سەرپىندى جۇمىس ستراتەگيالىق سەرىكتەستىكتەن باستالادى

كەشە نازارباەۆ ۋنيۆەرسيتەتتە دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆانىڭ, وتاندىق جانە شەتەلدىك مەديتسينالىق جوو باسشىلارىنىڭ قاتىسۋىمەن «جەتەكشى شەتەلدىك ۋنيۆەرسيتەتتەرى مەن مەديتسينالىق جوو اراسىنداعى ستراتەگيالىق سەرىكتەستىكتىڭ ءبىرىنشى كەزەڭىنىڭ قورىتىندىلارى» تۋرالى كونفەرەنتسيا بولىپ ءوتتى. كونفەرەنتسيادا ءسوز ءسوي­لە­گەن تامارا دۇيسەنوۆا مەدي­تسي­نا­لىق ءبىلىمدى ودان ءارى جەتىل­دىرۋ كلينيكالىق تاجىريبە, مەدي­تسي­نا­لىق ءبىلىم مەن عىلىمي قىزمەتتىڭ نەگىزىندە وتاندىق مەديتسينالىق جوو-نىڭ الەۋەتىن نىعايتۋدى قاراس­تىراتىنىن اتاپ ءوتتى. مەدي­تسينالىق كادرلاردى دايارلاۋ سالا­سىندا ۇزدىك حالىقارالىق ءتاجى­ريبەنى ەنگىزۋ قازاقستاندىق مەديتسينا ۋنيۆەرسيتەتتەرىنىڭ شەتەلدىك جوو-مەن ستراتەگيالىق بايلانىسى نەگىزىندە جۇزەگە اسىرىلادى. بۇل ىشكى جانە سىرتقى نارىقتا وتاندىق مەديتسينالىق جوو-نىڭ پوزيتسيالارىن نىعاي­تۋعا, ءبىلىم ءۇردىسىنىڭ ساپاسىن قام­تا­ماسىز ەتۋگە, عىلىمي-زەرتتەۋ جانە وقۋ-مە­تو­ديكالىق قىزمەتتى دامىتۋعا ءمۇم­كىندىك بەرەدى. «ستراتەگيالىق ارىپتەستىكتىڭ ءبىرىنشى كەزەڭىندە اعىمداعى جىلى ءاربىر مەديتسينالىق جوو سترا­تەگيالىق سەرىكتەستىگىن انىقتاپ, كەلىسسوزدەر جۇرگىزدى, مەمو­ران­دۋمدارعا جانە كەلىسىمدەرگە قول قويدى, جوو-نىڭ قازىرگى جاع­داي­لارىنىڭ باسىم باعىتتارى بويىنشا ستراتەگيالىق سەرىكتەستەرمەن بىرلەسە تالداۋ جۇرگىزگەن, جاقسارتۋ بويىنشا ۇسىنىستار بەرىلگەن. ستراتەگيالىق سەرىكتەستىكتى ىسكە اسىرۋ بويىنشا نەگىزگى شارالار 2017-2019 جىلداردا, دۇنيەجۇزىلىك دامۋ بانكى جانە دەنساۋلىق ساقتاۋ جانە الەۋمەتتىك دامۋ مينيسترلىگى قوسا قارجىلاندىراتىن جوبالار اياسىندا جۇزەگە اسىرى لادى», – دەدى تامارا دۇيسەنوۆا. كونفەرەنتسيا بارىسىندا س.ج.اس­فەندياروۆ اتىنداعى قازاق ۇلت­تىق مەديتسينالىق ۋنيۆەرسيتەتى جانە ديۋك ۋنيۆەرسيتەتى (اقش), باتىس قازاقستان مەملەكەتتىك مەدي­­تسينالىق ۋنيۆەرسيتەتى جانە ك. ما­ر­تسينكوۆ اتىنداعى پوزنان مەدي­تسينالىق ۋنيۆەرسيتەتى (پولشا), وڭتۇستىك قازاقستان مەملەكەتتىك فارماتسەۆتيكالىق اكادەمياسى جانە گدان مەديتسينالىق ۋنيۆەرسيتەتى (پولشا), قاراعاندى مەملەكەتتىك مەديتسينالىق ۋنيۆەرسيتەتى جانە لۋند ۋنيۆەرسيتەتى (شۆەتسيا), سە­مەي قالاسىنىڭ مەملەكەتتىك مەديتسينا ۋنيۆەرسيتەتى جانە سەنت-لۋيس ۋنيۆەرسيتەتى (اقش), استانا مەديتسينا ۋنيۆەرسيتەتى جانە لا سا­پيەنتسا ۋنيۆەرسيتەتتەرىنىڭ (يتاليا) ستراتەگيالىق ارىپتەستىكتىڭ 2016 جىلعى جۇمىسىن قورىتىندىلادى. 2017-2018 جىلدارعا ارنالعان جوو-نىڭ ستراتەگيالىق سەرىكتەس­تىك­تەرىنىڭ ماقساتتارى مەن مىندەت­تەرى, سونىمەن قاتار قازاق­ستان­­داعى مەديتسينالىق ءبىلىمدى رەفور­­ما­لاۋدىڭ نەگىزگى كەزەڭدەرى تالقى­لاندى. راۋان قايدار, «ەگەمەن قازاقستان»