ساۋدا-ساتتىققا سەرپىلىس كەرەك

كەشە قارجى مينيسترلىگىندە قازاقستان-يزرايل ساۋدا-ەكونوميكالىق ىنتاماقتاستىق جونىندەگى كوميسسياسىنىڭ 7-ءشى وتىرىسى ءوتتى. وندا ءوزارا ساۋدا-ساتتىقتىڭ قازىرگى جاي-كۇيى مەن كولەمى تالقىلاندى. كوميسسيانى قازاقستان تاراپىنان قارجى ءمينيسترى باقىت سۇلتانوۆ, يزرايل تاراپىنان يزرايل مەملەكەتىنىڭ قورشاعان ورتانى قورعاۋ جانە يەرۋساليم مەن دياسپورا ىستەرى جونىندەگى ءمينيسترى زەەۆ ەلكين باسقاردى. وتىرىس اياسىندا قازاقستان مەن يزرايل اراسىنداعى ساۋ­دا, كاسىپكەرلىك پەن ينۆەستيتسيا, اۋىل شارۋاشىلىعى, دەنساۋلىق ساقتاۋ, اقپاراتتىق-كوممۋ­نيكاتسيالىق تەحنولو­گيالار سالاسىنداعى ەكىجاقتى ىنتىماقتاستىقتىڭ وزەكتى جانە پەرسپەكتيۆالى باعىت­تارى, سونداي-اق, يزرايل مەم­لەكەتىنىڭ پرەمەر-ءمينيسترى ب.نەتانياحۋدىڭ قازاقستان رەسپۋبليكاسىنا ساپارى بارىسىندا ەكىجاقتى قۇجاتتاردى قول قويۋعا دايىنداۋ ماسەلەلەرى قارالدى. سونداي-اق, تاراپتار ەكى مەملەكەت اراسىنداعى ساۋدا-ەكونوميكالىق قاتىناستاردى نىعايتۋ ماڭىزدىلىعى مەن قاجەتتىلىگىن بەكىتتى. 2016 جىلدىڭ 9 ايى ىشىندەگى قازاقستاننىڭ يزرايلمەن تاۋار اينالىمى كولەمى 236,9 ملن اقش دوللارىن قۇرادى. بۇل ءوز كەزەگىندە وتكەن جىلدىڭ وسىعان سايكەس كەزەڭىمەن سالىستىرعاندا 1,3 پايىزعا از. بيىل ساۋدا اينالىمىنداعى ەكسپورت كولەمى – 196,9 ملن اقش دوللارى, يمپورت 40 ملن اقش دوللارى بولدى. ساۋدا-ساتتىقتىڭ بۇلايشا ازايىپ كەتۋىنە بايلانىستى ونى دامىتۋ قاجەتتىگىن ايتىپ, تاراپتار ەۋرازيالىق ەكونوميكالىق وداق پەن وعان مۇشە مەملەكەتتەر جانە يزرايل مەملەكەتى اراسىنداعى ەركىن ساۋدا ايماعى تۋرالى كەلىسىم جاساسۋ بويىنشا كەلىسسوزدەردى باستاۋدىڭ ماڭىزدىلىعىن اتاپ ءوتتى. سونىمەن قاتار, دەنساۋلىق ساقتاۋ سالاسىنداعى ىنتى­ماق­تاستىقتى جانداندىرۋ, اتاپ ايتقاندا, قازاقستاندىق ما­مانداردىڭ ءيزرايلدىڭ الدىڭعى قاتارداعى مەديتسينا ورتالىقتارىندا بىلىكتىلىگىن ارتتىرۋ جانە يزرايل مامان­دارىنىڭ قاتىسۋىمەن شەبەر­لىك-سىنىپتار وتكىزۋ بويىنشا ۋاعدالاستىققا قول جەتكىزىلدى. يزرايل تارابى اۋىل شارۋا­­شىلىعى سالاسىنداعى ىنتى­­ماقتاستىقتى دامىتۋعا قىزى­­عۋشىلىق تانىتتى. «ءۇش­قوڭىر» تامشىلاتىپ سۋارۋ جو­باسى بويىنشا قازاق­ستان-يز­رايل ورتالىعىن حالىق­ارا­لىق ورتالىققا اينالدىرۋ, سونداي-اق, قازاقستاندا دەمون­ستراتسيالىق فەرما قۇرى­لىسى بويىنشا بىرلەسكەن كونسور­تسيۋم قۇرۋعا ەرەكشە نازار اۋدارىلدى. دينارا بىتىكوۆا, «ەگەمەن قازاقستان»