پروكۋراتۋرانىڭ جاڭا عيماراتتارى شالعايداعى اۋدان ورتالىقتارىنىڭ اجارىن اشا ءتۇستى

رەسپۋبليكانىڭ ەڭ شالعاي ورنالاسقان بوكەي ورداسى, ءجانى­بەك, كازتالوۆ, قاراتوبە جانە سى­رىم اۋداندارىنىڭ ورتالىق­تا­رىندا بۇگىنگى زامان تالابىنا ساي, ەڭسەلى, ءساندى دە ساپالى اۋدان­دىق پروكۋراتۋرالاردىڭ جاڭا عيماراتتارى اشىلدى. اتالمىش قۇرىلىسقا قاجەتتى قاراجات رەس­پۋبليكالىق بيۋدجەتتەن بولىنگەن. ونىڭ پايدالانۋعا بەرىلۋ ءراسى­مى­نە رەسپۋبليكا باس پروكۋرورى ا.داۋ­ىل­باەۆ قاتىسىپ, ءسوز ءسوي­لەدى. – بۇل ەلباسىمىزدىڭ قۇقىق قورعاۋ ورگاندارىنا, سونىڭ ىشىندە پروكۋراتۋرانىڭ اۋداندىق بۋىندارىنا كورسەتكەن شەكسىز قامقورلىعى مەن قولداۋىنىڭ كو­رى­نىسى. ءارى ەلىمىزدىڭ الىس اۋدان­دارىندا پروكۋراتۋرا عيمارات­تارى قۇرىلىستارىنىڭ اياقتالۋى تاۋەلسىزدىكتىڭ 20 جىلدىق مەرەكەسىمەن تۇسپا-تۇس كەلىپ وتىر. مۇنىڭ ءوزى, ءسوز جوق, يگى ءىستىڭ ءمانى مەن مازمۇنىن, تيگىزەر پايداسىن تەرەڭدەتە تۇسەدى. اتالمىش عي­ما­راتتاردا اۋداندىق دەڭگەيدەگى پرو­كۋراتۋرا قىزمەتكەرلەرىنىڭ الاڭسىز قىزمەت جاساۋلارىنا بارلىق جاعدايلار بار. ەندىگى مىندەت بىرەۋ عانا. ول وسى قولداۋ مەن قامقورلىقتىڭ ەسەسىن وتەۋ, قايتارىم كوەففيتسيەنتىن كوتەرۋ, – دەدى اسحات قايزوللا ۇلى ءوز سوزىندە. پروكۋراتۋرا ارداگەرلەرى با­تىس قازاقستان وبلىستىق ۇيى­مىنىڭ توراعاسى جەڭىس حافيزوۆ ءوز ويىن بىلايشا تارقاتتى: – ءبىزدىڭ پروكۋراتۋرا ورگاندارىندا قىزمەت جاساعان كەزىمىز كەڭەستىك كەزەڭگە سايكەس كەلدى. ول جىل­دار­دا اۋداندىق پروكۋراتۋرالاردىڭ ءدال بۇگىنگىدەي ساۋلەتتى عيما­رات­تارى ءوڭىمىز تۇگىل تۇسىمىزگە دە كىرمەيتىن. كوزگە تىم قوراش, مى­جى­رايعان, توبەلەرى تومەن, ەڭسەڭدى باسىپ تۇراتىن تار ۇيلەردە ەڭبەك ەتتىك. ەكەۋىنىڭ ايىرماشىلىعى  جەر مەن كوكتەي. وسىناۋ جاقسى­لىق پەن قۋانىش تەك تاۋەل­سىز­دىكتىڭ ارقاسىندا مۇمكىن بولىپ وتىر. ۇزاعىنان بولسىن. وسىن­داي ويدىڭ جەلىسىن ەڭبەك ارداگەرى كارىم وتەعۇلوۆ ودان ءارى تو­لىقتىردى. اۋدان ورتالىقتارىنداعى لەن­تا قيۋ ءراسىمىن باس پرو­كۋ­رور اسحات داۋىلباەۆ پەن باتىس قا­زاقستان وبلىسىنىڭ اكىمى باق­تىقوجا ىزمۇحامبەتوۆ جاسادى. تاۋەلسىزدىكتىڭ 20 جىلدىق مەرەكەسى قارساڭىندا شالعاي اۋداندار ورتالىقتارىندا اشىلعان جاڭا پروكۋراتۋرا عيماراتتارى سول ايماقتاردىڭ اجارىن اشا تۇسۋگە ايتارلىقتاي اسەرىن تيگىزگەنى قانداي عانيبەت. تەمىر قۇسايىن, باتىس قازاقستان وبلىسى.