بۇل – راسىندا دا قۇپتارلىق ءىس, الەم ءۇشىن كوكەيكەستى ماسەلە

تۇركى دۇنيەسىنىڭ اق­سا­قالى, قازاقستان رەس­پۋب­­لي­كاسىنىڭ پرەزي­دەنتى نۇرسۇلتان نازارباەۆتىڭ 2017 جىلعى 31 قاڭ­تار­داعى حا­لىققا ارناعان جول­داۋىنا تۇركياداعى ەۋرازيا جازۋشىلار قاۋىمداستىعى تاراپىنان دا زور قولداۋ ءبىل­دىرىلۋدە. وسى ورايدا, «قا­زاق­ستاننىڭ ءۇشىنشى جاڭ­عىرۋى: جاھاندىق باسەكەگە قابىلەتتىلىك» اتتى جولداۋ تۋرالى, قازاق­ستاننىڭ قازىرگى تاڭدا الەمدىك قوعامداستىقتىڭ ءىشىن­دە الىپ وتىرعان ورنى جانە جاھاندىق دامۋ ۇدەرى­سىنە تيىگىزىپ وتىرعان ىقپالى تۋرالى پىكىر ءبىلدىرۋدى ءجون سانادىق. اۋەلى تاۋەلسىزدىكتىڭ 25 جىل­دىعىن تويلاعان قازاق­ستان رەسپۋبليكاسىنىڭ 2017 جىلى بۇۇ قاۋىپسىزدىك كەڭە­سىنىڭ تۇراقتى ەمەس مۇشە­سى رەتىندە قىزمەتىنە كىرىس­كەنىنە بايلانىستى, قازاق ەلىنىڭ كوشباسشىسى, قادىرلى نۇرسۇلتان نازارباەۆتى ءجا­نە باۋىرلاس قازاق حالقىن شىن جۇرەكتەن قۇتتىق­تايمىز. سوڭعى جىلدارى ادام­­زات­تىق قاسىرەتكە اينالىپ, الەمدىك كۇش­تەردىڭ شەشىمىن تابا الماي وتىرعان سيريا ماسە­لەسىنىڭ رەتتەلۋىنە قاتىس­تى قازاقستاننىڭ تيگىزىپ وتىرعان زور ىقپالى, سونىمەن قاتار, ءبىتىم­گەرلىكتىڭ ۇلگىسىن كورسەتە وتىرىپ باستاعان استانا پروتسەسى الەم حالىقتارى تاراپىنان, اسىرەسە, ءۇش ميلليوننان استام سيريالىق بوسقىندارعا پانا بولىپ وتىرعان باۋىرلاس تۇركيا تاراپىنان قولداۋ كورىپ, شىن ريزاشىلىقتارىن جەتكىزۋدە. سونداي-اق, قىرعي-قاباق بول­عان رەسەي مەن تۇركيا ارا­سىن­داعى قارىم-قاتىناستىڭ قالپى­نا كەلۋىنە ىقپال ەتكەن قازاق­ستان پرەزيدەنتى, قادىرلى نۇرسۇلتان نازارباەۆتىڭ ءرولى وراسان زور جانە مۇنى تۇرىك حالقى ەشۋاقىتتا ۇمىتپايدى. جاھاندىق ەكونوميكا داعدا­رىسقا دۋشار بولعان قازىرگى ۋاقىتتا قازاقستان ءوزى ۇستانىپ وتىرعان دانا ەكونوميكالىق سايا­سا­تىنىڭ ارقاسىندا قيىن­دىقتان كوپ قي­نال­ماي ءوتىپ كەلەدى. قازاق­ستان پرەزي­دەن­تى­نىڭ حالىققا ار­نا­عان جولداۋىندا ماك­ر­و­ەكونوميكالىق تۇ­راقتىلىقتى ساقتاۋ, كاسىپكەرلىكتى دامىتۋ جانە ونىڭ اياسىن كەڭەيتۋ, ەكونوميكانى دامىتاتىن تەحنولوگيانى جاڭعىرتۋ, دامۋدىڭ كەز كەلگەن فاكتورى – ادامنىڭ ءوسىپ-وركەن­دەۋى سىندى باسىمدىقتارعا باس­تى ورىن بەرىلگەن. بۇل, راسىندا دا, قۇپتارلىق ءىس, الەم ءۇشىن كوكەي­كەستى ماسەلە. قازاقستاننىڭ ءوز ىشىندەگى جانە حالىقارالىق دەڭگەيدە جاڭا جەتىستىكتەرگە قول جەتكىزە­تىندىگىنە سەنىم بىلدىرە وتىرىپ, قازاقستاننىڭ بارلىق جەتىستىگىن زور قۋانىشپەن قابىلدايتىن تۇركيا جانە بۇكىل تۇركى الەمى مۇنى ماقتان تۇتاتىنىن اتاپ كورسەتسەم دەيمىن. قازاقستاننىڭ جولى ماڭگى-باقي اشىق بولسىن! ياكۋب وماروعلۋ, ەۋرازيا جازۋشىلار قاۋىمداستىعىنىڭ توراعاسى