قازاق-جاپون پارلامەنتشىلەرى پىكىر الماستى

جۋىردا قازاقستان پارلامەنتى ءماجىلىسىنىڭ دەپۋتاتتارى جاپونيا پارلامەنتى كەڭەسشىلەر پالاتاسىنىڭ مۇشەلەرىمەن جۇزدەستى, دەپ حابارلادى ءماجىلىستىڭ ءباسپاسوز قىزمەتى. جاپونيا قازاقستاننىڭ قيىر شىعىس ايماعىنداعى ساياسي جانە ەكونوميكالىق سەنىمدى ارىپتەسى بولىپ تابىلادى. ەكى ەلگە دە ءتيىمدى ينۆەستيتسيالىق جانە تەح­نولوگيالىق ىنتىماقتاستىق ءورىس الىپ كەلەدى. پارلامەنتارالىق ديپلوماتيا دا ەكى ەلدىڭ اراسىن جالعاستىرىپ وتىر. جاپونيادا قازاقستانمەن دوستىق پارلامەنتتىك ليگاسى ء(ار پالاتادان 37 دەپۋتاتتان) جۇمىس ىستەگەلى 10 جىل بولدى. قازاقستان پارلامەنتىندە دە جاپونيا پارلامەنتىمەن ىن­تى­ماقتاستىق توپتارى سەناتتا 2004 جىلى, ماجىلىستە 2005 جىلى قۇرىلعان. ماجىلىستە قۇ­رامىن­دا 27 دەپۋتات بار, توپ جەتەكشىسى – س. توقپاقباەۆ. مەيمانداردى جىلى شىراي­مەن قارسى العان ءسات توقپاقباەۆ تابيعات اپاتتارىن باستان كەشىپ, «فۋكۋسيما» اتوم ەلەكتر ستان­سا­سىنىڭ زاردابىن جويۋ جولىندا ەرلىك كورسەتىپ جات­قان جاپون حالقىنىڭ ەرلىگى مەن توزىمدىلىگىن جوعارى باعالادى. ەكى ەلدىڭ ورتاق مۇددەنى كوزدەگەن بايلانىسىنا توقتالىپ ءوتتى. ءوز كەزەگىندە جاپونيا دەلە­گا­تسياسىن باستاپ كەلگەن كەڭەس­شى­لەر پالاتاسىنىڭ دەپۋتاتى ماساحيسا ساتو قيىن كۇندەردە الەمدىك قوعامداستىق قولۇشىن بەرگەنىن ايتا كەلىپ, سونىڭ ىشىندە ال­عاش­قى­لاردىڭ ءبىرى بولىپ جان-جاقتى قولداۋ جاساعان قازاقستان حالقى مەن پرەزيدەنت نۇرسۇلتان نازار­باەۆقا اسا زور ريزاشىلىعىن ءبىلدىردى. تاراپتار جاڭادان تاعاي­ىن­دالعان جاپونيا ۇكىمەتى تابيعات اپاتىنىڭ زارداپتارىن جويىپ, حالىقتىڭ قالىپتى ءومىر جولىنا ءتۇسۋى ءۇشىن بارلىق جاعدايدى جاسايتىنىنا سەنىم ارتتى. كەزدەسۋگە قازاقستان جاعىنان ءماجىلىس دەپۋتاتتارى نۇرتاي سابيليانوۆ پەن نيكولاي تۋرەتسكي, ال مەيماندار تاراپىنان جاپونيا پارلامەنتى كەڭەسشىلەر پالا­تاسىنىڭ دەپۋتاتى يوسيحيكو يسود­زاكي, كۇنشىعىس ەلىنىڭ قا­زاقستان رەسپۋبليكاسىنداعى ءتو­تەن­شە جانە وكىلەتتى ەلشىسى يۋدزو حارادا جانە جاپونيانىڭ ليبە­رال-دەموكراتيالىق پارتياسى جا­نىنداعى ساياسي زەرتتەۋلەر ينس­تيتۋتىنىڭ زەرتتەۋشىلەرى قاتىس­تى.