جاڭا دياگنوستيكالىق قۇرالدارمەن جابدىقتالدى

وتكەن تامىز ايىندا 7 وبلىس ورتالىعى مەن ءبىر قالالىق سپيد ورتالىعىنىڭ لابوراتوريا­لا­رىن­دا قازىرگى زامانعى دياگنوس­تي­كا­لىق قۇرال-جابدىقتار پايدا بول­دى. ەندىگى جەردە بۇل وزىق تەحنيكالار ۆيچ جانە سپيد دەر­ت­تە­رى­نىڭ ان­ىق­تالۋىن باقىلاۋ ساپاسىن جاق­سار­تىپ, وسى ماسەلەدە كەتىپ جاتقان كەمشىلىكتەردى ازايتاتىن بولادى. – بۇگىندە مەملەكەتىمىز ۆيچ-ينفەكتسياسىن باستاپقى كەزەڭدە ەمدەپ, جازۋعا ۇلكەن ءمان بەرىپ وتىر. ال دياگنوز قويۋ مەن ەمدەۋ شارالارىن جۇرگىزۋدە لابورا­تو­ريا­لىق زەرتتەۋلەردىڭ سەنىمدىلىگى اسا ماڭىزدى. وسىعان بايلا­نىس­تى, مەديتسينالىق دياگنوستيكالىق قۇرال-جابدىقتاردىڭ جاڭارۋىنا مۇقتاج بولىپ وتىرعان بىرقاتار ايماقتىق سپيد ورتالىقتارىنا سپيد-پەن كۇرەسۋدەگى جاھاندىق قورىنىڭ گرانتىنا الەمدەگى وزىق تەحنولوگيالاردىڭ ستاندارتى بوي­ىنشا جاسالعان قۇرال-جاب­دىق­تار ساتىپ الدىق, – دەيدى سپيد-ءتىڭ الدىن الۋ مەن كۇرەسۋ جونىندەگى رەسپۋبليكالىق ورتالىعىنىڭ باس ديرەكتورى مارات تۇكەەۆ. ياعني, قازىرگى كۇندەرى 2 اعىندى تسيتوفليۋوريمەتر قاراعاندى ءجا­­نە باتىس قازاقستان وبلىستا­رىن­دا­عى سپيد ورتالىقتارىنا جەتكىزىلگەن. بۇل قۇرالدار ۆيچ-پەن ءومىر ءسۇرىپ جاتقان جانداردىڭ قان­دارىنداعى ادامنىڭ يممۋنيتەتىنە جاۋاپ بەرەتىن سد4 جاسۋ­شا­لارىن جانە رەتروۆيرۋسقا قار­سى جۇرگىزىلەتىن تەراپيا مەن ونىڭ تيىمدىلىگىن انىقتاۋدا وتە قاجەت. سول سياقتى يممۋنتاپشىلىعى ساراپتامالارى ءۇشىن قاجەتتى 7 قۇ­رال-جابدىقتار جيىنتىعى باتىس قازاقستان, سولتۇستىك قازاقستان, اقمولا, قوستاناي, الماتى وب­لىس­تارى مەن سەمەي قالالىق سپيد ورتالىعىنا بەرىلدى. قازىرگى تاڭدا يممۋنوفەرمەنتتى ساراپتاما لابوراتوريالىق دياگ­نوستيكانىڭ ەڭ نەگىزگى ادىستەرىنىڭ ءبىرى بولىپ تابىلادى. ونىڭ باس­تى ارتىقشىلىعى: ناتيجەلەردى اۆ­تو­ماتتى تۇردە ەسەپتەۋدىڭ ار­قا­سىندا ناقتى ءارى ونىمەن جۇمىس ىستەۋ جىلدام جانە ىڭعايلى كورىنەدى. وعان قوسا رەسپۋبليكالىق سپيد ورتالىعىنىڭ لابوراتو­ريا­سىنا پتسر (پوليمەرازنايا تسەپنايا رەاكتسيا) قۇرال-جابدىعىنىڭ تولىق جيىنتىعى ساتىپ الىنعان. مەديتسينالىق ساراپتاما جۇرگى­زۋ­دىڭ بۇل ءادىسى جۇقپالى اۋرۋلاردى انىقتاۋدا وتە سەزىمتال كورىنەدى. بۇعان قوسا سپيد ورتالىق­تا­رى­نىڭ قىزمەتكەرلەرى جاڭا مەديتسي­نا­لىق جابدىقتارمەن جۇمىس ىستەۋ ءۇشىن ارنايى كۋرستان وتۋدە. ايناش ەسالي, الماتى.