بايقاۋعا قاللەكي تەاترى دا قاتىسادى

قازاقستان رەسپۋبليكاسى تاۋەلسىزدى­گى­­نىڭ 20 جىلدىعىنا ارنالعان مادەنيەت مي­نيسترلىگىنىڭ قولداۋىمەن 25 قىركۇيەك پەن 1 قازان ارالىعىندا الماتى قا­­لا­سىندا ءحىح رەسپۋبليكالىق تەاترلار فەستيۆالى وتەدى. بۇل بايقاۋعا استانالىق ق.قۋانىشباەۆ اتىنداعى قازاق مۋزى­كالىق دراما تەاترى ەركىن جۋاسبەكتىڭ «انتيۆيرۋس» اتتى كومە­ديا­سىمەن قاتىسىپ, باقتارىن سىناماق. قويىلىمنىڭ رەجيسسەرى – قازاقستاننىڭ ەڭبەك سىڭىرگەن قايراتكەرى بولات ۇزاقوۆ. قويىلىمداعى باستى رولدەردە ەرلان مالاەۆ, تۇيمەحان اتىم­تاەۆا, ايمان ايماعامبەت, نۇرزادا تاشيموۆا, باقىت جۇماعۇلوۆا, قۋاندىق قىستىقباەۆ, اينۇر بەرمۇحامبەتوۆا, جانىبەك مۇساەۆ, سايا توقمانعاليەۆا, گاۋھار ءجۇسىپوۆا, جاسۇلان ەربولات ويناعانىن دا ايتا كەتسەك دەيمىز. ءبىر ايتا كەتەر ءجايت, بۇل سپەكتاكل بۇگىنگى كۇننىڭ تىنىس-ءتىر­شىلىگىن سۋرەتتەيدى. قالا ادامدارى ءوز باسىنىڭ ماسەلەلەرىمەن الەك. سول تىرشىلىگى قىزۋ ءبىر تەحنيكالىق قىزمەت كورسەتۋ ورتالىعى – سپەكتاكل وقيعاسىنىڭ وتەتىن ورنى. وقيعا جەلىسى وسىنداعى جۇمىس­كەر­لەر مەن كليەنتتەر اراسىندا ءوربيدى. قازىرگى قوعامنىڭ كەلبەتىن سۋرەت­­تەيتىن, اششى شىندىقتى ايتا وتىرىپ, كۇلدىرىپ تە جىلاتىپ الا­تىن كومەديا, ءسويتىپ, استانا قالاسىنىڭ اتىنان بايگەگە قاتىسپاق. «ەگەمەن-اقپارات».