قازاقستان رەسپۋبليكاسى ۇكىمەتىنىڭ قاۋلىسى №830

2011 جىلعى 19 شىلدە,  استانا, ۇكىمەت ءۇيى عىلىم سالاسىنداعى سىيلىقتار مەن مەملەكەتتىك عىلىمي ستيپەنديالار تۋرالى «عىلىم تۋرالى» قازاقستان رەسپۋبليكاسىنىڭ 2011 جىلعى 18 اقپانداعى زاڭىنىڭ 3-بابىنىڭ 12) تارماقشاسىنا, 15-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدi: 1. عىلىم سالاسىنداعى جىل سايىنعى: 1) جاراتىلىستانۋ عىلىمدارى سالاسىنداعى ۇزدiك عىلىمي زەرتتەۋى ءۇشiن ق.ي. ساتباەۆ اتىنداعى ءبىر سىيلىق; 2) گۋمانيتارلىق عىلىمدار سالاسىنداعى ۇزدiك عىلىمي زەرتتەۋى ءۇشiن ش.ش. ۋاليحانوۆ اتىنداعى ءبىر سىيلىق; 3) اگرارلىق عىلىم سالاسىنداعى ۇزدiك عىلىمي زەرتتەۋى مەن جۇمىسى ءۇشiن ا.ي. باراەۆ اتىنداعى ء(بىرىنشى, ەكىنشى, ءۇشىنشى) ءۇش سىيلىق; 4) پەداگوگيكا سالاسىنداعى ۇزدiك عىلىمي زەرتتەۋi مەن جۇمىسى ءۇشiن ى. التىنسارين اتىنداعى ءبىر سىيلىق; 5) تۇركولوگيا سالاسىنداعى اسا زور جەتىستىكتەرى ءۇشىن كۇلتەگىن اتىنداعى ءبىر سىيلىق; 6) جاراتىلىستانۋ عىلىمدارى سالاسىنداعى ۇزدiك جۇمىسى ءۇشiن جاس عالىمدارعا ارنالعان د.ا. قوناەۆ اتىنداعى ءبىر سىيلىق; 7) گۋمانيتارلىق عىلىمدار سالاسىنداعى ۇزدiك جۇمىسى ءۇشiن جاس عالىمدارعا ارنالعان م.و. اۋەزوۆ اتىنداعى ءبىر سىيلىق تاعايىندالسىن. 2. 75 مەملەكەتتىك عىلىمي ستيپەنديا, ونىڭ ىشىندە وتىز بەستى قوسا العانداعى جاسقا دەيىنگى تالانتتى جاس عالىمدار ءۇشىن 50 مەملەكەتتىك عىلىمي ستيپەنديا تاعايىندالسىن. 3. قوسا بەرىلىپ وتىرعان عىلىم سالاسىنداعى سىيلىقتاردى, مەملەكەتتىك عىلىمي ستيپەنديالاردى تاعايىنداۋ قاعيداسى بەكىتىلسىن. 4. قوسىمشاعا سايكەس قازاقستان رەسپۋبليكاسى ۇكىمەتىنىڭ كەيبىر شەشىمدەرىنىڭ كۇشى جويىلدى دەپ تانىلسىن. 5. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ  پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ  2011 جىلعى 19 شىلدەدەگى   №830 قاۋلىسىمەن  بەكىتىلگەن عىلىم سالاسىنداعى سىيلىقتاردى, مەملەكەتتىك عىلىمي ستيپەنديالاردى تاعايىنداۋ قاعيداسى 1. جالپى ەرەجەلەر 1. وسى عىلىم سالاسىنداعى سىيلىقتاردى, مەملەكەتتىك عىلىمي ستيپەنديالاردى تاعايىنداۋ قاعيداسى (بۇدان ءارى – قاعيدا) «عىلىم تۋرالى» قازاقستان رەسپۋبليكاسىنىڭ 2011 جىلعى 18 اقپانداعى زاڭىنا سايكەس ازiرلەندi جانە عىلىم سالاسىنداعى سىيلىقتار مەن مەملەكەتتىك عىلىمي ستيپەنديالاردى تاعايىنداۋ ءتارتىبىن ايقىندايدى. 2. وسى قاعيدادا مىناداي نەگىزگى ۇعىمدار پايدالانىلادى: 1) عىلىم سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) – عىلىم جانە عىلىمي-تەحنيكالىق قىزمەت سالاسىندا سالاارالىق ۇيلەستىرۋدى جانە باسشىلىقتى جۇزەگە اسىراتىن مەملەكەتتىك ورگان; 2) سالالىق ۋاكىلەتتى ورگان – عىلىم جانە عىلىمي-تەحنيكالىق قىزمەت سالاسىنداعى مەملەكەتتىك ساياساتتى ىسكە اسىرۋدى جانە ءتيىستى سالادا عىلىمي زەرتتەۋلەر جۇرگىزۋ جونىندەگى جۇمىستاردى ۇيلەستىرۋدى جۇزەگە اسىراتىن مەملەكەتتىك ورگان; 3) عىلىمي ۇيىم – قىزمەتىنىڭ نەگىزگى ءتۇرى عىلىمي, عىلىمي-تەحنيكالىق جانە يننوۆاتسيالىق قىزمەتتى جۇزەگە اسىرۋ, ونىڭ ىشىندە زياتكەرلىك مەنشىك وبەكتىلەرىنە قۇقىقتى ىسكە اسىرۋ, سونداي-اق عىلىمي-زەرتتەۋ جانە تاجىريبەلىك-كونسترۋكتورلىق جۇمىستار جۇرگىزۋ بولىپ تابىلاتىن زاڭدى تۇلعا; 4) عىلىمي قىزمەتكەر – عىلىمي ۇيىمدا, جوعارى وقۋ ورنىندا نەمەسە ۇيىمنىڭ عىلىمي بولىمشەسىندە جۇمىس ىستەيتىن, جوعارى ءبىلىمى بار, عىلىمي جانە (نەمەسە) عىلىمي-تەحنيكالىق قىزمەت ناتيجەسىن الاتىن جانە ىسكە اسىراتىن جەكە تۇلعا; 5) عالىم – عىلىمي زەرتتەۋلەردى جۇزەگە اسىراتىن ءارى عىلىمي جانە (نەمەسە) عىلىمي-تەحنيكالىق قىزمەت ناتيجەلەرىنە قول جەتكىزەتىن جەكە تۇلعا. 3. كوتەرمەلەۋ ماقساتىندا عىلىم مەن تەحنيكانى دامىتۋعا ۇلەس قوسقان عالىمدار, عىلىمي ۇيىمداردىڭ عىلىمي قىزمەتكەرلەرى: 1) ۇزدىك عىلىمي زەرتتەۋلەرى مەن جۇمىستارى, عىلىم سالاسىنداعى اسا زور جەتىستىكتەرى ءۇشىن جىل سايىنعى سىيلىقتاردى الۋعا ۇسىنىلۋى; 2) مەملەكەتتىك عىلىمي ستيپەنديالاردى الۋعا ۇسىنىلۋى مۇمكىن. مەملەكەتتىك عىلىمي ستيپەنديالار: مەملەكەت ءۇشىن باسىم باعىتتاردا ىرگەلى نەمەسە قولدانبالى زەرتتەۋلەردى جۇرگىزۋگە, عىلىمي كادرلاردى دايارلاۋعا بەلسەنە قاتىساتىن عالىمدار مەن عىلىمي قىزمەتكەرلەرگە; عىلىمي پروبلەمالاردى شەشۋ بويىنشا زەرتتەۋلەر جۇرگىزۋگە بەلسەنە قاتىساتىن جانە عىلىمي قوعامداستىق مويىنداعان, قوسا العاندا وتىز بەس جاسقا دەيىنگى تالانتتى جاس عالىمدارعا دا بەرىلۋى مۇمكىن. 4. سىيلىقتار مەن مەملەكەتتىك عىلىمي ستيپەنديالار بەرۋدى قازاقستان رەسپۋبليكاسىنىڭ زاڭناماسىنا سايكەس ءوز قۇزىرەتى شەگىندە ۋاكىلەتتى ورگان مەن سالالىق ۋاكىلەتتى ورگاندار جۇزەگە اسىرادى. 5. عىلىم سالاسىنداعى سىيلىقتار (بۇدان ءارى – سىيلىقتار) مەن مەملەكەتتىك عىلىمي ستيپەنديالار كونكۋرستىق نەگىزدە بەرىلەدى. 6. سىيلىقتار مەن مەملەكەتتىك عىلىمي ستيپەنديالار بەرۋگە ارنالعان كونكۋرستارعا وسى قاعيدانىڭ 3-تارماعىندا كورسەتىلگەن عالىمدار مەن عىلىمي قىزمەتكەرلەر بولىپ تابىلاتىن قازاقستان رەسپۋبليكاسىنىڭ ازاماتتارى قاتىسا الادى. 7. سىيلىقتار مەن مەملەكەتتىك عىلىمي ستيپەنديالاردىڭ مولشەرلەرىن ۋاكىلەتتى ورگان (اگرارلىق عىلىم سالاسىنداعى سىيلىقتار بويىنشا – قازاقستان رەسپۋبليكاسى اۋىل شارۋاشىلىعى مينيسترلىگى) ايقىندايدى. 2. عىلىم سالاسىنداعى سىيلىقتاردى بەرۋ ءتارتiبi 8. سىيلىقتار الۋ ءۇشiن جۇمىستاردى ۇسىنۋ قۇقىعى مەنشiك نىسانىنا قاراماستان قازاقستان رەسپۋبليكاسى عىلىمي ۇيىمدارىنىڭ جانە جوعارى وقۋ ورىندارىنىڭ (بۇدان ءارi – ۇيىمدار) كونسۋلتاتيۆتىك-كەڭەسشى ورگاندارىنا (عىلىمي كەڭەستەر) بەرiلەدi. 9. سىيلىق الۋ ءۇشiن جۇمىستاردى ۇسىنۋ تۋرالى شەشiم سىيلىق الۋ ءۇشiن ۇسىنىلاتىن جۇمىستار ورىندالعان ۇيىمدا بەلگiلەنگەن تارتiپپەن قابىلدانادى. 10. سىيلىق الۋعا جەكە اۆتورلار, سونداي-اق سانى بەس ادامنان اسپايتىن اۆتورلار ۇجىمىنىڭ جۇمىستارى ۇسىنىلۋى مۇمكىن. ءار اۆتور جانە اۆتورلار ۇجىمى كونكۋرسقا تەك بiر جۇمىس ۇسىنۋعا قۇقىلى. 11. بۇرىن رەسپۋبليكالىق بيۋدجەت قاراجاتىنان تولەنەتiن سىلىقتارعا يە بولعان جۇمىستار وسى سىيلىقتاردى الۋ كونكۋرسىنا قاتىسۋعا جiبەرiلمەيدi. سىيلىققا جۇمىس ەكi رەتتەن ارتىق ۇسىنىلمايدى. وسى سىيلىقتار لاۋرەاتىنىڭ جاڭا جەتiستiكتەرi بولعان جاعدايدا, سىيلىقتار وعان سوڭعى تاعايىندالعاننان كەيiن بەس جىل وتكەن سوڭ قايتالانىپ بەرiلۋi مۇمكiن. ۇجىمدىق جۇمىستاردىڭ اۆتورلارىنا سىيلىقتىڭ اقشالاي بولiگi تەڭ ۇلەسپەن تولەنەدi. 12. سىيلىقتاردى الۋعا ۇيىمداردىڭ كونسۋلتاتيۆتىك-كەڭەسشى ورگاندارىندا جان-جاقتى تالقى­لانۋدان ءوتىپ, ءتيىستى شەشىم قابىلدانعان, عىلىمي كوپشiلiككە كەڭiنەن تانىمال كونكۋرس جاريالانعانعا دەيiنگi جىلدى قوسا العاندا, سوڭعى 5 جىل ىشىندە ورىندالىپ, جاريالانعان جۇمىستار ۇسىنىلادى. 13. جاس عالىمدارعا ارنالعان سىيلىقتاردى الۋعا ارنالعان كونكۋرسقا قوسا العاندا وتىز بەس جاسقا دەيىنگى جاس عالىمدار قاتىسا الادى. جاس عالىمداردىڭ جۇمىستارى كونكۋرس جاريالانعانعا دەيiنگi جىلدى قوسا العاندا سوڭعى ءۇش جىل ىشىندە ورىندالعان بولۋى كەرەك. 14. كونكۋرسقا مىناداي قۇجاتتار ۇسىنىلادى: 1) كiتاپتار, مونوگرافيالار, وقۋلىقتار, كiتاپشالانعان ماقالالاردىڭ باسپا-تاڭبالارى, پاتەنتتەر كوشiرمەلەرi, اۆتورلىق كۋالىكتەر, مەملەكەتتiك تiركەۋدەن وتكەن عىلىمي-زەرتتەۋ جۇمىسى تۋرالى ەسەپتەر تۇرلەرىندەگى عىلىمي جۇمىس; 2) مازمۇنى, زەرتتەۋلەردىڭ وزەكتىلىگى مەن جاڭالىعى, نەگiزگi عىلىمي ناتيجەلەرi, ولاردىڭ ماڭىزدىلىعى مەن بولاشاقتا پايدالانۋ مۇمكىندىگى باياندالاتىن جۇمىستىڭ سيپاتتاماسى (0,5 ب. ت.). 3) جۇمىستىڭ قىسقاشا مازمۇنداماسى اننوتاتسياسى; 4) جۇمىستىڭ عىلىمي وزەكتىلىگى مەن ماڭىزدىلىعىن بەينەلەيتiن ۇسىنىم-نەگiزدەمە; 5) جۇمىستى ۇسىنعان ۇيىمنىڭ كونسۋلتاتيۆتىك-كەڭەسشى ورگان وتىرىسىنىڭ حاتتاماسىنان ءۇزiندi; 6) سىيلىق الۋعا ۇمىتكەردىڭ نەگiزگi قىزمەت ورنىنان انىقتاما; 7) سىيلىق الۋعا ۇمىتكەردىڭ ۇجىم جۇمىستارى ءۇشiن شىعارماشىلىق ۇلەسi كورسەتiلگەن عىلىمي قىزمەتiنە قىسقاشا سيپاتتاما; 8) نەگىزگى عىلىمي جۇمىستارىنىڭ تiزiمi (5-تەن اسپاۋعا تيiس); 9) كونكۋرسقا ۇسىنىلعان جۇمىستىڭ (جۇمىستار سەرياسى) بۇرىن رەسپۋبليكالىق بيۋدجەت قاراجاتىنان تولەنەتىن سىيلىقتارعا يە بولماعانىن كۇالاندىراتىن انىقتاما. سىيلىق الۋعا ۇمىتكەر جۇمىستان بوساتىلعان جاعدايدا وسى باپتىڭ 6), 7) جانە 8) تارماقشالارىندا كورسەتiلگەن قۇجاتتار ونىڭ سوڭعى جۇمىس ورنىنان ۇسىنىلادى. 15. كونكۋرس ماتەريالدارىن راسىمدەۋگە قويىلاتىن تالاپتاردى ۋاكىلەتتى ورگانى (اگرارلىق عىلىم سالاسىنداعى سىيلىقتار بويىنشا – قازاقستان رەسپۋبليكاسى اۋىل شارۋاشىلىعى مينيسترلىگى) ايقىندايدى. 16. سىيلىقتاردى الۋ كونكۋرسىنا ۇسىنىلعان ماتەريالدار كونكۋرس تۋرالى حابارلاندىرۋ جاريالانعان كۇننەن باستاپ كۇنتىزبەلىك 30 كۇن ىشىندە ۋاكىلەتتى ورگانعا (اگرارلىق عىلىمدار سالاسىنداعى سىيلىقتار بويىنشا – قازاقستان رەسپۋبليكاسى اۋىل شارۋاشىلىعى مينيسترلىگىنە) ۇسىنىلادى. وندا كونكۋرستىق قۇجاتتار تiركەلەدi جانە قۇجاتتاردى قابىلداۋ مەرزiمi اياقتالعان سوڭ 10 جۇمىس كۇنى ىشىندە كونكۋرستىق كوميسسياعا قاراۋعا بەرiلەدi. كونكۋرستى وتكىزۋ تۋرالى حابارلاندىرۋدى رەسپۋبليكالىق باسىلىمداردا ۋاكىلەتتى ورگان (اگرارلىق عىلىمدار سالاسىنداعى سىيلىقتار بويىنشا – قازاقستان رەسپۋبليكاسى اۋىل شارۋاشىلىعى مينيسترلىگى) ورنالاستىرادى. 17. كونكۋرسقا ۇسىنىلعان جۇمىستار مەن ماتەريالدار اۆتورلاردىڭ جازباشا تالاپتارى بويىنشا بiر دانادا قايتارىلادى. 18. كونكۋرستىق قۇجاتتاردى قاراۋ جانە سىيلىقتاردى تاعايىنداۋ ماسەلەسى بويىنشا شەشىمدەر دايىنداۋ ءۇشىن ۋاكىلەتتى ورگاننىڭ (اگرارلىق عىلىمدار سالاسىنداعى سىيلىقتار بويىنشا – قازاقستان رەسپۋبليكاسى اۋىل شارۋاشىلىعى مينيسترلىگى) بۇيرىعىمەن كونكۋرستىق كوميسسيا قۇرىلادى. كونكۋرستىق كوميسسيا كونسۋلتاتيۆتىك-كەڭەسشى ورگان بولىپ تابىلادى جانە مينيسترلىكتەر, ۆەدومستۆولار جانە باسقا مەملەكەتتىك ورگانداردىڭ وكىلدەرىنەن, رەسپۋبليكانىڭ ءارتۇرلى عىلىم سالالارىنىڭ جەتەكشى عالىمدارى مەن ماماندارى قۇرامىنان قۇرىلادى. ەگەر وسى سىيلىقتاردى الۋعا كونكۋرستىق كوميسسيا مۇشەلەرىنىڭ جۇمىستارى ۇسىنىلعان جاعدايدا, ولار كوميسسيانىڭ جۇمىسىنا قاتىسپايدى. 19. سىيلىقتاردى بەرۋ ءۇشىن جۇمىستاردى ىرىكتەۋ كريتەريلەرىن كونكۋرستىق كوميسسيا ايقىندايدى. 20. كونكۋرستىق كوميسسيا سىيلىق الۋعا ۇسىنىلعان جۇمىستاردى الدىن الا قاراۋ ءۇشiن سەكتسيالار قۇرادى, ولاردىڭ قۇرامى مەن جۇمىس ءتارتiبiن ايقىندايدى. 21. كونكۋرستىق كوميسسيا سەكتسيالاردىڭ قورىتىندىلارى نەگىزىندە, ولاردى العان كۇننەن باستاپ 20 جۇمىس كۇنى ىشىندە ۋاكىلەتتى ورگانعا (اگرارلىق عىلىمدار سالاسىنداعى سىيلىقتار بويىنشا – قازاقستان رەسپۋبليكاسى اۋىل شارۋاشىلىعى مينيسترلىگىنە) سىيلىقتاردى بەرۋ جونىندەگى شەشىمدى ەنگىزەدى. 22. ۋاكىلەتتى ورگان (اگرارلىق عىلىمدار سالاسىنداعى سىيلىقتار بويىنشا – قازاقستان رەسپۋبليكاسى اۋىل شارۋاشىلىعى مينيسترلىگى) كونكۋرستىق كوميسسيا شەشىمىنىڭ نەگىزىندە سىيلىقتاردى بەرۋ تۋرالى شەشىم قابىلدايدى. 23. سىيلىقتاردى بەرۋ جونىندەگى كونكۋرستاردىڭ ناتيجەلەرى رەسپۋبليكالىق باسىلىمداردا جاريالانۋعا جانە ۋاكىلەتتى ورگاننىڭ (اگرارلىق عىلىمدار سالاسىنداعى سىيلىقتار بويىنشا – قازاقستان رەسپۋبليكاسى اۋىل شارۋاشىلىعى مينيسترلىگىنىڭ) ينتەرنەت رەسۋرسىندا ورنالاستىرۋعا جاتادى. 24. سىيلىق بەرۋ تۋرالى ديپلومدار, توسبەلگىلەر مەن اقشالاي سىيلىقتاردى لاۋرەاتتارعا قازاقستان رەسپۋبليكاسىنىڭ ءبىلىم جانە عىلىم ءمينيسترى (اگرارلىق عىلىمدار سالاسىنداعى سىيلىقتار بويىنشا – قازاقستان رەسپۋبليكاسى اۋىل شارۋاشىلىعى ءمينيسترى) تاپسىرادى. 25. قايتىس بولعاننان كەيىن ناگرادتالعان سىيلىق لاۋرەاتىنىڭ ديپلومى, توسبەلگىسى جانە اقشالاي سىيلىعى زاڭناماعا سايكەس مۇراگەرلەرىنە بەرىلەدى. 3. مەملەكەتتىك عىلىمي ستيپەنديالاردى بەرۋ ءتارتىبى 26. مەملەكەتتىك عىلىمي ستيپەنديانى الۋعا ۇمىتكەردى ۇسىنۋ قۇقىعى ۇيىمداردىڭ كونسۋلتاتيۆتىك-كەڭەسشى ورگاندارىنا بەرiلەدi. 27. مەملەكەتتىك عىلىمي ستيپەنديانى الۋعا ۇمىتكەردى ۇسىنۋ تۋرالى شەشiم ستيپەنديا الۋ ءۇشiن ۇسىنىلاتىن ۇمىتكەر جۇمىس ىستەيتىن ۇيىمدا بەلگiلەنگەن تارتiپپەن قابىلدانادى. 28. مەملەكەتتىك عىلىمي ستيپەنديالار ءبىر جىلعا دەيىنگى مەرزىمگە عىلىم سالاسىنداعى ۋاكىلەتتى ورگاننىڭ بۇيرىعىمەن تاعايىندالادى. 29. مەملەكەتتىك عىلىمي ستيپەنديانى الۋعا ۇسىنىپ وتىرعان ۇمىتكەرگە مىناداي قۇجاتتار ۇسىنىلادى: 1) ءتيىستى ۇيىمنىڭ ىلەسپە حاتى; 2) ۇيىمنىڭ كونسۋلتاتيۆتىك-كەڭەسشى ورگانىنىڭ مەملەكەتتىك عىلىمي ستيپەنديانى الۋعا ۇمىتكەردى ۇسىنۋ تۋرالى وتىرىسى حاتتاماسىنان ءۇزiندi; 3) ۇيىمنىڭ كونسۋلتاتيۆتىك-كەڭەسشى ورگانىنىڭ ۋاجدەلگەن قولداۋ حاتى (ۇسىنىمى); 4) مەملەكەتتىك عىلىمي ستيپەنديانى الۋعا ۇمىتكەردىڭ نەگiزگi قىزمەت ورنىنان انىقتاما; 5) مەملەكەتتىك عىلىمي ستيپەنديالاردى الۋعا ۇمىتكەردىڭ سوڭعى بەس جىلدا جاريالانعان عىلىمي جۇمىستارىنىڭ ءتىزىمى, سونداي-اق ەڭ ماڭىزدى جۇمىستاردىڭ باسپا-تاڭبالارى (بەستەن اسپاۋى كەرەك). مونوگرافيا بويىنشا ەكى بەتكە دەيىنگى كولەمدەگى باسىلعان اننوتاتسيا بەرىلەدى. 30. كونكۋرس ماتەريالدارىن راسىمدەۋگە قويىلاتىن تالاپتاردى ۋاكىلەتتى ورگان ايقىندايدى. 31. مەملەكەتتىك عىلىمي ستيپەنديالار الۋعا ارنالعان كونكۋرسقا ۇسىنىلعان ماتەريالدار كونكۋرس تۋرالى حابارلاندىرۋ جاريالانعان كۇننەن باستاپ كۇنتىزبەلىك 30 كۇن ىشىندە ۋاكىلەتتى ورگانعا ۇسىنىلادى. وندا كونكۋرستىق قۇجاتتار تiركەلەدi جانە قۇجاتتاردى قابىلداۋ مەرزiمi اياقتالعان سوڭ 10 جۇمىس كۇنى ىشىندە كونكۋرستىق كوميسسياعا قاراۋعا بەرiلەدi. كونكۋرستى وتكىزۋ تۋرالى حابارلاندىرۋدى رەسپۋبليكالىق باسىلىمداردا ۋاكىلەتتى ورگان ورنالاستىرادى. 32. قۇجاتتاردى قابىلداۋ مەرزىمى اياقتالعاننان كەيىن تۇسكەن قۇجاتتار كونكۋرسقا جىبەرىلمەيدى. 33. كونكۋرسقا ۇسىنىلعان ماتەريالدار قايتارۋعا جاتپايدى. كونكۋرس ماتەريالدارىن قاراۋ جانە مەملەكەتتىك عىلىمي ستيپەنديالاردى تاعايىنداۋ ماسەلەسى جونىندەگى شەشىمدەردى دايىنداۋ ءۇشىن ۋاكىلەتتى ورگاننىڭ بۇيرىعىمەن كونكۋرستىق كوميسسيا قۇرىلادى. كونكۋرستىق كوميسسيا كونسۋلتاتيۆتىك-كەڭەسشى ورگان بولىپ تابىلادى جانە ۋاكىلەتتى ورگاننىڭ باسشى قىزمەتكەرلەرىنەن, رەسپۋبليكاداعى عىلىمنىڭ ءارتۇرلى سالالارىنىڭ جەتەكشى عالىمدارى مەن ماماندارىنان قۇرىلادى. كونكۋرستىق كوميسسيا مۇشەلەرى وسى ستيپەنديانى الۋعا ۇسىنىلعان جاعدايدا كوميسسيا جۇمىسىنا قاتىسپايدى. 35. مەملەكەتتىك عىلىمي ستيپەنديالاردى بەرۋ ءۇشىن ۇمىتكەرلەردى ىرىكتەۋ كريتەريلەرىن كونكۋرستىق كوميسسيا ايقىندايدى. 36. كونكۋرستىق كوميسسيا مەملەكەتتىك عىلىمي ستيپەنديالارعا ۇسىنىلعان ۇمىتكەرلەردىڭ جۇمىستارىن الدىن الا قاراۋ ءۇشiن ساراپتاۋ توپتار قۇرادى, ولاردىڭ قۇرامى مەن جۇمىس ءتارتiبiن ايقىندايدى. 37. كونكۋرستىق كوميسسيا ساراپتاۋ توپتاردىڭ قورىتىندىلارى نەگىزىندە ولاردى العاننان كەيىن 20 جۇمىس كۇنى ىشىندە ۋاكىلەتتى ورگانعا مەملەكەتتىك عىلىمي ستيپەنديالاردى بەرۋ جونىندە شەشىم ەنگىزەدى. 38. ۋاكىلەتتى ورگان كونكۋرستىق كوميسسيا شەشىمىنىڭ نەگىزىندە مەملەكەتتىك عىلىمي ستيپەنديالاردى بەرۋ تۋرالى شەشىم قابىلدايدى. 39. مەملەكەتتىك عىلىمي ستيپەنديا رەسپۋبليكالىق بيۋدجەت قاراجاتىنان قازاقستان رەسپۋبليكاسى پرەزيدەنتىنىڭ عۇمىرلىق ستيپەندياسىن الاتىن قازاقستان رەسپۋبليكاسى ۇلتتىق عىلىم اكادەمياسىنىڭ مۇشەلەرىنە تاعايىندالمايدى. 40. كونكۋرستان وتكەن ستيپەندياتتاردىڭ ءتىزىمى رەسپۋبليكالىق رەسمي باسىلىمداردا جاريالانۋعا جانە ۋاكىلەتتى ورگاننىڭ ينتەرنەت رەسۋرسىندا ورنالاستىرىلۋعا ءتيىس. قازاقستان رەسپۋبليكاسى ۇكىمەتىنىڭ 2011 جىلعى 19 شىلدەدەگى №830 قاۋلىسىنا  قوسىمشا قازاقستان رەسپۋبليكاسى ۇكىمەتىنىڭ كۇشى جويىلعان كەيبىر شەشىمدەرىنىڭ تىزبەسى 1. «عىلىم مەن تەحنيكانى دامىتۋعا ەلەۋلi ۇلەس قوسقان عالىمدار مەن مامانداردى جانە تالانتتى جاس عالىمداردى مەملەكەتتىك قولداۋ شارالارى تۋرالى» قازاقستان رەسپۋبليكاسى ۇكiمەتiنiڭ 1996 جىلعى 28 تامىزداعى № 1063 قاۋلىسى (قازاقستان رەسپۋبليكاسىنىڭ ءپۇاج-ى, 1996 ج., № 35, 338-قۇجات). 2. «مەملەكەتتىك عىلىمي ستيپەنديالار تۋرالى ەرەجەنى بەكىتۋ تۋرالى» قازاقستان رەسپۋبليكاسى ۇكiمەتiنiڭ 1996 جىلعى 9 جەلتوقسانداعى № 1501 قاۋلىسى (قازاقستان رەسپۋبليكاسىنىڭ ءپۇاج-ى, 1996 ج., № 50, 488-قۇجات). 3. «عىلىم سالاسىنداعى سىيلىقتار تۋرالى» قازاقستان رەسپۋبليكاسى ۇكىمەتىنىڭ 2000 جىلعى 10 مامىرداعى № 685 قاۋلىسى (قازاقستان رەسپۋبليكاسىنىڭ ءپۇاج-ى, 2000 ج., № 22, 243-قۇجات). 4. «قازاقستان رەسپۋبليكاسى ۇكىمەتىنىڭ 2000 جىلعى 10 مامىرداعى № 685 قاۋلىسىنا تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2001 جىلعى 5 اقپانداعى № 188 قاۋلىسى. 5. «قازاقستان رەسپۋبليكاسى ۇكىمەتىنىڭ 2000 جىلعى 10 مامىرداعى № 685 قاۋلىسىنا تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2002 جىلعى 30 ناۋرىزداعى № 383 قاۋلىسى (قازاقستان رەسپۋبليكاسىنىڭ ءپۇاج-ى, 2002 ج., № 9, 91-قۇجات). 6. «قازاقستان رەسپۋبليكاسى ۇكىمەتىنىڭ 2000 جىلعى 10 مامىرداعى № 685 قاۋلىسىنا وزگەرiستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 6 قازانداعى № 1031 قاۋلىسى (قازاقستان رەسپۋبليكاسىنىڭ ءپۇاج-ى, 2003 ج., № 41, 430-قۇجات). 7. «قازاقستان رەسپۋبليكاسى ۇكiمەتiنىڭ كەيبiر شەشiمدەرiنە وزگەرiستەر ەنگىزۋ جانە كۇشi جويىلدى دەپ تانۋ تۋرالى قازاقستان رەسپۋبليكاسى Yكiمەتiنiڭ 2003 جىلعى 27 قاراشاداعى № 1191 قاۋلىسىمەن (قازاقستان رەسپۋبليكاسىنىڭ ءپۇاج-ى, 2003 ج., № 45, 491-قۇجات) بەكىتiلگەن قازاقستان رەسپۋبليكاسى ۇكiمەتiنiڭ كەيبiر شەشiمدەرiنە ەنگiزiلەتiن وزگەرiستەردىڭ 4-تارماعى 8. «قازاقستان رەسپۋبليكاسى ۇكىمەتىنىڭ 2000 جىلعى 10 مامىرداعى № 685 قاۋلىسىنا تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2005 جىلعى 25 قاڭتارداعى № 55 قاۋلىسى (قازاقستان رەسپۋبليكاسىنىڭ ءپۇاج-ى, 2005 ج., № 3, 28-قۇجات).