2017 جىلى ءجىو 49,7 ترلن تەڭگەنى قۇرايدى دەپ بولجانۋدا

اعىمداعى جىلى ونەركاسىپ ءوسىمى 3% دەڭگەيدە كۇتىلۋدە. بۇل تۋرالى قر ۇكىمەتى وتىرىسىندا ەلدىڭ الەۋمەتتىك-ەكونوميكالىق دامۋىنىڭ 2017-2021 جىلدارعا ارنالعان بولجامىن تانىستىرعان قر ۇلتتىق ەكونوميكا ءمينيسترى تيمۋر سۇلەيمەنوۆ حابارلادى, دەپ جازادى primeminister.kz. ونىڭ ايتۋىنشا, بولجام ءجىو ءوسىمى بويىنشا جانە 2016 جىلعى ەكونوميكا سالالارىن دامىتۋدىڭ, اقش دوللارىنىڭ ەسەپتىك باعامىن 360-تان 330 تەڭگەگە وزگەرتۋدىڭ الدىن الا ەسەپتىك مالىمەتتەرىن, سونداي-اق الەمنىڭ تاۋار نارىقتارىنداعى اعىمداعى ۇردىستەردى ەسكەرە وتىرىپ, ناقتىلانعان. وسىلايشا, اتاۋلى ءجىو 2017 جىلى 49 740,6 ملرد. تەڭگە كولەمدە بولجانۋدا, جان باسىنا شاققانداعى ءجىو 8 391,5 مىڭ اقش دوللارىنا دەيىن ۇلعايادى. ونەركاسىپ ءوسىمى وڭدەۋ ونەركاسىبىندەگى 2,6% دەيگەيدەگى كۇتىلەتىن الدەقايدا جوعارعى ءوسىم ەسەبىنەن 3% دەيىن ارتتىرۋعا قاراي قايتا قارالعان. مۇناي ءوندىرۋ كولەمىنىڭ بولجامى نەگىزىنەن قاشاعان كەن ورنىنداعى ءوندىرۋدى ارتتىرۋ ەسەبىنەن 81 ملن. تونناعا دەيىن ارتقان. اۋىل شارۋاشىلىعى جالپى ءونىمى كولەمىنىڭ ورتاشا جىلدىق ءوسىمى 2,5% قۇرايدى, ينفلياتسيا ءدالىزى الدىندا بەكىتىلگەن 6-8% دەڭگەيدە ساقتالعان.