قازاقستان رەسپۋبليكاسى ادىلەت مينيسترلىگىنىڭ بۇيرىعى №225

2011 جىلعى 16 ماۋسىم,  استانا قالاسى «جەر ۋچاسكەسىن مەملەكەت مۇقتاجى ءۇشىن الىپ قويۋعا بايلانىستى مەملەكەت مۇقتاجى ءۇشىن يەلىكتەن شىعارىلاتىن جەر ۋچاسكەسىن نەمەسە وزگە دە جىلجىمايتىن م ۇلىكتى باعالاۋ» باعالاۋ ستاندارتىن بەكىتۋ تۋرالى «قازاقستان رەسپۋبليكاسىنداعى باعالاۋ قىزمەتى تۋرالى» قازاقستان رەسپۋبليكاسى زاڭىنىڭ 19-بابىنا سايكەس, بۇيىرامىن: 1. قوسا بەرىلىپ وتىرعان «جەر ۋچاسكەسىن مەملەكەت مۇقتاجى ءۇشىن الىپ قويۋعا بايلانىستى مەملەكەت مۇقتاجى ءۇشىن يەلىكتەن شىعارىلاتىن جەر ۋچاسكەسىن نەمەسە وزگە دە جىلجىمايتىن م ۇلىكتى باعالاۋ» باعالاۋ ستاندارتى بەكىتىلسىن. 2. قازاقستان رەسپۋبليكاسى ادىلەت مينيسترلىگىنىڭ تىركەۋ قىزمەتى جانە قۇقىقتىق كومەك كورسەتۋ كوميتەتى: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىقتى قازاقستان رەسپۋبليكاسى ادىلەت مينيسترلىگىنىڭ ينتەرنەت-رەسۋرسىندا ورنالاستىرۋ جونىندە شارالار قابىلدانىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ادىلەت ءمينيسترىنىڭ ورىنباسارى ءا.ت.امانباەۆقا جانە قازاقستان رەسپۋبليكاسى تىركەۋ قىزمەتى جانە قۇقىقتىق كومەك كورسەتۋ كوميتەتىنىڭ توراعاسى م.ي.سەكسەمباەۆقا جۇكتەلسىن. 4. وسى بۇيرىق العاش رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ر. تۇسىپبەكوۆ. قازاقستان رەسپۋبليكاسى ادىلەت ءمينيسترىنىڭ 2011 جىلعى 16 ماۋسىمداعى  № 225 بۇيرىعىمەن بەكىتىلگەن «جەر ۋچاسكەسىن مەملەكەت مۇقتاجى ءۇشىن الىپ قويۋعا بايلانىستى مەملەكەت مۇقتاجى ءۇشىن يەلىكتەن شىعارىلاتىن جەر ۋچاسكەسىن نەمەسە وزگە دە جىلجىمايتىن م ۇلىكتى باعالاۋ» باعالاۋ ستاندارتى 1. جالپى ەرەجەلەر 1. وسى جەر ۋچاسكەسىن مەملەكەت مۇقتاجى ءۇشىن الىپ قويۋعا بايلانىستى مەملەكەت مۇقتاجى ءۇشىن يەلىكتەن شىعارىلاتىن جەر ۋچاسكەسىن نەمەسە وزگە دە جىلجىمايتىن م ۇلىكتى باعالاۋ ستاندارتى ء(ارى قاراي – ستاندارت) «قازاقستان رەسپۋبليكاسىنداعى باعالاۋ قىزمەتى تۋرالى» قازاقستان رەسپۋبليكاسىنىڭ 2000 جىلعى 30 قاراشاداعى زاڭىنىڭ نەگىزىندە قازاقستان رەسپۋبليكاسىنىڭ 2003 جىلعى 20 ماۋسىمداعى جەر كودەكسىنە, قازاقستان رەسپۋبليكاسىنىڭ 2011 جىلعى 01 ناۋرىزداعى «مەملەكەتتىك م ۇلىك تۋرالى» زاڭىنا, مەملەكەتتىك جانە حالىقارالىق باعالاۋ ستاندارتتارىنا سايكەس جاسالعان جانە قازاقستان رەسپۋبليكاسى اۋماعىندا قولدانىلۋعا مىندەتتى. 2. وسى ستاندارتتا كەلەسى تەرميندەر مەن انىقتامالار قولدانىلادى: الۋ قۇنى – وسى ستاندارتتا بەكىتىلگەن ادىستەرگە ساي انىقتالاتىن نارىقتىق ەمەس قۇن ءتۇرى; جەر جاقسارتۋ – جەر تەلىمىنىڭ ساپالىق سيپاتتامالارىنىڭ جانە ونىڭ قۇنىنىڭ وزگەرۋىنە اكەلەتىن قانداي دا ءبىر ءىس-شارالاردىڭ ناتيجەسى. جەر جاقسارتۋلارىنا جەر تەلىمىنىڭ شەگىندە ورنالاسقان نىساناسىن وزگەرتۋ مەن قۇنسىزداندىرۋسىز ولاردىڭ ورنىن اۋىستىرۋعا بولمايتىن ماتەريالدىق وبەكتىلەر, سونداي-اق شارۋاشىلىق قىزمەتتىڭ نەمەسە جۇرگىزىلگەن بەلگىلى ءبىر جۇمىستىڭ (رەلەفتى وزگەرتۋ, گرۋنتتى جاقسارتۋ, ەگىستى, كوپ جىلدىق ەكپەلەردى, ينجەنەرلىك ينفراقۇرىلىمدى ورنالاستىرۋ جانە ت.ب.) ناتيجەلەرى جاتادى; جىلجىمايتىن م ۇلىك – قوزعالمايتىن وبەكتىلەر: جەر ۋچاسكەلەرى, عيماراتتار, قۇرىلىس, كوپ جىلدىق ەكپەلەر جانە جەرمەن تىعىز بايلانىستى وزگە دە م ۇلىك, ياعني ورنىن اۋىستىرۋ ولاردىڭ ماقساتىنا سىيىسپايتىن شىعىن جۇمسامايىنشا مۇمكىن بولمايتىن وبەكتىلەر, سونداي-اق قازاقستان رەسپۋبليكاسىنىڭ زاڭناماسىنا سايكەس جىلجىمايتىن م ۇلىك قاتارىنا كىرەتىن وزگە دە م ۇلىك; كاداسترلىق قۇن – جەر ۋچاسكەسىن كاداسترلىق باعالاۋدى جۇرگىزۋدى رەتتەيتىن قازاقستان رەسپۋب-ليكاسىنىڭ زاڭناماسىنا سايكەس بەلگىلەنگەن جانە بەكىتىلگەن جاپپاي باعالاۋ ادىسىمەن انىقتالاتىن مەملەكەتتىك كاداسترلىق باعالاۋ ۇردىسىنە بەكىتىلگەن جىلجىمايتىن م ۇلىكتىڭ نارىقتىق قۇنى; نارىقتىق ەمەس بازا - نارىق قاتىسۋشىلارىنىڭ ساتىپ الۋ قابىلەتىنە ەمەس نەمەسە نارىقتىڭ ايرىقشا نەمەسە ادەتتەگىدەن بولەك شارتتارىنداعى تيىمدىلىگىنە ەمەس, ەكونوميكالىق پايدالى ەكەندىگىنە نەمەسە م ۇلىكتىڭ فۋنكتسيالارىنا نەگىزدەلەتىن نارىقتىق بازادان ەرەكشەلەنەنتىن باعالاۋ قۇنىنىڭ قاعيدالارى; نارىقتىق قۇن – مامiلە جاساسۋشى تاراپتار باعالاۋ وبەكتiسi تۋرالى قولجەتiمدi بارلىق اقپاراتتى يەلەنە وتىرىپ ارەكەت ەتەتiن, باسەكەلەستiك جاعدايىنداعى مامiلەنiڭ نەگiزiندە سول وبەكتiنi يەلiكتەن شىعارۋعا بولاتىن اقشالاي ەسەپ ايىرىسۋ سوماسى, ال مامiلەنiڭ باعاسىنا: مامiلە جاساسۋشى تاراپتاردىڭ بiرi باعالاۋ وبەكتiسiن يەلiكتەن شىعارۋعا, ال ەكiنشi تاراپ ساتىپ الۋعا مiندەتتi بولماعاندا; مامiلە جاساسۋشى تاراپتار مامiلەنiڭ نىساناسى تۋرالى جاقسى حاباردار بولىپ, ءوز مۇددەلەرiنە ارەكەت ەتكەندە; مامiلەنiڭ باعاسى باعالاۋ وبەكتiسi ءۇشiن اقشالاي سىياقىنىڭ بالاماسى بولىپ تابىلسا جانە مامiلە جاساسۋشى تاراپتارعا قاتىستى قانداي دا بiر تاراپتان مامiلە جاساۋعا ماجبۇرلەۋ بولماعاندا, قانداي دا بiر توتەنشە جاعدايلار اسەر ەتپەيدi. 3. مەملەكەت مۇقتاجى ءۇشىن جەر ۋچاسكەسىن الىپ قويۋعا بايلانىستى جەر ۋچاسكەسىن نەمەسە وزگە دە جىلجىمايتىن م ۇلىكتىڭ قۇنىن وتەۋ مولشەرى مەملەكەت مۇقتاجى ءۇشىن جەر ۋچاسكەسىن يەلىكتەن شىعارۋ جانە (نەمەسە) مەنشىك يەسىنىڭ نەمەسە مەملەكەتتىك ەمەس جەر پايدالانۋشىنىڭ ءۇشىنشى تۇلعالار الدىنداعى مىندەتتەمەسىن مەرزىمىنەن بۇرىن توقتاتۋى ناتيجەسىندە مەنشىك يەسىنە نەمەسە مەملەكەتتىك ەمەس جەر پايدالانۋشىعا كەلتىرىلگەن زالالدىڭ تولىق كولەمىنە جانە م ۇلىكتىڭ قۇنىنا قاراي قازاقستان رەسپۋبليكاسىنىڭ ازاماتتىق كودەكسىنىڭ 9-بابىنىڭ 4 جانە 5 تارماقتارىنا سايكەس انىقتالادى. 4. مەنشىك قۇقىعى بۇزىلعان ادام جاساعان نەمەسە جاساۋعا ءتيىستى شىعىستار, ونىڭ مۇلكىنىڭ جوعالۋى نەمەسە زاقىمدانۋى (ناقتى نۇقسان), سونداي-اق سول ادامنىڭ مەنشىك قۇقىعى بۇزىلماعان بولسا, داعدىلى اينالىم جاعدايىندا ونىڭ الۋىنا بولاتىن, بىراق الىنباي قالعان تابىستارى (ايرىلىپ قالعان پايدا) زالالدار دەپ تۇسىنىلەدى. 5. الىناتىن جەر ۋچاسكەسىندە ورنالاسقان جىلجىمايتىن م ۇلىك (عيمارات, قۇرىلىس, سىرتقى جەلىلەر, كوپ جىلدىق ەكپەلەر جانە وزگە دە جىلجىمايتىن م ۇلىك) نارىقتىق قۇن بويىنشا باعالانۋى ءتيىس, ول قازاقستان رەسپۋبليكاسى ادىلەت ءمينيسترىنىڭ 2007 جىلعى 07 جەلتوقسانداعى № 329 بۇيرىعىمەن بەكىتىلگەن مەملەكەتتىك مۇقتاج ءۇشىن الىناتىن جىلجىمايتىن م ۇلىكتى باعالاۋ ادىستەمەسىمەن (2007 جىلعى 14 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 5041 بولىپ ەنگىزىلدى) بەكىتىلگەن ادىستەرگە ساي انىقتالادى. 6. اقشامەن ەمەس باسقا دا م ۇلىكپەن وتەۋ كەزىندە ونى باعالاۋدى باعالاۋشى نارىقتىق قۇنى بويىنشا «قازاقستان رەسپۋبليكاسىنداعى باعالاۋ قىزمەتى تۋرالى» قازاقستان رەسپۋبليكاسىنىڭ زاڭىنا سايكەس جۇرگىزۋى ءتيىس. 7. مەملەكەت مۇقتاجى ءۇشىن جەر ۋچاسكەسىن الىپ قويۋعا بايلانىستى يەلىكتەن شىعارىلعان جەر ۋچاسكەسىن نەمەسە وزگە دە جىلجىمايتىن م ۇلىكتى الۋ قۇنى تاۋەلسىز باعالاۋشىمەن مەنشىك يەسىنىڭ نەمەسە مەملەكەتتىك ەمەس جەر پايدالانۋشىنىڭ مەملەكەت مۇقتاجى ءۇشىن جەر ۋچاسكەسىن الىپ قويۋعا بايلانىستى جەر ۋچاسكەسىنىڭ يەلىكتەن شىعارىلعانى تۋرالى ەسكەرتۋ العان كەزىندە انىقتالادى. 8. مەملەكەت مۇقتاجى ءۇشىن جەر ۋچاسكەسىن الىپ قويۋعا بايلانىستى يەلىكتەن شىعارىلعان جەر ۋچاسكەسىن نەمەسە وزگە دە جىلجىمايتىن م ۇلىكتىڭ مەنشىك يەسىنىڭ اتقارۋشى ورگانعا جىبەرىلگەن تالابى بويىنشا باعالاۋ ناتيجەسى جونىندە داۋ تۋىنداعان جاعدايدا مەملەكەت مۇقتاجى ءۇشىن يەلىكتەن شىعارىلعان م ۇلىك قۇنىنا وتەمنىڭ تولەنگەن كۇنىندە قايتالاپ باعالاۋ جۇرگىزىلەدى. مەملەكەت مۇقتاجى ءۇشىن يەلىكتەن شىعارىلعان جەر ۋچاسكەسى نەمەسە وزگە دە جىلجىمايتىن م ۇلىكتى قايتالاپ باعالاۋ باستاپقى باعالاۋدى جۇرگىزگەن باعالاۋشىمەن جۇزەگە اسىرىلماۋى ءتيىس. ەگەر باعالاۋ كەزىنەن جەر ۋچاسكەسىن ساتىپ الۋ تۋرالى كەلىسىم-شارتتا قول قويىلعانعا دەيىن التى ايدان استام ۋاقىت وتكەن جاعدايدا مەملەكەت مۇقتاجى ءۇشىن الىنعان جەر ۋچاسكەسىن نەمەس وزگە دە جىلجىمايتىن م ۇلىكتى قايتالاپ باعالاۋ مىندەتتى تۇردە جۇرگىزىلەدى. 2. مەنشىكتەگى جەر ۋچاسكەسىن الۋ قۇنىن باعالاۋ 9. مەملەكەت مۇقتاجى ءۇشىن جەر ۋچاسكەسىن الۋعا بايلانىستى مەنشىك يەسى وعان تيەسىلى ۋچاسكەنى يەلىكتەن شىعارۋعا مىندەتتى, سونىمەن بىرگە ول ساتۋعا ءماجبۇر بولادى جانە ىسكە اسىرۋ مەرزىمى شەكتەۋلى, الۋ قۇنى باعالاۋدىڭ نارىقتىق ەمەس بازاسىنا جاتادى. الۋ قۇنى نارىقتىق قۇن كولەمىنەن اسپاۋى ءتيىس. 10. مەملەكەت مۇقتاجى ءۇشىن يەلىكتەن شىعارىلعان (زالالداردى ەسەپكە الماعاندا), مەنشىك يەسى مەملەكەتتەن العان جەر ۋچاسكەسىن الۋ قۇنى وسى ستاندارتتىڭ 11 جانە 12 تارماقتارىندا كوزدەلگەن جاعدايلاردى ەسەپكە الماعاندا مەملەكەتكە تولەنگەن سوما كولەمىندە انىقتالادى. ەگەر ساتىپ الۋ كەزىنەن مەملەكەت مۇقتاجى ءۇشىن جەر ۋچاسكەسىن يەلىكتەن شىعارۋ تۋرالى ەسكەرتۋ مەرزىمىنە دەيىن ءبىر جىلدان استام ۋاقىت وتسە, وندا كەلىسىم-شارتتا كورسەتىلگەن باعا كاداسترلىق قۇن بويىنشا باعالانۋى ءتيىس, ونىڭ بازالىق ستاۆكالارى قازاقستان رەسپۋبليكاسى ۇكىمەتىنىڭ 2003 جىلعى 02 قىركۇيەكتەگى № 890 «جەر ۋچاسكەلەرi جەكە مەنشiككە بەرiلگەن كەزدە, مەملەكەت نەمەسە مەملەكەتتiك جەر پايدالانۋشىلار جالعا بەرگەن كەزدە ولار ءۇشiن تولەماقىنىڭ بازالىق ستاۆكالارىن, سونداي-اق جەر ۋچاسكەلەرiن جالداۋ قۇقىعىن ساتۋ تولەماقىسىنىڭ مولشەرiن بەكiتۋ تۋرالى» قاۋلىسىمەن بەكىتىلگەن. مەملەكەتپەن بەلگىلەنگەن مەرزىمگە ساتىلعان جەر ۋچاسكەسىنە (زالالداردى ەسەپكە الماعاندا) سوما تولىق تولەنبەگەندە جانە مەملەكەت مۇقتاجى ءۇشىن ول يەلىكتەن شىعارىلىپ الىنعان جەر ۋچاسكەسىنىڭ باعاسى ساتۋ كەزىنەن باستاپ ونىڭ كاداسترلىق قۇنىنىڭ وزگەرۋى ەسەپكە الىنا وتىرىپ مەملەكەتكە تولەنگەن سوما كولەمىندە انىقتالادى. 11. مەنشىك يەسىنە ازاماتتىق-قۇقىقتىق مامىلە بويىنشا نەمەسە سوت شەشىمى بويىنشا وتكەن مەملەكەت مۇقتاجى ءۇشىن يەلىكتەن شىعارىلعان جەر ۋچاسكەسىن الۋ قۇنى وتكەن كەزەڭدەگى ينفلياتسيانى ەسەپكە الا وتىرىپ, بىراق نارىقتىق قۇننان اسپايتىن ازاماتتىق-قۇقىقتىق مامىلەدە نەمەسە سوت شەشىمىندە كورسەتىلگەن قۇن مولشەرىندە انىقتالادى. ەگەر ازاماتتىق-قۇقىقتىق مامىلەدە جەر ۋچاسكەسىنىڭ باعاسى كورسەتىلمەگەن بولسا, وندا جەر ۋچاسكەسىنىڭ قۇنى ونىڭ كاداسترلىق (باعالاۋ) قۇنى بويىنشا انىقتالادى. 12. جەكە تۇرعىن-ءۇي قۇرىلىسى, جەكە قوسالقى شارۋاشىلىق جۇرگىزۋ ءۇشىن (ەگىستىك ۋچاسكەلەرىن قوسپاعاندا) بەرىلگەن مەملەكەت مۇقتاجى ءۇشىن يەلىكتەن شىعارىلعان جەر ۋچاسكەسىن الۋ قۇنى كاداسترلىق قۇن بويىنشا باعالانادى. قورا-جايلارى, شەكتەۋلەرى, كوگالداندىرىلعان جانە القاپ ىشىندەگى ينجەنەرلىك جۇيەلەرى بار تۇرعىن ءۇيدى الۋ قۇنى ەسكىرۋدى ەسەپكە الماعانداعى ولاردىڭ تولىق قالپىنا كەلتىرىلگەن قۇنى سياقتى شىعىستار ادىسىمەن ەسەپتەلەدى. جاقسارتۋلارى بار جەر ۋچاسكەسىن الۋ قۇنى ولاردىڭ نارىقتىق قۇنىنان اسپاۋى ءتيىس. 3. جەر پايدالانۋ قۇقىعىن الۋ قۇنى 13. مەملەكەتتەن ساتىپ الىنعان جەر پايدالانۋ قۇقىعىن الۋ قۇنى ساتۋ كەزىنەن باستاپ ونىڭ كاداسترلىق قۇنىنىڭ وزگەرۋىن ەسەپكە الا وتىرىپ مەملەكەتكە تولەنگەن سوما كولەمىندە انىقتالادى. جەر پايدالانۋ قۇقىعىنىڭ نارىقتىق قۇنىن ەسەپتەۋ كەزىندە ايىرىلىپ قالعان پايدا كولەمى انىقتالمايدى, وسىعان بايلانىستى وسى پايدانىڭ بولاشاق اقشا اعىمدارى جەر پايدالانۋ قۇقىعىنىڭ نارىقتىق قۇنىن باعالاۋ كەزىندە ەسەپكە الىنىپ قويعان. 14. جەر پايدالانۋ قۇقىعى ساتىپ الىنباعان جەر ۋچاسكەسىن يەلىكتەن شىعارۋ كەزىندە جەر جاقسارتۋلارىن الۋ قۇنى, ءۇشىنشى تۇلعالار الدىنداعى مىندەتتەمەنىڭ جويىلۋىنا بايلانىستى زالالدار كولەمى جانە ايىرىلىپ قالعان پايدا كولەمى انىقتالادى. 4. جەر ۋچاسكەسى يەسىنە كەلتىرىلگەن زالالداردى باعالاۋ 15. جىلجىمايتىن م ۇلىكتى الۋ كەزىندە مەنشىك يەلەرى تۇرعىن ۇيدەن شىعۋىنا ءماجبۇر بولۋىنا بايلانىستى, نە كوممەرتسيالىق جىلجىمايتىن م ۇلىك جاڭا ۇقساس وبەكت العانعا دەيىن زالالعا يە بولادى. بۇل زالالدىڭ كولەمى جىلجىمايتىن م ۇلىك نارىعىن تالداۋ نەگىزىندە باعالاۋشىمەن ەسەپتەلەدى: پاتەرلەر ءۇشىن: الىنعان اۋماقتى ءۇش اي ىشىندەگى ورتاشا ايلىق جالداۋ ستاۆكاسىنا شاققاندا; جەر ۋچاسكەلەرى, ونىڭ ىشىندە جاقسارتۋلارىمەن: الىنعان اۋماقتى التى اي ىشىندەگى ورتاشا ايلىق جالداۋ ستاۆكاسىنا شاققاندا; شاعىن بيزنەستىڭ كوممەرتسيالىق جىلجىمايتىن مۇلكى ءۇشىن: ۇيىم قىزمەتىنىڭ سوڭعى ءۇش جىلداعى تازا تابىسىنىڭ ەڭ كوپ كولەمىن جوعالتۋ; ورتاشا بيزنەستىڭ كوممەرتسيالىق جىلجىمايتىن مۇلكى ءۇشىن: ۇيىم قىزمەتىنىڭ سوڭعى ءۇش جىلىندا ەكى جىلدىق تازا تابىسىنىڭ ەڭ كوپ كولەمىن جوعالتۋ; ءىرى بيزنەستىڭ كوممەرتسيالىق جىلجىمايتىن مۇلكى ءۇشىن: ۇيىم قىزمەتىنىڭ سوڭعى ءۇش جىلىندا ءۇش جىلدىق تازا تابىسىنىڭ ەڭ كوپ كولەمىن جوعالتۋمەن ەسەپتەلەدى. 16. جەر ۋچاسكەسىن الۋعا بايلانىستى ءۇشىنشى تۇلعالارمەن كەلىسىم-شارتتى مەرزىمىنەن بۇرىن بۇزۋمەن كەلتىرىلگەن زالالدىڭ كولەمى كەلىسىم-شارتتى تالداۋ نەگىزىندە انىقتالادى جانە الىنباي قالعان تازا پايدا ناتيجەسىندەگى زالال مەن كەلىسىم-شارتتى ءبىر جاقتى بۇزۋى ءۇشىن ايىپپۇل كىرەدى. 5. الۋ قۇنىن باعالاۋ تۋرالى ەسەپ 17. جەر ۋچاسكەسىن الۋ قۇنىن باعالاۋ بويىنشا ەسەپ «قازاقستان رەسپۋبليكاسىنداعى باعالاۋ قىزمەتى تۋرالى» قازاقستان رەسپۋبليكاسىنىڭ زاڭىنا جانە ۋاكىلەتتى ورگانمەن بەكىتىلگەن باعالاۋ تۋرالى ەسەپتىڭ نىسانى مەن مازمۇنىنا قويىلاتىن تالاپتارعا سايكەس جازباشا تۇردە دايىندالادى. 18. «باعالاۋ تۋرالى ەسەپتىڭ نىسانى مەن مازمۇنىنا قويىلاتىن تالاپتار» باعالاۋ ستاندارتىندا ايتىلعان باعالاۋ تۋرالى ەسەپكە قويىلاتىن تالاپتاردان باسقا الۋ قۇنىن باعالاۋ تۋرالى ەسەپكە كەلەسىدەي قوسىمشا تالاپتار قويىلادى: الۋ قۇنىن باعالاۋدان باسقا ەسەپتە جەر ۋچاسكەسىن قوسا, الىناتىن جىلجىمايتىن م ۇلىكتىڭ نارىقتىق قۇنىنىڭ ەسەبى جانە ونىڭ الىنعان قۇنىمەن سالىستىرماسى بولۋى ءتيىس; الىناتىن م ۇلىكتىڭ قۇنىن باعالاۋ ءۇشىن پايدالانىلعان بارلىق ەسەپتىك كورسەتكىشتەر, سونىڭ ىشىندە ورتا ايلىق جالداۋ ستاۆكاسى, ۇيىمنىڭ تازا جىلدىق تابىسى جانە باسقا اقپارات قۇجاتتارمەن راستالۋى ءتيىس. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 27 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7092 بولىپ ەنگىزىلدى.