اوك دامىتۋ باعدارلاماسى جاڭا جىلدان ىسكە اسۋى ءتيىس – ساعىنتاەۆ

قر پرەمەر-ءمينيسترى باقىتجان ساعىنتاەۆ جىل سوڭىنا دەيىن اوك دامىتۋ باعدارلاماسى بويىنشا ازىرلىك جۇمىستارىن اياقتاۋدى تاپسىردى. قر پرەمەر-ءمينيسترى باقىتجان ساعىنتاەۆ ۇكىمەت وتىرىسىندا مينيسترلەر كابينەتىنە 2017-2021 جىلدارعا ارنالعان جاڭا اوك دامىتۋ مەملەكەتتىك باعدارلاماسى بويىنشا ازىرلىك جۇمىستارىن اياقتاۋدى تاپسىردى. پرەمەر-مينيستر باعدارلاما جوباسى ءتۇرلى الاڭداردا, سونىڭ ىشىندە ايماقتاردا, اۋىل شارۋاشىلىعى مينيسترلىگىنىڭ القاسى اياسىندا جانە قر پارلامەنتى ماجىلىسىندە تالقىلانعانىن اتاپ ءوتتى. سونىمەن قاتار, ۇكىمەتتىڭ جىل سوڭىنا دەيىن ونى مۇددەلى تاراپتارمەن تاعى دا تالقىلاپ, بەكىتۋگە ۋاقىتى بار. «ايتىلعان ەسكەرتۋلەر مەن ۇسىنىستاردى نازارعا الا وتىرىپ, باعدارلاما جوباسىن ماقۇلداۋدى جانە جىل سوڭىنا دەيىن مەملەكەتتىك ورگاندارمەن, اكىمدىكتەرمەن, بيزنەس قاۋىمداستىقتارمەن كەلىسىلگەن سوڭ بەكىتۋگە شىعارۋدى ۇسىنامىن. كەلەسى جىلى ءبىز جاڭا باعدارلاما بويىنشا جۇمىس ىستەۋدى باستاۋىمىز كەرەك»,– دەدى ب.ساعىنتاەۆ. ارنۇر اسقار, «ەگەمەن قازاقستان»