جاس زىلتەمىرشىلەر تابىسى

تايلاندتىڭ پاتايا قالاسىندا اۋىر اتلەتيكادان جاسوسپىرىمدەر اراسىندا الەم بىرىنشىلىگى اياق­تال­دى. سارى قۇرلىقتىڭ كىلەڭ مىق­تىلارى جينالعان جارىستا قازاقستاننىڭ زىلتەمىرشىلەرى ادەت­تەگىدەي تابىستى ونەر كور­سەتتى. 3 التىن, 1 كۇمىس جانە 1 قولانى يەلەنگەن قۇراما مۇشەلەرى جالپى ەسەپتە كوشباسشى كوماندالار قاتارىنان ورىن الدى. ەلىمىز اۋىر اتلەتيكاسىنىڭ ءتىز­گىنىن ۇستاعان ازاماتتار بۇل ءبا­سەكەدە سانعا ەمەس, ساپاعا ءجۇ­گىن­دى. بۇل جولى ولار نەبارى جەتى سپورتشىنى جارىس جولىنا شى­عا­رۋدى ءجون كوردى. تاي ەلىنە اق­ما­رال نۇرىموۆا (53 كيلو), ءما­دينا تاشكەنباەۆا (58 كيلو), ۆيكتوريا ۆاگنەر (69 كيلو), عا­لىم­بەك جۇباتحانوۆ (69 كيلو), گەننادي لي (77 كيلو), ماكسيم لاكتيونوۆ (85 كيلو) جانە ۆاسيلي كو­شەلەۆ (94 كيلو) اتتاندى. ولار­دىڭ ءبارى دە ەلىشىلىك باسەكەلەردە وزدەرىنىڭ مىقتىلىعىن مويىن­دا­تىپ ۇلگەرگەن سپورتشىلار. سول سەبەپتى قىراعى ماماندار اتال­عان جاس ورەندەرگە ازيانىڭ باس­تى دوداسىندا ەل نامىسىن قور­عاۋ­دى سەنىپ تاپسىردى. ازيا بىرىنشىلىگى باستالى­سى­مەن قۇراما مۇشەلەرى ايانباي كۇش سىناستى. ءبىزدىڭ قۇراماعا ال­عاشقى التىن جۇلدەنى عا­لىم­بەك جۇباتقانوۆ جەڭىپ الدى. وتان­داسىمىز قوسسايىستىڭ قو­رى­تىن­دى­سىندا 275 (125 جۇلقي كوتە­رۋ+150 سەرپە كوتەرۋ) كيلو­لىق زىلتەمىردى باسىنان اسىرىپ, باستى قارسىلاستارىنان قارا ءۇز­ىپ كەتتى. كەلەسى كۇنى ءمادينا تاشكەنباەۆا تاماشا ونەر كورسەتتى. جۇل­قي كوتەرۋدىڭ قورىتىندىسى بويىن­شا جارىس قوجايىنى جاراپورجۋگاننان قالىپ قويعان ول كەتكەن ەسەنى سەرپە كوتەرۋ جات­تى­عۋى با­رى­س­ىندا تولىعىمەن قاي­تار­دى. ءما­دينانىڭ ناتيجەسى – 186 (80+ 106) كيلو. تايلاندتىق سپورتشى ءبىز­دىڭ قىزدان ەكى كيلو كەم كوتەردى. تاعى ءبىر باس جۇلدەنى ۆاسيلي كوشەلەۆ يەلەندى. وعان دا بۇل بەلەس وڭايلىقپەن باعىنعان جوق. العاشقى جاتتىعۋدا قازاقستان, وڭتۇستىك كورەيا جانە وزبەك­ستان­نىڭ وكىلدەرى شامامەن بىردەي ناتيجە كورسەتتى. سايىستىڭ كەلەسى تۇرىندە وزبەك زىلتەمىرشىسى بىردەن ءمۇلت كەتسە, قالعان ەكەۋى ءبىراز تارتىستى. قوس مىقتى التىن تۇعىرعا كوتەرىلۋ ءۇشىن بارىنشا كۇش سالدى. دەسەك تە لي يانگ جاي قانشا تالپىنعانىمەن, ءبىزدىڭ سپورتشىنىڭ ەكپىنىنە شىداي المادى. كوشەلەۆتىڭ كورسەتكىشى – 309 (138+168) كيلو. يراك سپورتشىسى ابۋلكاتەن حاسيمگە ەسە جىبەرگەن گەننادي لي كۇمىس مەدالدى يەلەنسە, تاي ەلىنىڭ قوس زىلتەمىرشى قىزدارى پورنپيداي تسيلەتش پەن ۆاسسانا شارامعا جول بەرگەن ۆيكتوريا ۆاگنەر قولا جۇلدەنى قاناعات تۇت­تى. اقمارال نۇرىموۆا التىنشى ورىنعا تۇراقتاسا, ماكسيم لاكتيونوۆ جاراقاتىنا بايلانىستى باسەكەگە تۇسۋدەن باس تارتتى. ءسوي­تىپ, ازيا چەمپيوناتىنا قا­تىس­قان قازاقستاننىڭ جەتى ءزىل­تەمىرشى­سى­نىڭ بەسەۋى ەلگە ولجالى ورالدى. – ءبىزدىڭ جاس سپورتشىلاردىڭ كوبى شەتەلگە العاش رەت شىعىپ وتىر. تىپتەن, ارالارىندا ۇشاققا تۇڭعىش رەت وتىرعاندارى دا بار. سوعان قاراماستان, ءبىزدىڭ سپورت­شىلار سىن ساعاتتا سىر بەرمەدى. جارىس جولىندا ەشقايسىسى ايا­نىپ قالعان جوق. جەڭىس تۇعىرىنا كوتەرىلۋ ءۇشىن بارلىعى دا جانىن سالدى. ويتكەنى, قازاقستان اۋىر اتلەتيكاسىنىڭ داڭقى الىسقا جايىلعان. بۇگىنگى تاڭدا مەملەكەت تاراپىنان سپورتتىڭ وسى ءتۇ­رىنە بارىنشا قولداۋ كورسەتىلىپ وتىر. تۋريزم جانە سپورت مينيسترلىگى مەن «سامۇرىق-قازىنا» ءال-اۋقات قورى دا قولدان كەلگەن كومەكتەرىن اياپ جاتقان جوق. سو­نىڭ ارقاسىندا كورسەتكىشىمىز جىل­دان جىلعا جاقسارۋدا. سو­نىڭ بارلىعى جاسوسپىرىمدەر ءۇش­ىن ۇلكەن دەمەۋ بولدى. ءناتي­جە­سىندە قازاقستان قۇراماسى ءوزىنىڭ مىقتىلىعىن سارى قۇرلىقتىڭ باستى دوداسىندا دا مويىنداتتى, – دەدى رەسپۋبليكا اۋىر اتلەتيكا فەدەراتسياسىنىڭ پرەزيدەنتى قاي­رات تۇرلىحانوۆ. وسىمەن, اۋىر اتلەتتەر ءۇشىن سىناق اياقتالعان جوق. 16-22 قىر­كۇيەك ارالىعىندا تالدىقورعان قالاسىنداعى قازاقستان رەس­پۋب­لي­كاسىنىڭ ءىىى جازعى سپارتا­كيا­داسى اياسىندا اۋىر اتلەتتەردىڭ ءدۇبىرلى دوداسى وتەدى. وعان ەلى­مىزدىڭ ەڭ مىقتى دەگەن زىلتەمىرشىلەرى قاتى­سادى. سول جارىستىڭ قورىتىن­دى­سى بويىنشا 5-13 قا­راشا ارالى­عىن­دا پاريجدە وتە­تىن الەم چەم­پيو­ناتىندا كىمدەر ونەر كورسە­تە­تى­نى تولىقتاي بەلگىلى بولادى. فران­تسيانىڭ استاناسىندا 2012 جىلعى لوندون وليمپياداسىنىڭ جولدامالارى ساراپقا سالىنادى. داستان كەنجالين.