قازاقستان رەسپۋبليكاسى ۇكىمەتىنىڭ قاۋلىسى №879

2011 جىلعى 29 شىلدە , استانا, ۇكىمەت ءۇيى «اۋىل شارۋاشىلىعى مينيسترلىگى بەرەتىن كۋالىكتەردى قوسپاعاندا, ازاماتتارعا جۇرگىزۋشى كۋالىكتەرىن بەرۋ» مەملەكەتتىك قىزمەت ستاندارتىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 26 قازانداعى № 1671 قاۋلىسىنا وزگەرىستەر ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «اۋىل شارۋاشىلىعى مينيسترلىگى بەرەتىن كۋالىكتەردى قوسپاعاندا, ازاماتتارعا جۇرگىزۋشى كۋالىكتەرىن بەرۋ» مەملەكەتتىك قىزمەت ستاندارتىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 26 قازانداعى № 1671 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., № 45, 431-قۇجات) مىناداي وزگەرىستەر ەنگىزىلسىن: كورسەتىلگەن قاۋلىمەن بەكىتىلگەن «اۋىل شارۋاشىلىعى مينيسترلىگى بەرەتىن كۋالىكتەردى قوسپاعاندا, ازاماتتارعا جۇرگىزۋشى كۋالىكتەرىن بەرۋ» مەملەكەتتىك قىزمەت ستاندارتىندا: 3-تارماقتىڭ 3) جانە 4) تارماقشالارى الىنىپ تاستالسىن; 8-تارماق مىناداي رەداكتسيادا جازىلسىن: «مەملەكەتتىك قىزمەت اقىلى تۇردە كورسەتىلەدى. مەملەكەتتىك قىزمەت كورسەتىلگەنى ءۇشىن مەملەكەتتىك باج الىنادى, ول «سالىق جانە بيۋدجەتكە تولە­نەتىن باسقا دا مىندەتتى تولەمدەر تۋرالى» (سالىق كودەكسى) قازاقستان رەسپۋبليكاسىنىڭ كودەكسىنە سايكەس مەملەكەتتىك باج تولەنگەن كۇنگە بەلگىلەنگەن ەڭ تومەنگى ەسەپتىك كورسەتكىشتىڭ 125 پايىزىن قۇرايدى. مەملەكەتتىك باج قازاقستان رەسپۋبليكاسىنىڭ بانك مەكەمەلەرى ارقىلى تولەنەدى, ولار باجدىڭ مولشەرى مەن تولەنگەن كۇنىن راستايتىن تولەم قۇجاتىن بەرەدى.»; 16-تارماقتىڭ 7) تارماقشاسى مىناداي رەداكتسيادا جازىلسىن: ««د» ساناتىنداعى كولىك قۇرالدارىن, تروللەيبۋستار مەن ترامۆايلاردى باسقارۋعا قۇقىق بەرۋ كەزىندە جيىرما ءبىر جاسقا تولماسا جانە جۇرگىزۋشىنىڭ كەمىندە ءۇش جىل جۇمىس ءوتىلىنىڭ, ونىڭ ىشىندە كەمىندە ءبىر جىل «س» ساناتىنا جاتاتىن كولىك قۇرالدارىن باسقارۋ ءوتىلىنىڭ بولۋىن راستايتىن قۇجاتتاردى ۇسىنباسا;». 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى     ك.ءماسىموۆ.