پارلامەنت سەناتىنىڭ حالىقارالىق قاتىناستار, قورعانىس جانە قاۋىپسىزدىك جونىندەگى كوميتەتىنىڭ دەپۋتاتتارى كوميتەت ءتورايىمى داريعا نازارباەۆانىڭ باستاۋىمەن قازاقستان رەسپۋبليكاسى قارۋلى كۇشتەرى قاراعاندى گارنيزونىنىڭ اسكەري بولىمدەرىن ارالادى.
جۇمىس ساپارى بارىسىندا سەناتورلار يكرام ادىربەكوۆ, مۇحتار التىنباەۆ, لياززات كينوۆ قاراعاندى گارنيزونىنىڭ قۇرامالارى مەن اسكەري بولىمدەرىن ارالاپ, اسكەري گارنيزوننىڭ جاۋىنگەرلىك دايارلىعى, ينفراقۇرىلىمى بارىسىمەن تانىستى.
قارۋلى كۇشتەردىڭ اسكەري بولىمدەرىندە دەپۋتاتتار جاۋىنگەرلىك كەزەكشىلىكتە تۇرعان اۆياتسيالىق تەحنيكانى قاراپ شىعىپ, ميگ-31 ترەناجەرلىق كەشەنىنىڭ مۇمكىنشىلىكتەرىمەن تانىستى. پارلامەنت مۇشەلەرىنە قارۋ-جاراق, اسكەري تەحنيكا مەن م ۇلىكتىڭ زاماناۋي ۇلگىلەرى, ارنايى ماقساتتاعى بولىمشەلەردىڭ جاۋىنگەرلىك دايارلىعى كورسەتىلدى.
