«بولاشاق گوسپيتالى» ادام دەنساۋلىعىن جاقسارتۋعا باعىتتالعان

ەلباسى نۇرسۇلتان نازار­باەۆ­تىڭ اۋرۋحانالىق باسقارۋدىڭ حا­لىق­ارالىق تاجىريبەسىن تارتا وتى­رىپ, ەلىمىزدە «بولاشاق گوسپيتالىن» قۇرۋ تۋرالى تاپسىرما بەرگەنى ءمالىم. بۇل وتانىمىزدىڭ دەن­ساۋ­لىق سالاسىن دامىتۋ ءجو­نىندەگى 2011-2012 جىلدارعا ار­نال­عان «سالاماتتى قازاقستان» باع­دارلاماسىندا دا جان-جاقتى كورىنىس تاپقان بولاتىن. ەندى سول مىندەتتى ايقىنداۋعا ەلدىك ءتاجى­ري­بەمىزدى حالىقارالىق ۇردىسپەن جالعاستىرۋعا ارنالعان فورۋم كەشە ەلور­دا­داعى تاۋەلسىزدىك سارا­ي­ىن­دا ءوتتى. بۇل القالى جي­ىن قا­سيەتتى تاۋەلسىزدىگىمىزدىڭ 20 جىل­دىق مەرەكەسى شەڭبەرىندە بولعان شارا ەكەنىن دە ايتا كەتسەك دەيمىز. فورۋمنىڭ نەگىزگى ماقساتى, دەنساۋلىق ساقتاۋدا­عى مەنەدج­مەنت­تىڭ الەمدىك جانە وتاندىق بەت­الىستارىن پىكىرتالاس الاڭىن­دا تالقىلاۋ, ىسكەرلىك-سەرىكتەستىك قارىم-قاتىناستاردى دامىتۋ, قا­زاق ەلى­نىڭ مەديتسينا ۇيىمدارى­نىڭ باسشىلارىنا شەتەلدىك ءارىپ­تەستەردىڭ باسقارۋشىلىق ءتاجىري­بەسىمەن تانى­سۋعا مۇمكىندىك جاساۋ. سول سەكىلدى مەديتسي­نا­لىق ۇيىمداردى اككرەديتتەۋدىڭ حا­لىق­ارالىق ستان­دارتتارى, پا­تسيەنت-باعدارلى كۇتىم, اقپارات­تىق-تەح­نو­لوگيالاردىڭ ءرولى, سا­لا­داعى مەملەكەتتىك جانە جەكە مەنشىك سەرىكتەستىك سالاسىنداعى وزەكتى ماسەلەلەردى وي ەلەگىنەن وتكىزۋ. وسى جيىنعا پرەزيدەنت اكىم­شىلىگىنىڭ, پرەمەر-مينيستر كەڭ­سەسىنىڭ وكىلدەرى, پارلامەنت ءماجىلىسى­نىڭ دەپۋتاتتارى, «نۇر وتان» حدپ جانە بىرقاتار ۆە­دوم­ستۆولاردىڭ باسشىلارى قاتىستى. جينال­عان­دار ال­دىن­دا پرەمەر-مي­نيستردىڭ ورىنباسارى ەربول ورىن­باەۆ ءسوز سويلەپ, وتان­دىق مەدي­تسي­نانى دامىتۋدىڭ بۇگىنى مەن كەلەشەگى تۋ­رالى جان-جاقتى بايان­دادى. دەنساۋلىق ساق­تاۋ ءمينيسترى س.قايىربەكوۆا ەكىنشى رەت وتكى­زى­لىپ وتىرعان فو­رۋم­نىڭ ءمان-ما­عىناسىنا توقتالدى. «نازارباەۆ ۋني­ۆەرسيتەتىنىڭ» پرەزيدەنتى شيگەو كاتسۋ جيىنعا قاتىس­قانداردى شىن جۇرەكتەن قۇتتىقتاپ, ءبىلىم مەن عى­لىم­دى ۇشتاستىرا وتى­رىپ, مامان دايىنداۋ جايىن ايتتى. ەكى كۇنگە سوزىلاتىن فورۋم­نىڭ العاشقى كۇنى اقش, ەۋروپا, وڭتۇستىك شىعىس ازيا, تمد ەلدەرى­نىڭ الدىڭعى قاتارلى الەم­دىك ساراپشىلارى مەن وكىلدەرى, سونداي-اق وتاندىق ماماندار بايانداما جاساسا, ەكىنشى كۇنى سەكتسيا جۇمىستارىندا تاجىريبە ال­ما­سىپ, ادام دەنساۋلىعىن جاق­سارتۋ, اسىرەسە ءار مەملەكەتتىڭ كەلەشەگى سانالاتىن جاس ۇرپاقتىڭ بولاشاعىن كەمەلدى ەتۋ ىسىندە مەديتسينانىڭ ءرولى تۋرالى وي بولىسەدى. ءبىز تورتكۇل دۇنيەدەن كەلگەن ءبىلىمدى دە بىلىكتى ماماندارمەن تىلدەسكەنىمىزدە, ولار ومىردە ادام دەنساۋلى­عى­نان ارتىق نارسەنىڭ بولمايتىنىن اتاپ ايتتى. مى­سالى, ەۋروپادان كەلگەن كارلو رامپوني بو­لاشاق گوس­پيتالىنىڭ ينديكاتورى رەتىندەگى ساپا باعا­سى مەن ساپا­سىزدىق تۋرالى ءوز وي-بايلامدارىن ايتسا, سينگاپۋرلىق پروفەسسور پۋا كاي حۋنگ ءوز ەلىندەگى دەنساۋلىق رەفورماسى وسى­دان 25 جىل بۇ­رىن باستالعانىن, قازىر سونىڭ ناتيجەسىن كورىپ وتىر­­­عاندارىن, ەڭ باستىسى, تۇر­مى­سى تومەن ازاماتتارعا اسا كوڭىل بولىنەتىنىن, ولارعا قىزمەت كورسەتۋدىڭ كوپ جاعدايدا جەڭىل­دىكپەن اتقارىلاتىنىن العا تارتسا, اقش ازاماتى ەدۆارد مارتينەز ساپالى جانە قولجەتىمدى مە­ديتسينالىق قىزمەت كورسەتۋ جاي­ىن قوزعادى. جالپى, بۇل فورۋم­نىڭ باستى ماقساتى – وتاندىق مەديتسينانى الەمدىك وزىق ءتاجى­ريبەمەن ۇشتاستىرا وتىرىپ دا­مى­تۋ, جاڭا تەحنولوگيالاردى ءتيىمدى پايدالانۋ. سۇلەيمەن مامەت.