مۇنايشىلاردىڭ اق العىسى

ماڭعىستاۋ مۇنايىنىڭ 50 جىلدىعى ءوندىرىستى ءوڭىردىڭ ءومى­رىندەگى ايتۋلى وقيعالاردىڭ ءبىرى بولدى. ايماقتىڭ اۋدان, قا­لالارىندا تۇگەلدەي دۇركىرەپ ءوت­كەن مەرەكەلىك باعدارلاما جۇرت­شىلىق كوڭىلىنە قۋانىش سىي­لا­دى. ولاي دەيتىنىمىز توي باع­دار­لا­ماسى اياسىندا ارداگەرلەر ار­داقتالىپ وبلىستا ون­دا­عان الەۋ­مەتتىك نىساندار پاي­دا­لانۋعا بەرىلدى. اقتاۋداعى سال­تا­ناتتى جيىندا ماڭعىستاۋ مۇ­نايىنىڭ تاريحى, بۇگىنى مەن ەرتەڭى قا­زىنالى تۇبەكتىڭ قار­قىن­دى دا­مۋى تۋرالى وبلىس اكىمى قى­رىم­بەك كوشەرباەۆ «مۇنايشىلار – ەگەمەن ەلىمىزدىڭ تىرەگى» اتتى بايانداماسىندا اسەرلى اڭگىمە­لە­دى. ال سالتاناتتى جينالىسقا قاتىسۋشىلار وزدەرىنە ارنايى اق تىلەك, يگى قۇتتىقتاۋىن جول­دا­عان ەلباسى نۇرسۇلتان نا­زارباەۆقا ارناپ ۇندەۋ جولداپ, العىس سەزىمدەرىن ءبىلدىردى. وندا بىلاي دەلىنگەن: «قۇرمەتتى نۇرسۇلتان ءابىش­ۇ­لى! ءوزىڭىز قولداۋ كورسەتىپ, قۇت­تىقتاۋ جىبەرگەن بيىلعى تاۋەلسىز ەلىمىزدىڭ 20 جىل­دى­عى­نىڭ اياسىندا اتالىپ وتىر­عان ماڭعىستاۋ تۇبەگىنىڭ العاش مۇنايىنىڭ اشىلعانىنا 50 جىل تولۋ مەرەيتويىن وتكىزۋ ولكە تۇرعىندارى مەن مەرەكە مەيماندارىنا ۇلكەن رۋحاني سەرپىلىس تۋعىزىپ, ۇلاعاتتى شاراعا اينالدى. مەرەيتوي جەر بايلىعىن يگە­رىپ, ونى ەل قاجەتىنە جۇم­ساۋدا ەرەن ەڭبەك ەتكەن مۇناي­شى ارداگەرلەرىمىزدى قۇرمەت­تەۋ­گە, ولاردىڭ ەڭبەكتەرىن ءوس­كە­لەڭ ۇرپاققا ناسيحاتتاۋعا جانە جەتكىزۋگە سەپتىگىن تيگىزگەنى ءسوزسىز. ماڭعىستاۋ مۇنايى­نىڭ 50 جىلدىق مەرەيتويىن ۇرپاققا ۇلاعاتتى ۇلگى الۋدى اماناتتايتىن مەرەيتوي دەپ بىلەمىز. ءسىزدىڭ سارابدال ساياسا­تى­ڭىز­بەن كەمەل كەلەشەگىنە نىق قادام باسقان تاۋەلسىز قازاق­ستان­نىڭ تاريح ءۇشىن قاس-قاعىم جيىرما جىلعا جۋىق ۋاقىت­تا­عى جەتكەن عاسىرعا تەڭ جەتىستىكتەرى بارشا ماڭعىس­تاۋ­لىق­تار­دى قۋان­تىپ, جارقىن بولا­شا­عى­مىز­عا دەگەن سەزىم ۇيالاتادى. ماڭعىستاۋلىقتار وزدەرىنىڭ ەرەن ەڭبەگىمەن تاۋەلسىز ەلىمىز­دىڭ وركەندەپ, كوركەيە بەرۋىنە سۇبەلى ۇلەستەرىن قوسىپ كەلەدى جانە بولاشاقتا دا قوسا بەرمەك. كيەلى دە قاسيەتتى ماڭ­عىس­تاۋ تاۋەلسىز ەلىمىزگە, وزىڭىزگە ءاردايىم تىرەك بولاتىنىن مالىمدەيمىز». مىنە, بۇدان جارتى عاسىر بۇ­رىن جانقيارلىقپەن ەڭبەك ەتىپ, ەلىمىزدىڭ ابىرويىن اس­قاق­­تاتقان ارداگەرلەر مەن بۇگىن­دەرى سولار­دىڭ جولىن جالعاس­تى­رىپ جات­قان وسكەلەڭ ۇرپاق­تىڭ ماقسات-مۇددەلەرى, تاۋەلسىز قازاقستان­نىڭ تۇڭعىش پرەزيدەنتىنە دەگەن ىستىق لەبىزدەرى وسىنداي. جولامان بوشالاق, ماڭعىستاۋ وبلىسى.