«قازاعىم, جاسا ماڭگىلىك!»

بۇل كونتسەرتتە «اباي ولەڭى» ءانىنىڭ تۇساۋى كەسىلدى استاناداعى «كونگرەسس-حولل» سارايىندا ءانشى-سازگەر كەنتاۋ نازاربەكتىڭ تاۋەلسىزدىگىمىزدىڭ 25 جىلدىعىنا ارنالعان «قازاعىم, جاسا ماڭگىلىك!» اتتى شىعارماشىلىق كەشى ءوتتى. وندا ر.ستامعازيەۆ, ك.تولەنباەۆا, ە.رىسقالي, د.تاڭاتاروۆ, ت.ب. ايتۋلى انشىلەر مەن «الامان» توبى ونەر كورسەتتى. ءداستۇرلى اندەر سالتانات قۇرعان بۇل كەشتەگى اتاپ وتەر­لىك جاڭالىق –حالىقارالىق «الاش» ادەبي سىيلىعىنىڭ لاۋ­رەاتى, تالانتتى اقىن ادىلعازى قايىربەكوۆ ءسوزىن جازعان «اباي ولەڭى» ء(انى ك.نازاربەكتىكى) ءانىنىڭ قايىرجان بەردىباەۆتىڭ تامىلجىتا ورىنداۋىمەن تۇساۋى كەسىلۋى ەدى. جاسىراتىنى جوق, اباي اندەرىنىڭ ءجيى شىرقالۋىنان قۇلاق قۇرىشى ءاماندا قانىپ كەلەدى عوي. بىراق ابايدىڭ وزىنە ارناپ سالىناتىن اندەردىڭ سيرەكتىگى سەزىلىپ تە جۇرەتىن. مىنە, تاۋەلسىزدىك مەرەيتويى قارساڭىندا قاناتتانعان بۇل ءان سونداي ولقىلىقتىڭ ورنىن تولتىرۋىمەن دە ەرەكشەلەنەتىن سىڭايلى. جۇزدەن استام ءاننىڭ اۆتورى كەنتاۋ نازاربەكتىڭ شىعار­ماشىلىق كەشى قازاق ەلىنىڭ ءماڭ­گىلىك جاسامپازدىعىن پاش ەتەتىن رۋحاني ورىسىمەن تىڭدارماندارىن ويلانتىپ-تولعانتىپ, شۋاقتى سەزىمگە بولەدى, بولاشاق جاقسى كۇن­دەرگە ىنتالاندىرا ءتۇستى. «ەگەمەن-اقپارات»