كواليتسيا وڭتايلى جول ىزدەيدى

تۇڭعىش پرەزيدەنت مۇراجايىنىڭ كۇمبەزدى زالىندا «نۇر وتان» حالىقتىق-دەموكراتيالىق پارتياسىنىڭ باستاماسىمەن قۇرىلعان «قازاقستان-2020» جالپىۇلتتىق دەموكراتيالىق كۇشتەر كواليتسياسىنىڭ العاشقى وتىرىسى ءوتتى. ەلىمىز ءوز تاۋەلسىزدىگىنىڭ 20 جىل­دىعىنا دەموكراتيالىق قۇن­دى­لىقتاردى ۇستاناتىن مەملەكەت رەتىندە جەتتى. بۇگىنگى كۇنى ءار­تۇرلى ساياسي پارتيالار مەن قو­عام­دىق ۇيىمداردىڭ ەلدىڭ دامۋ جول­دارى جونىندەگى وزىندىك كوز­قاراستارى از ەمەس. ول زاڭدى دا. ويتكەنى, قوعامدا قيلى ويلاردىڭ ايتىلۋى, وي-پايىم ەركىندىگىنىڭ بولۋى, بىرنەشە پارتيالاردىڭ ءومىر ءسۇرۋى دە سول دەموكراتيانىڭ ارقاسى. ءارى ول قوعامدى العا جىلجىتىپ, دامىتاتىن قوزعاۋ­شى كۇش ەكەنى انىق. پارتيالار ءار­تۇرلى ۇنقاتىسۋ الاڭدارى ارقى­لى ورتاق بىتىمگە كەلىپ, ماسە­لە­لەردى شەشۋدىڭ ەڭ وڭتايلى جولىن تاڭداۋعا ۇمتىلىپ وتىر. «نۇر وتان» حدپ-نىڭ باستاماسىمەن قۇرىلعان «قازاقستان-2020»  جال­پى­ۇلتتىق دەموكراتيالىق كۇش­تەر كواليتسياسى (جدكك) وسى باعىت­تا­عى ەڭ ءتيىمدى ۇيىم بولىپ تابى­لادى. وعان 600-گە جۋىق ساياسي جانە قوعامدىق ۇيىمدار مۇشە بولىپ كىرگەن. كەزەكتەن تىس سايلاۋ ۋاقىتى بەلگىلەنگەننەن كەيىن جدكك ءوزىن حالىقتى بىرىكتىرۋشى بىردەن-ءبىر كۇش رەتىندە كورسەتىپ, ەلدەگى رە­فورمالاردى قازاقستاندىقتارعا ءتۇ­سىندىرۋ جونىندەگى كەڭ اۋقىمدى جۇمىس جۇرگىزۋدى ماقسات تۇتۋدا. وسىلايشا ەل تاريحىنىڭ تالاي-تالاي كەلەلى جيىندارى ءوت­كەن, تاعدىرلى شەشىمدەر قابىل­دان­عان ەلباسىنىڭ بۇرىنعى رە­زيدەنتسياسىنىڭ, قازىرگى تۇڭعىش پرەزيدەنت مۇراجايىنىڭ كۇم­بەز­دى زالىندا كواليتسيا مۇشەلەرى العاشقى وتىرىسىن وتكىزىپ, ۇي­ىم­نىڭ بولاشاق قىزمەتىن تال­قى­لادى. دەموكراتيالىق كۇشتەر كوا­ليتسياسى از ۋاقىت ىشىندە ازا­ماتتىق قوعامدى بىرىكتىرىپ, قا­زاقستاندىقتار اراسىنداعى بەدەلىن نىقتادى. ونىڭ قىزمەتىن ەلباسى, «نۇر وتان» پارتيا­سى­نىڭ توراعاسى نۇرسۇلتان نازارباەۆ تا جوعارى باعالادى. پرەزيدەنت ساياسي پارتيالارعا وسى ۇيىم شەڭبەرىندە بىرلەسكەن جۇمىسىن جالعاستىرۋدى ۇسىندى. بۇل باستاما قولداۋ تاۋىپ, جدكك مۇشە­لەرى ساياسي پارتيالارمەن جانە قوعامدىق ۇيىمدارمەن ەلدە جانە الەمدە بولىپ جاتقان وقي­عالاردى تالقىلاۋ ءۇشىن, ازامات­تىق قوعام ينستيتۋتتارىنىڭ سىن­دارلى باس­تامالارى مەن قا­زاقستان­دىقتار­دىڭ مۇددەلەرىنە قولداۋ كورسەتۋ ءۇشىن ءوز جۇ­مىسىنىڭ اۋقىمىن كەڭەيتۋ تۋ­رالى شەشىمگە كەلدى. وتىرىستا ۇيىم قىزمەتىنىڭ جاڭا كەزەڭى باستاۋ الدى. بۇل تۋ­رالى «نۇر وتان» پارتياسى ءتور­اعاسىنىڭ ءبىرىنشى ورىنباسارى نۇرلان نىعماتۋلين ايتىپ ءوتتى. «بيىلعى پرەزيدەنتتىك سايلاۋدا «قازاقستان-2020» جالپىۇلتتىق دەموكراتيالىق كۇشتەر كوالي­تسيا­سى حالىقتى بىرىكتىرۋشى ما­ڭىزدى قوعامدىق-ساياسي كۇش رەتىندە تانىلدى. سوندىقتان, ءتاۋ­ەل­سىزدىكتىڭ 20 جىلدىعى قارسا­ڭىن­دا ءبىز ءوز قىزمەتىمىزدى جال­پى­ۇلتتىق كواليتسيادا جالعاس­تى­رىپ جاتقانىمىز – بۇل بارشا قازاقستان حالقىنىڭ ەلباسى نۇرسۇلتان نازارباەۆتىڭ ستراتە­گيا­لىق باعىتىن الداعى ۋاقىتتا دا بىرىگىپ ىسكە اسىرۋعا دايىن ەكەن­دىگىنىڭ ناقتى دالەلى», دەدى ول. قازاقستان جازۋشىلار وداعى­نىڭ توراعاسى نۇرلان ورا­زالين­نىڭ ايتۋىنشا, «كواليتسيانىڭ قۇ­رىلۋى  پرەزيدەنتىمىزدىڭ ستراتە­گيا­لىق ماقساتتارىن جۇزەگە اسى­رۋ ءۇشىن بارلىعىمىزدىڭ جۇمى­لىپ, ابىرويمەن ىسكە كىرىسۋگە داي­ىن ەكەنىمىزدى انىق كورسە­تەدى». تاۋەلسىزدىكتىڭ 20 جىلدىعىنا وراي كواليتسيا مۇشەلەرى بارلىق قازاقستاندىقتارعا, ساياسي پارتيا­لارعا, قوعامدىق بىرلەستىكتەرگە ءۇن­دەۋ جولدادى. ۇلتتىق عىلىم اكادەمياسىنىڭ پرەزيدەنتى مۇ­رات جۇرىنوۆ 20 جىلدا ەلiمiزدiڭ حالىقارالىق ارەناداعى بەدەلi­نiڭ جوعارىلاۋى جايلى ايتا كەلە: «بۇگىنگى كواليتسيا قابىلداپ وتىر­عان ۇندەۋ – بۇل بۇكىل قازاق حالقىنا دەگەن ۇندەۋ. تۇڭعىش پرەزيدەنتىمىز باستاپ, العا قاراي ادىمداعان ۇدەمەلى قوزعالى­سى­مىزدى ودان ءارى نىعايتۋىمىز كەرەك», دەسە, «ساۋاپ» قوعامدىق قو­رىنىڭ پرەزيدەنتى باقىتبەك سما­عۇل دا كواليتسيا ۇندەۋىنە قولداۋ ءبىلدىرىپ, ونىڭ قابىلدانۋى ەلبا­سى ساياساتىن قولداۋعا جانە دە ەلىمىزدىڭ تاۋەلسىزدىگىن نىعايتۋعا زور ۇلەسىن قوساتىنىنا سەنىم ءبىلدىردى. ەگەمەن دامۋدىڭ قوس ونجىل­دى­عى مەملەكەتتىلىكتى ورناتۋدىڭ, قوعامنىڭ تۇتاستىعىن ساقتاپ قا­لۋدىڭ, اسا قاۋىپتى ەكونوميكالىق قيىندىقتاردان ويداعىداي ءوتۋ­دىڭ كەزەڭىنە اينالدى. قازىرگى ۋا­قىتتا قازاقستاننىڭ الدىندا جاڭا ماقساتتار مەن مىندەتتەر تۇر. ولاردى قوعام تەك ءوزارا ءتۇ­سىنىستىك پەن كۇش بىرىكتىرۋ ارقى­لى عانا شەشە الادى. بۇعان كوا­لي­تسيانىڭ مۇشەلەرى سەنىمدى ەكەن­دىكتەرىن مالىمدەپ جاتتى. ولار حالىقتى وسى قول جەتكىزگەن جەتىستىكتەردى ساقتاپ, ونى مولايتا تۇسۋگە بار كۇشىن جۇمىلدى­رۋعا شاقىردى. «حالىقتىڭ بىرلىگى مەن ىن­تىماعى, ونىڭ توپتاسۋى بارلىق قازاقستاندىقتاردىڭ ءومىرىن جاق­سا­رتۋعا باعىتتالعان مەملەكەتتىك باعدارلامالار مەن جوبالاردى تابىستى ىسكە اسىرۋعا مۇمكىندىك جاسايدى. بولاشاعىمىزدىڭ ىرگەسىن بىرگە قالايىق!», دەلىنگەن ۇندەۋ ماتىنىندە. انار تولەۋحانقىزى.