رەسەيدىڭ مەملەكەتتىك كىتاپحاناسىندا شىعىس ادەبيەتتەرى ورتالىعى اشىلدى. ەندى ماسكەۋ جۇرتى قازاق حالقىنىڭ تاريحىمەن, ادەبيەتىمەن, سالت-داستۇرلەرىمەن جاقىنىراق تانىسا الادى, – دەيدى ەلورداداعى ۇلتتىق اكادەميالىق كىتاپحانانىڭ ءباسپاسوز قىزمەتىنىڭ وكىلى زۋحرا باجەنوۆا.
اتالعان ورتالىق رەسەي فەدەراتسياسىنداعى قازاقستان رەسپۋبليكاسى ەلشىلىگىنىڭ قولداۋىمەن, ەكى ەلدىڭ كىتاپحانالارىنىڭ ۇيىمداستىرۋىمەن اشىلىپ وتىر. رەسەيدىڭ باس كىتاپحاناسىندا اتقارىلعان بۇل يگى شارا ەل تاۋەلسىزدىگىنىڭ 25 جىلدىعىنا ارنالدى. سونداي-اق, اتالمىش شارا وسى جىلدار ىشىندە ەكى ەل اراسىنداعى رۋحاني, مادەني بايلانىستاردىڭ دامۋىن دا كورسەتتى.
اتاپ وتەيىك, ماسكەۋ كىتاپحاناسىنداعى جيىن بارىسىندا ۇلتتىق اكادەميالىق كىتاپحانانىڭ پرەزيدەنتى ءۇمىتحان مۇڭالباەۆانىڭ «كىتاپحانا پەداگوگيكاسى» كىتابىنىڭ تۇساۋى كەسىلدى.
