ءۇندى بانكى اشىلدى

كەشە استانادا «PNB قازاقستان» ەنشىلەس بانكى» اق-تىڭ تۇساۋكەسەر ءراسىمى بولىپ ءوتتى. جاڭا بانك ءۇندىس­تان­داعى اسا ءىرى Punjab National Bank-ءتىڭ ەنشىلەس بانكى بو­لىپ تابىلادى. راسىمگە  ءۇندىستاننىڭ قازاقستانداعى ءتو­تەنشە جانە وكىلەتتى ەلشىسى اشوك كۋمار شارما, «PNB قازاقستان» ەب» اق باسقارما توراعاسى كاندپال ساندجاي, Punjab National Bank-ءتىڭ توراعاسى جانە ات­قارۋشى ديرەكتورى كامات كانسارگود راماچاندرا, «PNB قازاقستان» ەب» اق ديرەكتورلار كەڭەسىنىڭ توراعاسى دۋبەي شاشي كانت, ديرەكتورلار كەڭەسىنىڭ مۇشەسى تيمۋر قۋانىشەۆ قاتىستى. 2010 جىلى بۇرىن «دانا بانك» اق دەگەن اتپەن بەلگىلى بانك Punjab National Bank اكتسيا پاكەتتەرىنىڭ باسىم ءبولى­گىن ساتىپ الۋىنىڭ ءناتي­جە­سىندە «PNB قازاقستان» ەب» اق اتاۋىمەن اۋىستىرىلدى. استانا فيليالىنىڭ اشىلۋ سالتاناتىندا سويلەگەن دۋبەي شاشي كانت Punjab National Bank ءۇشىن وتە ماڭىزدى ءسات­تەر­دىڭ ءبىرى ەكەندىگىن جەتكىزدى. استانا قالاسىندا جاڭا في­ليالدىڭ اشىلعانىنا قۋا­نىش­تىمىز, دەي كەلە ءۇندىستان ەلشىسى اشوك كۋمارعا ءسوز تىزگىنىن بەردى. ەلشى ءوز كەزەگىندە ەكى ەل اراسىنداعى ەكونو­مي­كالىق قاتىناستارعا ساتتىلىك تىلەدى. ال Punjab National Bank-ءتىڭ توراعاسى جانە اتقارۋشى ديرەكتورى كامات كانسارگود راماچاندرا 2009 جىلى قازاقستان پرەزيدەنتى ن.نازارباەۆتىڭ ءۇندىستان ەلىنە جاساعان رەسمي ساپارى ەكى ەل اراسىنداعى قارىم-قا­تى­ناستاردىڭ ماڭىزدىلىعىنىڭ دالەلى. جىل سايىن ءوسىپ كەلە جاتقان ەكونوميكالىق قاتى­ناستار, ساۋدا سالاسىنداعى ءارىپ­تەستىك ارقاسىندا ءۇندى ەلى ءۇشىن قازاقستان ورتالىق ازيا ەلدەرىندەگى ەڭ ءىرى ساۋدا ءارىپ­تەسىنە اينالىپ وتىرعانىن ايتا كەلىپ, ءوز بانكى تۋرالى ءما­لىمەت بەرە كەتتى. ءوز ەلىندە مەم­لەكەتتىك سەكتوردا ەكىنشى ورىن الاتىن بانكتىڭ بۇكىل الەم بويىنشا 5 مىڭنان استام في­ليالى بار كورىنەدى. تۇ­راق­تى كىرىس ديناميكاسىنا, ءمىن­سىز سا­راپتامالىق كورسەت­كىش­­تەرگە يە بانكتىڭ 65 ملن.-نان استام كليەنتى بار. ءوز تا­ريحىندا بىردە-ءبىر رەت وپەرا­تسيالىق شىعىنعا ۇشىراپ كورمەگەن Punjab National Bank ەۋروپا, ازيا مەن امەريكادا كوپتەگەن وكىلدىكتەرى مەن ەنشىلەس كوم­پانيالارى جۇمىس ىستەيدى. بانك «دانا بانك» اق-تىڭ اكتسيا كولەمىنىڭ 84 %-ىن ساتىپ الۋ ارقىلى قازاق­ستان­دى ءۇي­لەس­تىرۋ ورتالىعىنا اي­نال­­دى­رۋدى كوزدەيدى. قازىرگى كەزدە بانكتىڭ جارعىلىق كاپي­تالى 10,5 ملرد. تەڭگەگە جەتكەن. ال Punjab National ءBankى بيز­نەسىنىڭ جالپى كولەمى 126,84 ملرد.دوللار. سوڭعى جىلى تازا تابىسى 994 ملن.اقش دوللارىن قۇراعان. بانك بۇعان دەيىن الماتى قالاسىندا ءوز وكىلدىگىن اشقان بولاتىن. ەندى استانا قالا­سىن­دا دا اشىلدى. بانك قا­زاق­ستان ازاماتتارىنا, ەلدەگى ءۇندى دياسپوراسى وكىلدەرىنە جانە ەكى ەلدىڭ كورپوراتيۆتى كلي­ەنتتەرىنە قىزمەت كورسەتپەك. ۆەنەرا تۇگەلباي.