قوراپشالار وسىلاي جاسالادى

جاقسىنى بىلمەك ءۇشىن ءبىز قالا شەتىندە ورنالاسقان «گوفروتارا» جاۋاپكەرشىلىگى شەكتەۋلى سەرىكتەستىگى اتالاتىن كاسىپ­ورىنعا كەلدىك. بۇدان بۇرىن سەرىكتەستىك ديرەكتورى گۇلنار قاي­داروۆانى كەزدەستىرگەنىمىزدە  «بيزنەستىڭ جول كارتاسى-2020»  باعدار­لا­ماسىنىڭ  كاسىپكەر­لەر­گە كومە­گى تيە باستادى. وسى جو­بانىڭ ار­قاسىندا  جەڭىلدەتىلگەن نەسيەگە دە قول جەتتى. قازىر كا­سىپ­ور­نى­مىز ءوندىرىسىن بۇرىنعى قار­قى­نى­نا قاراعاندا 2-3 ەسە ۇل­عايت­تى. ويتكەنى, جاڭادان ال­ىنعان قۇرال-جابدىقتار زاۋىت­­تان شى­عا­تىن قاعاز ونىمدەرىنىڭ سا­پا­سى­نا دا اسەر ەتتى دەپ ەدى. گۋىلدەگەن تسەح ءىشى. قاتتى قاعاز­داردان, ياعني گوفروكارتوننان ءبىر-ءبىرى­مەن جالعاسقان اۆتومات­تى قۇ­رىل­عىلاردىڭ سوڭىنا دەيىن ارالاپ شىققاندا نە جاسا­لىپ جات­قانىن كوزىڭمەن كو­رە­سىڭ. قاراپ تۇرعان ادامعا  مىنا عاجايىپ اۆتوماتتى قۇرىلعى­لار­دىڭ وي­لاپ تاپپايتىندارى جوق سياقتى, ءبىرى قاعازدى قيىپ جاستا, ەكىنشىسى, ورنەكتەپ, ءۇشىن­شىسى, بۇك­تەپ, ءسويتىپ ءارى قاراي كادىمگى ءوزىمىز  كۇندەلىكتى كورىپ جۇرگەن جۇمىرتقا سالاتىن گوفروكارتون قوراپشالار پايدا بو­لادى. تسەح ءىشى تاپ-تازا, كەڭ دە جارىق. شاڭ-توزاڭ دەگەن جوق. ءبارى دە  اۆ­توماتتى جەلىمەن باس­قارى­لاتىن جاڭارعان, جاڭا زامان  كا­سىپورنى دەگەن وسى. جۇ­مىس­شىلارعا قاۋىپ-قاتەر جوق. ۇزىن جەلىنىڭ ءبىر باسىنا قوي­ىلعان قاعاز وراماسى ارنايى قوندىر­عىلار ارقىلى شيرا­تى­لىپ, كەسىلەدى دە, ەكىنشى شەتىنە دايىن قوراپ تۇرىندە شىعادى. ال جەلى بويىندا قالعان قاعاز قال­دىق­تارى ءاپ-ساتتە جينالىپ الى­نادى. كاسىپورىن ونى قايتا ءوڭ­دەۋدەن وتكىزىپ, وندىرىسكە جارا­تادى. جاڭا تەحنولوگيا قاي كاسىپ­ورىننىڭ بولماسىن باعىن اشا­دى. وسىنىڭ ارقاسىندا «گوفرو­تارا» سەرىكتەستىگى بۇگىن­دە ەلى­مىزدىڭ قاعاز ونىمدەرى رىنو­گى­نىڭ 20 پايىزىن  الىپ وتىر. ەلى­مىزدىڭ بۇكىل وڭىرلەرى­مەن جۇ­مىس جاسايدى. جۋىردا كاسىپ­ورىن ونىمدەرىنە قىزىعۋ­شى­لىق تانىتقان رەسەي, تاجىكس­تان بيزنەس وكىلدەرى دە كەلىپ كەتىپتى. گوفروكارتوننان جاسالعان قو­راپشالار ساپالى قاعازدار ءونىمى بولعاندىقتان, باعالارى تىم ارزانعا تۇسە قويمايدى. ويتكەن, قوراپشالار جاسالاتىن قاعاز قۇرامىندا تسەلليۋلوزا بار. ول رەسەيدەن اكەلىنەدى. ءبىزدىڭ  ەلىمىزدە ازىرگە تسەلليۋلوزا شىعا­رىلمايدى. سوندىقتان, شەتتەن كەلگەن  قاعاز باعاسى  قىمبات. كە­لەشەكتە تەتراپاك قوراپتارىن شىعارۋدى ويلاستىرىپ وتىر. ال كاسىپورىننان, نەگىزىنەن, گوفروكارتون ونىمدەرى مەن ەلى­مىزدىڭ قۇس فابريكالارىنا قا­جەتتى جۇمىرتقا سالاتىن شۇڭ­قىرلى قوراپشالار, ازىق-ت ۇلىك قوراپتارى شىعارىلادى. قاعاز قوراپتار ءارتۇرلى ازىق­تىق تاۋارلارعا ارنالعان, سۇرا­نىسقا دا يە. مىسالى, قارا­عاندى, قوستانايدىڭ كامپيت­تە­رىن الايىق, ولار تسەحتاردان ورا­لىپ شىققاننان كەيىن قايدا با­رادى, ارينە, پاۆلودارلىق «گوفروتارا» سەرىكتەستىگى شى­عار­عان دايىن قوراپتار كۇتىپ تۇرادى. گۇلنار باسقاراتىن شا­عىن كا­سىپ­ورىن وسىلايشا وتان­دىق رى­نوك­تا جۇمىرتقا قوراپ­شالارىن شىعارۋ ارقىلى تا­نىلا باس­تا­دى.  باسقا ەمەس, قو­راپشالاردان بيزنەس جاساۋ ويىڭىزعا قالاي كەل­دى دەگەن سۇ­راعىمىزعا ءبال­كىم, قىزىعۋ­شى­لىقتان, وسىلاي جاساپ كور­سەك قالاي بولار ەكەن دەگەن تالپى­نىستان تۋعان بولار دەپ ويلايمىن. العاشىندا نە­با­رى 100 مىڭ شارشى مەتر قا­عاز ورامدارىن شىعاردىق. كوبى جارامسىز بولىپ قا­لۋ­شى ەدى, سەبەبى 1996 جىل­دارى وندىرىستىك جەلىمىز ەسكى  بولدى, دەيدى كاسىپورىن باسشى­سى. گۇلنار ينستيتۋت بىتىرگەن سوڭ, ەكىباستۇزدىڭ اتاقتى گرەس-2 ستانساسىنا جاس مامان بولىپ كەلدى. وبلىستاعى ماي اۋدانى, جالتىر اۋىلىندا تۋىپ-وسكەن قىز بالا ەلەكتر ينجەنەرى ما­مان­دىعىن الىپ,  وندىرىستە بىرنەشە جىل ەڭبەك ەتتى. كەيىن, ءوز ماماندىعىنا ساي بيزنەس جو­لىن تاڭداعانى دا سول ەدى. ال, قازىر ول باسقاراتىن شاعىن كاسىپورىن گوفرو-جۇمساق-بۇرتىك كارتون جا­­­سايتىن زامانۋي جوعارى تەح­نو­لوگيالىق جەلى جۇيەسىندە جۇ­مىس جاسايدى. ەلىمىزدىڭ ءار جەرلەرىنەن سۇرانىس كوپتەپ تۇسۋدە, ال, قوراپتارعا, جۇمىرتقا قو­راپ­شالارىنا دەگەن تاپسىرىس كوبەيگەن سايىن كاسىپورىن تىرشىلىگى  دە  العا باسۋدا. بيىل «بيزنەستىڭ جول كارتا­سى-2020» باعدارلاماسىنا قاتى­سۋ­عا ءوتى­نىش جاسادى. جوبا ءبىراز ۋاقىت قارالىپ, اقىرى كاسىپ­ور­ىننىڭ قارجىعا دا قولدارى جەتىپتى. ءسويتىپ, ءوڭىردىڭ يندۋس­تريا­لان­دىرۋ كارتاسى اياسىندا ءوز ءوندى­رىسىن ۇلعايتۋعا كىرىسكەن كاسىپ­ورىن گەرمانيا, قىتايدان اۆ­توماتتى جەلىلەر, قاعاز قوراپ­تاردى ولشەيتىن قوندىرعىلار دا ساتىپ الدى. بۇعان 211 ميلليون تەڭگە قاراجات جۇمسالدى.  بۇرىن ءبىر ايدا 800 مىڭ شارشى مەتر قاعاز ونىمدەرىن شىعارۋ مۇمكىندىگىنە يە بولسا, قازىرگى كۇنى قۋاتى 2 ميلليون شارشى مەترگە جەتىپ وتىر. ويتكەنى, كاسىپورىن ساتىپ العان جاڭا قوندىرعىلار  جو­عارى جىلدامدىقپەن جۇمىس جا­سايدى. مۇنىڭ ىشىندە «Inline» دەپ اتالاتىن اۆتوماتتى قون­دىرعىلى جەلى بۇگىندە قاعاز ونىمدەرىن ءوندىرۋ  بويىنشا الەم­دەگى  زامانۋي تەحنيكا ءتۇرى­نەن سانالادى. ارينە, سەرىكتەستىك شاعىن جانە ورتا كاسىپكەرلىك وكىلدەرى ءۇشىن وسىنداي جاڭا­لىققا شىن مانىندە  قول ۇشىن بەرىپ, نەسيەنىڭ پايىزدىق جۇگىن جەڭىلدەتۋگە كومەكتەسكەن مەملەكەت قولداۋىنا ريزا. بۇل كۇندەرى كاسىپورىندا 140 ادام جۇمىس جاسايدى. فاريدا بىقاي, پاۆلودار.