قازاقستاندا تىركەلگەن 18 092 ۇكىمەتتىك ەمەس ۇيىمداردىڭ 40 پايىزى الماتى قالاسىندا ورنالاسقان. بۇل تۋرالى استانادا ءوتىپ جاتقان VII قازاقستاننىڭ ازاماتتىق فورۋمىندا ءسوز العان پرەمەر-ءمينيستردىڭ ورىنباسارى يمانعالي تاسماعامبەتوۆ مالىمدەدى.
كۇننىڭ ەكىنشى جارتىسىندا جالعاسىن تاپقان اتالمىش فورۋمدا ارنايى بايانداما جاساعان پرەمەر-ءمينيستردىڭ ورىنباسارى يمانعالي تاسماعامبەتوۆ 40 پايىزدىق كورسەتكىش قازاقستانداعى ۇەۇ قىزمەتىنىڭ ۇيلەستىرۋدى ءمىنسىز ەتىپ كورسەتە المايتىندىعىن اتادى.
– بۇگىنگى تاڭدا ءبىزدىڭ ەلىمىزدەگى ۇەۇ سانىنىڭ ناقتىسى 18 092 بولسا, ولاردىڭ ىشىندە بەلسەندى جۇمىس جۇرگىزەتىنى 8 307. بۇل ارينە تومەن كورسەتكىش. ال ەندى سول جۇمىس ىستەۋ دامىعان 5 ايماقتى استانا, الماتى قالاسى مەن اقتوبە, جامبىل جانە وڭتۇستىك قازاقستان وبلىسى قۇرايدى, – دەدى يمانعالي نۇرعالي ۇلى.
پرەمەر-ءمينيستردىڭ ايتۋىنشا, جوعارىدا اتالعان ۇەۇ ەلىمىزدىڭ 27 مىڭ ازاماتىن تۇراقتى جۇمىسپەن قامتىپ وتىر.
– ولاردىڭ قۇرىلىمى ءبىزدىڭ ازاماتتاردى كوبىنەسە تولعاندىراتىن پروبلەمالاردى سيپاتتايدى. بۇل تۇرعىدا ءبىز ۇكىمەتتىك ەمەس سەكتورلاردى قۋاتى مەن قابىلەتى جاعىنان ەلدەگى وڭ وزگەرىستەردىڭ قوزعاۋشى كۇشى بولا الاتىن نيەتتەستەر قاۋىمداستىعى دەپ بىلەمىز – دەدى ول.
نۇرلىبەك دوسىباي,
"ەگەمەن قازاقستان".
