ قۇرىلىمدىق بولىمشەسى ازىرلەيدى. 5. لاۋازىمدىق نۇسقاۋلىقتىڭ جوباسى مەملەكەتتىك ورگاننىڭ كادر قىزمەتىمەن كەلىسىلەدى. لاۋازىمدىق نۇسقاۋلىق جوباسىنىڭ ءاربىر پاراعىنا مەملەكەتتىك اكىمشىلىك قىزمەتشىنىڭ تىكەلەي باسشىسى قول قويادى. كادر قىزمەتى لاۋازىمدىق نۇسقاۋلىقتى ازىرلەۋ جونىندەگى جالپى ۇيلەستىرۋدى جانە باقىلاۋدى قامتاماسىز ەتەدى, سونداي-اق ونى مەملەكەتتىك ورگاننىڭ باسشىسىنا بەكىتۋگە ەنگىزەدى. 6. قىزمەتتiك نۇسقاۋلىقتاردى مەملەكەتتiك ورگاننىڭ باسشىسى بەكiتەدi, ول وسى وكiلەتتiكتەردi جاۋاپتى حاتشىعا, مەملەكەتتiك ورگاننىڭ قۇرىلىمدىق بولiمشەلەرiنiڭ باسشىلارىنا بەرۋگە قۇقىلى. 7. كادر قىزمەتى مەملەكەتتىك اكىمشىلىك قىزمەتشى لاۋازىمعا تاعايىندالعاننان كەيىن ءۇش جۇمىس كۇننىڭ ىشىندە مەملەكەتتىك اكىمشىلىك قىزمەتشىنى ونىڭ لاۋازىمدىق نۇسقاۋلىعىمەن تانىستىرىپ, سونداي-اق, لاۋازىمدىق نۇسقاۋلىق جاڭا رەداكتسيادا بەكىتىلگەننەن كەيىن نەمەسە لاۋازىمدىق نۇسقاۋلىققا ەنگىزىلگەن وزگەرىستەر مەن تولىقتىرۋلار بەكىتىلگەننەن كەيىن ءۇش جۇمىس كۇننىڭ ىشىندە مەملەكەتتىك اكىمشىلىك قىزمەتشىگە لاۋازىمدىق نۇسقاۋلىقتىڭ, لاۋازىمدىق نۇسقاۋلىققا وزگەرىستەر مەن تولىقتىرۋلار ەنگىزۋ تۋرالى اكتىنىڭ كوشىرمەسىن بەرىپ, ونىمەن تانىستىرادى جانە قول قويعىزادى. 8. بەكىتىلگەن لاۋازىمدىق نۇسقاۋلىق كادر قىزمەتىندە ساقتالادى. 9. لاۋازىمدىق نۇسقاۋلىق بەكىتىلگەن كەزىنەن باستاپ كۇشىنە ەنەدى جانە ونىڭ كۇشى جويىلعانعا دەيىن نەمەسە لاۋازىمدىق نۇسقاۋلىقتىڭ جاڭا رەداكتسياسى بەكىتىلگەنگە دەيىن قولدانىلادى. 10. قۇرىلىمدىق بولىمشە لاۋازىمدىق نۇسقاۋلىقتى ءتيىستى تۇزەتۋلەر ەنگىزۋ قاجەتتىلىگى تۇرعىسىنان جىل سايىن قارايدى. 11. لاۋازىمدىق نۇسقاۋلىققا وزگەرىستەر مەن تولىقتىرۋلار ەنگىزۋ تۋرالى قۇجاتتاردىڭ جوبالارىن مەملەكەتتىك ورگان باسشىسىنىڭ تاپسىرماسىمەن قۇرىلىمدىق بولىمشە نەمەسە قۇرىلىمدىق بولىمشەنىڭ باستاماسىمەن دايىندايدى. 12. لاۋازىمدىق نۇسقاۋلىققا وزگەرىستەر مەن تولىقتىرۋلار كادر قىزمەتىمەن كەلىسىلەدى جانە مەملەكەتتىك ورگاننىڭ ءتيىستى اكتىسىمەن رەسىمدەلەدى. 13. ەگەر مەملەكەتتىك اكىمشىلىك قىزمەتشىنىڭ لاۋازىمدىق مىندەتتەرىن اتقارۋ باسقا ادامعا جۇكتەلسە (مەملەكەتتىك اكىمشىلىك قىزمەتشى دەمالىستا, ءىسساپاردا, ۋاقىتشا ەڭبەككە جارامسىز بولعاندا نەمەسە باسقا دا جاعدايلاردا), وندا كادر قىزمەتى وسى ادامدى مەملەكەتتىك اكىمشىلىك قىزمەتشىنىڭ مىندەتىن اتقارۋ جۇكتەلگەن كۇننەن باستاپ ءۇش جۇمىس كۇنى ىشىندە مەملەكەتتىك اكىمشىلىك قىزمەتشىنىڭ لاۋازىمدىق نۇسقاۋلىعىمەن قول قويعىزىپ تانىستىرادى. 3. لاۋازىمدىق نۇسقاۋلىقتىڭ مازمۇنى 14. لاۋازىمدىق نۇسقاۋلىق وسى قاعيدانىڭ قوسىمشاسىنا سايكەس نىسان بويىنشا رەسىمدەلەدى. لاۋازىمدىق نۇسقاۋلىقتا مەملەكەتتىك ورگاننىڭ, قۇرىلىمدىق بولىمشەنىڭ, لاۋازىمنىڭ اتاۋى جانە وسى نۇسقاۋلىقتى بەكىتۋ تۋرالى قۇجاتتىڭ دەرەكتەمەلەرى كورسەتىلەدى. 15. لاۋازىمدىق نۇسقاۋلىق مىناداي بولىمدەردەن تۇرادى: 1) «جالپى ەرەجەلەر»; 2) «قۇقىقتارى»; 3) «مىندەتتەرى»; 4) «جاۋاپكەرشىلىگى». 16. «جالپى ەرەجەلەر» بولىمىندە: 1) اكىمشىلىك مەملەكەتتىك قىزمەتشى ءوز قىزمەتى مەن وكىلەتتىكتەرىن سولاردىڭ نەگىزىندە جۇزەگە اسىراتىن ۇيىمداستىرۋ-قۇقىقتىق قۇجاتتار; 2) وسى مەملەكەتتىك اكىمشىلىك قىزمەتشىگە تىكەلەي باعىناتىن قۇرىلىمدىق بولىمشەلەر مەن لاۋازىمدار تىزبەسى (بار بولسا); 3) نەگىزگى قىزمەتكەر ۋاقىتشا بولماعان كەزدە ءبىر-ءبىرىن اۋىستىرۋ ءتارتىبى. 17. «قۇقىقتارى» بولىمىندە مەملەكەتتىك اكىمشىلىك قىزمەتشىنىڭ بەلگىلى ءبىر ءىس-ارەكەتتەردى جاساۋ, وزىنە جۇكتەلگەن تاپسىرمالار مەن مىندەتتەردى ورىنداۋ بارىسىندا باسقا تۇلعالاردان بەلگىلى ءبىر مىنەز-ق ۇلىقتى, ءىس-ارەكەتتەردى نەمەسە ءىس-ارەكەتتەر جاساماۋدى تالاپ ەتۋ مۇمكىندىگى تۇسىنىلەتىن قۇقىعى كورسەتىلەدى. بولىمدە مەملەكەتتىك اكىمشىلىك قىزمەتشىنىڭ وزىنە جۇكتەلگەن مىندەتتەردى ورىنداۋ كەزىندە يە بولاتىن قۇقىقتارى, ونىڭ ىشىندە مىناداي: 1) ۇيىمداستىرۋ-وكiمدىك; 2) اكiمشiلiك-شارۋاشىلىق; 3) بيلىك وكىلى; 4) تەكسەرۋ جانە باقىلاۋ ءىس-شارالارى; 5) بيۋدجەت قاراجاتىن ءبولۋ تۋرالى شەشىمدەردى دايىنداۋ جانە قابىلداۋ جونىندەگى; 6) مەملەكەتتىك ساتىپ الۋلاردى جۇزەگە اسىرۋ جونىندەگى; 7) رۇقسات قۇجاتتارىن بەرۋ جونىندەگى; 8) تولەمدەر تۋرالى شەشىمدەر قابىلداۋ جانە دايىنداۋ جونىندەگى; 9) مەملەكەتتىك قىزمەتتەر كورسەتۋ جونىندەگى. مەملەكەتتىك اكىمشىلىك قىزمەتشى اتقاراتىن لاۋازىمدىق مىندەتتەردىڭ ەرەكشەلىگى ەسكەرىلىپ, ونىڭ قۇقىقتارىن ناقتىلاۋعا جول بەرىلەدى. 18. «مىندەتتەرى» بولىمىندە مەملەكەتتىك اكىمشىلىك قىزمەتشىنىڭ مەملەكەتتىك ورگاننىڭ قۇرىلىمدىق بولىمشەسىنىڭ مىندەتتەرى مەن فۋنكتسيالارىن جۇزەگە اسىرۋ, وزىنە بەرىلگەن قۇقىقتاردى ىسكە اسىرۋعا ماقساتىندا, ولاردى ورىنداۋى مىندەتتى بولىپ تابىلاتىن ءىس-ارەكەتتەرىنىڭ اۋقىمى كورسەتى­لەدى, سونداي-اق مەملەكەتتىك اكىمشىلىك قىزمەتشىنىڭ بەلگىلى ءبىر ءىس-ارەكەتتەردى جاساماۋ جونىندەگى مىندەتتەرى كورسەتىلەدى. مەملەكەتتىك اكىمشىلىك قىزمەتشى مەملەكەتتىك قىزمەتتەر كورسەتۋ جۇمىستارىن اتقارعان كەزدە ونىڭ لاۋازىمدىق نۇسقاۋلىعىندا مەملەكەتتىك قىزمەت كورسەتۋدىڭ ءتيىستى رەگلامەنتتەرى مەن ستاندارتتارىن ساقتاۋ, اكىمشىلىك راسىمدەردى ساقتاۋ جونىندە قامتيدى. بولىمدە مەملەكەتتىك اكىمشىلىك قىزمەتشىنىڭ ىشكى ەڭبەك ءتارتىبى ەرەجەلەرىن ساقتاۋ جونىندەگى مىندەتتەرى كورسەتىلەدى. 19. «جاۋاپكەرشىلىگى» بولىمىندە مەملەكەتتىك اكىمشىلىك قىزمەتشىنىڭ وزىنە قويىلعان مىندەتتەردى جانە جۇكتەلگەن وكىلەتتىكتەردى, مەملەكەتتىك قىزمەتشىلەردىڭ ەتيكاسى نورمالارىن, قازاقستان رەسپۋبليكاسىنىڭ مەملەكەتتىك قىزمەتىندە بولۋمەن بايلانىستى شەكتەۋلەردى ورىنداۋعا نە ولاردى ۋاقتىلى, ساپالى جانە ءتيىستى ورىنداماعانى ءار ءتۇرلى زاڭدى جاۋاپكەرشىلىك تۋدىراتىنداي بۇزعانى ءۇشىن دەربەس جاۋاپ بەرەتىن مىندەتى كورسەتىلەدى. مەملەكەتتىك اكىمشىلىك قىزمەتشىنىڭ لاۋازىمدىق نۇسقاۋلىعىن ازىرلەۋ  مەن بەكىتۋ جونىندەگى قاعيداعا  قوسىمشا ۇلگىلىك نىسان بەكىتىلدى ________________________________ (مەملەكەتتىك ورگاننىڭ اكتىسىنىڭ اتاۋى, داتاسى, ءنومىرى) لاۋازىمدىق نۇسقاۋلىق _______________________________________________________________________________________ (شتاتتىق كەستە بويىنشا مەملەكەتتىك اكىمشىلىك قىزمەتشى لاۋازىمىنىڭ جانە مەملەكەتتىك ورگاننىڭ قۇرىلىمدىق بولىمشەسىنىڭ تولىق اتاۋى) 1. جالپى ەرەجەلەر 1.1. 1.2. 1.3 جانە ت.ب. 2. ______________________________________ قۇقىقتارى (لاۋازىمنىڭ اتاۋى) 2.1. 2.2. 2.3. جانە ت.ب. 3. ______________________________________ مىندەتتەرى (لاۋازىمنىڭ اتاۋى) 3.1. 3.2. 3.3. جانە ت.ب. 4. __________________________________________________ جاۋاپكەرشىلىگى (لاۋازىمنىڭ اتاۋى) 4.1. 4.2. 4.3. جانە ت.ب. تانىستىم: ____________________________________________________________________ (مەملەكەتتىك اكىمشىلىك قىزمەتشىنىڭ تەگى, اتى, اكەسىنىڭ اتى, قولى, داتاسى) بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 5 قىركۇيەكتە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7157 بولىپ ەنگىزىلدى.