بيىل ەلىمىزدە 9 مىڭ كولىك شىعارىلدى

2016 جىلدىڭ باسىنان بەرى قازاقستاندا 9 مىڭنان ارتىق اۆتوكولىك شىعارىلدى. بۇل تۋرالى "قازاۆتوپروم" اق حابارلادى. "2016 جىلدىڭ ون ايىندا قازاقستاندا جالپى سوماسى 56,7 ميلليارد تەڭگە بولاتىن 9129 كولىك شىعارىلدى. بۇل بىلتىرعى جىلدىڭ وسى ۋاقىتىمەن سالىستىرعاندا  20,1  پايىزعا تومەن كورسەتكىش. قازان ايىندا وتاندىق اۆتوزاۋىتتار 5,1 ميلليارد تەڭگە تۇراتىن 797 كولىك شىعاردى. بۇل دا بىلتىرعى جىلعى كورسەتكىشتەن 17,9 پايىزعا كەم, - دەلىنگەن حابارلامادا. "قازاۆتوپروم" مالىمەتى بويىنشا, قازاقستاندىق كاسىپورىنداردا جۇك كولىگىن شىعارۋ بىلتىرعى جىلمەن سالىستىرعاندا 7,4  پايىزعا ارتىپ, 1 256-نى قۇرادى. ءجىو بويىنشا اۆتوكولىك ءوندىرىسى 2016 جىلدىڭ قاڭتار-قازان ايلارىندا 56,7 ميلليارد تەڭگەنى قۇراپ, فارماتسەۆتيكا (31,3 ميلليارد تەڭگە) مەن ماتا ءوندىرىسىن (30,9 ميلليارد تەڭگە) ارتقا تاستادى. "2016 جىلدىڭ قازان ايىندا اۆتونەسيەلەۋدىڭ مەملەكەتتىك باعدارلاماسى بويىنشا ەكىنشى ترانش تولىعىمەن يگەرىلدى. باعدارلاما اياسىندا 2015 جىلى ءساۋىر ايىندا ۇلتتىق قوردان 26 ميلليارد تەڭگە قازاقستاندىق اۆتوكولىكتەردى الۋدى نەسيەلەندىرۋ ماقساتىندا بولىنگەن بولاتىن. باعدارلامانىڭ قارجىلىق رەسۋرستارى 118 پايىزعا ورىندالدا. بۇل ۋاقىت ارالىعىندا قازاقستان دامۋ بانكى جالپى سوماسى 29,9 ميلليارد تەڭگە بولاتىن وتاندىق وندىرىستەن شىقان كولىكتەرگە 8081 نەسيە بەردى", دەيدى "قازاۆتوپروم" وكىلدەرى.