سەنىم قاشاندا العا جەتەلەيدى

حالقىمىزدىڭ بوستان­دىققا ۇمتىلىسىنىڭ جانە قايسار رۋحىنىڭ ار­قا­سىندا اتا-بابا­مىزدىڭ عاسىرلارعا سوزىلعان ار­مانى – تاۋەلسىزدىككە قول جەتكىزدىك. دەمەك, تاۋەل­سىزدىكتى قالاي ۇلىقتاساق تا, وعان قا­تىستى قانداي قۇجات قا­بىلداساق تا ەش ارتىق­شىلىعى جوق. وسى ءبىر قاسيەتتى ءسوزدى كۇنىنە نەشە قايتارا ايتساق تا, ونىڭ قۇنى ءبىر مىسقال دا تومەندەمەك ەمەس. تاۋەلسىزدىك دەگەن سوزگە ءبىزدىڭ مەيىرىمىمىز ەشقاشان قانبايدى دا. پارلامەنتتىڭ تاۋەلسىزدىك دەكلارا­تسياسىن قابىلداعانىن حالقىمىزدىڭ ارمانىن, ويىن ءدوپ باسىپ تابا العانى دەپ باعالايمىن. وسىلايشا جاڭا تۇر­پات­تى قازاقستاننىڭ, الەمگە تانى­لىپ, ءوز ور­نىن بەلگىلەگەن الىپ ءارى اسقاق ەلى­مىز­دىڭ قادىر-قاسيەتىن كەلەشەك ۇرپاق­تىڭ سا­نا­سىنا ءسىڭىرىپ, وتانشىل رۋحىن ۇش­تاي تۇسە­تىن بولامىز. بۇل قۇجات بۇگىن دە, ەر­تەڭ دە ءوز ماڭىزىن, قاجەت­تىلىگىن جوي­ماي­دى. بارشا قازاق­ستاندىقتار ءۇشىن بەل­گىلەنگەن تاۋەلسىزدىك كۇنىنىڭ بەيبىتشى­لىكتىڭ, تاتۋلىقتىڭ, بىرلىكتىڭ مەرەكەسىنە اينالىپ كەتكەنىنىڭ ءوزى بۇل اتاۋدىڭ قانشالىقتى ماڭىزدى ەكەنىن بايقاتادى. قازاقستاننىڭ جاڭا ءداۋىرىنىڭ شى­مىل­دىعىن اش­قان تاۋەلسىزدىك پرەزيدەنتى­مىزدىڭ ەسىمى­مەن دە, ەڭ­بە­گىمەن دە تىعىز بايلا­نىستى. ءسوز جوق, تاۋبە ەتەر تاۋەل­سىز ەلىمىزدىڭ كوشىن العا سۇيرەۋدە ەلبا­سى­نىڭ ەڭ­بەگى ۇشان-تەڭىز. تاۋەلسىزدىكتى العا ءسۇي­رەي­تىن كۇشتەر بار, ەڭ الدى­مەن, ول – حال­قى­مىز. تاۋەل­سىز­دىك حا­لىق­تىڭ اقىلى­­مەن, قۋا­تى­­مەن نى­عاي­دى. حا­لىق­­تىڭ اۋىز­بىر­شىلى­گى مەن ىن­تى­ما­عى­نىڭ ارقا­سىن­دا كور­كەي­دى. ال وسى تاۋەل­سىز­دىك­تى بەكەم­­دەگەن – پرەزيدەنتىمىز نۇرسۇلتان نازارباەۆتىڭ كورەگەندىگى مەن كەمەل مىنەزى. وسىنداي تاريحي جاۋاپتى ساتتە تابان­دىلىقپەن ەڭبەگىن ءسىڭىرىپ, ەلبا­سى­­نىڭ مىندەتتەگەن جوسپارلارى مەن مەم­لەكەت­­تىك ماڭىزدى باعدارلامالاردى, جوبا­لار­­دى جۇزەگە اسىرۋعا جاردەمشى بولعان – پرە­زي­دەنت سەنىم ارتىپ, ەل جۇگىن كوتەرۋگە تاعا­يىن­داعان ازاماتتار. وسى ءۇش كۇشتىڭ ءبىر­لىگى, ۇشتاعان وداق­تىڭ ىمىرالاستىعى – حا­لىق­تىڭ, پرەزيدەنت­تىڭ جانە بيلىكتىڭ ءبىرىن ءبىرى قولداۋى تاۋەلسىزدىك الەۋەتىن ارت­تىرا تۇسپەك. حانگەلدى ءابجانوۆ, تاريح عىلىمدارىنىڭ دوكتورى, پروفەسسور, ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى الماتى