ەسەپ كوميتەتىنىڭ توراعاسى قايتىس بولدى

ەسەپ كوميتەتىنىڭ باسشىسى جاڭبىرشين قوزى-كورپەش ەسىم ۇلى قايتىس بولدى, دەپ حابارلادى tengrinews.kz. ول 1960 جىلى اقتوبە وبلىسىندا دۇنيەگە كەلگەن. ماسكەۋ ەكونوميكالىق-ستاتيستيكالىق ينستيتۋتىن جانە ونىڭ اسپيرانتۋراسىن بىتىرگەن. قازاق كسر مەملەكەتتىك جوسپارلاۋ كوميتەتى جانىنداعى باسقارۋ پروتسەسىنىڭ اۆتوماتتاندىرىلعان جۇيەسى عىلىمي-زەرتتەۋ ينستيتۋتىنىڭ ينجەنەرى, قازاق كسر مەملەكەتتىك جوسپارلاۋ كوميتەتى عىلىم مەن تەحنيكا ءبولىمىنىڭ ينجەنەرى, قازاق كسر مەملەكەتتىك جوسپارلاۋ كوميتەتى باسقارۋ جانە باسشىلىقتىڭ ەكونوميكالىق ادىستەمەلەرىن جەتىلدىرۋ ءبولىمىنىڭ اعا عىلىمي قىزمەتكەرى, قازاق كسر مەملەكەتتىك جوسپارلاۋ كوميتەتى جانىنداعى ەكونوميكالىق عىلىمي-زەرتتەۋلەر ينسيتۋتىنىڭ اعا عىلىمي قىزمەتكەرى, قر ەكونوميكا جونىندەگى مەملەكەتتىك كوميتەتى ەكونوميكالىق رەفورمالار, نارىقتىق قاتىناستار مەن كاسىپكەرلىكتى دامىتۋدى ادىستەمەلىك قامتاماسىز ەتۋ ءبولىمىنىڭ باس مامانى, قازاقستان رەسپۋبليكاسى پرەزيدەنتى جانىنداعى جوعارى ەكونوميكالىق كەڭەستىڭ ەكونوميكالىق كونسۋلتانتتار كەڭەسىنىڭ كەڭەسشىسى, قر پرەزيدەنتىنىڭ ەكونوميكالىق كەڭەسشىسى, ەۋروپالىق قوعامداستىق كوميسسياسىنىڭ قازاقستانداعى ۇيلەستىرۋ بيۋروسىنىڭ ۇلتتىق ديرەكتورى, قر پرەزيدەنتى جانىنداعى ەكونوميكالىق كونسۋلتانتتار كەڭەسى جەتەكشىسىنىڭ ورىنباسارى, «تاسيس» باعدارلاماسىنىڭ قازاقستانداعى ۇيلەستىرۋ بيۋروسىنىڭ ديرەكتورى, الماتى قالاسى ەكونوميكا جونىندەگى كوميتەتىنىڭ توراعاسى, الماتى قالاسى اكىمىنىڭ ورىنباسارى, قازاقستان رەسپۋبليكاسى قورعانىس ءمينيسترىنىڭ ەكونوميكا جانە قارجى جونىندەگى ورىنباسارى, قازاقستان رەسپۋبليكاسى قاۋىپسىزدىك كەڭەسى حاتشىسىنىڭ ورىنباسارى قىزمەتتەرىن اتقارعان. 2009 جىلدىڭ قىركۇيەگىنەن قر قاۋىپسىزدىك كەڭەسى حاتشىسىنىڭ ورىنباسارى – حاتشىلىق مەڭگەرۋشىسى بولدى. قازىرگى قىزمەتىنە 2014 جىلعى 15 قاڭتاردا ەلباسى جارلىعىمەن تاعايىندالعان. «قۇرمەت» وردەنىمەن, مەدالدارمەن ماراپاتتالعان.