قالاۋلىلار – حالىق اراسىندا

جاقىندا قازاقستان پرەزيدەنتى نۇرسۇلتان نازارباەۆتىڭ بيلىك تارماقتارى اراسىندا وكىلەت­تىكتەردى قايتا ءبولۋ ماسەلەلەرى جونىندەگى ۇندەۋى جاريالانىپ, قوعامنان قىزۋ قولداۋ تاپقان بولاتىن. سونىمەن قاتار, ارتىن­شا مەملەكەت باسشىسى «قازاق­­ستاننىڭ ءۇشىنشى جاڭ­عىرۋى: جاھاندىق باسەكەگە قابى­لەت­تىلىك» تاقىرىبىندا قازاق­ستان حال­قىنا جولداۋىن جاريالادى. ماڭىزدى قۇجاتتاردا ەلباسى مەم­لەكەت ءۇشىن اسا قۇندى ماقساتتار مەن مىندەتتەردى العا تارتىپ, ەلدىڭ كەلەشەك دامۋى جولىنداعى ءوزىنىڭ وي-پىكىرلەرىن دە مالىمدەگەن ەدى. ەلباسى ۇندەۋى مەن جولداۋىن حالىققا كەڭىنەن ءتۇسىندىرۋ ماقساتىندا پارلامەنت دەپۋ­تات­تارىنان قۇرالعان اقپاراتتىق-ناسي­حاتتىق توپ تاراز قالاسىنا كەلگەن ەدى. وسىعان وراي, جامبىل وبلىسى اكىمدىگىندە اكتيۆ جيىنى ءوتتى. جيىندى وبلىس اكىمىنىڭ ءبىرىنشى ورىنباسارى بەكبولات ورىنبەكوۆ جۇرگىزىپ وتىر­دى. اۋەلى پارلامەنت ءماجىلىسىنىڭ دە­پۋتاتى ءبايدىلدا جىلقىشيەۆ ءسوز الىپ, ەلباسى ۇندەۋى جونىندە پىكىرىن ءبىلدىردى. ءوز سوزىندە حالىق قالاۋلىسى بۇدان بىلاي دا ەلىمىزدە پرەزيدەنتتىك باسقارۋ فورماسىنىڭ ساقتالاتىنىن ايتا كەلىپ, ىشكى جانە سىرتقى ساياسات, قورعانىس ماسەلەلەرى جونىندەگى ويىن جەتكىزدى. اسىرەسە, ەلباسىنىڭ الەۋمەتتىك-ەكونوميكالىق سالاعا ەرەكشە باسىمدىق بەرىپ وتىرعانىن ايتتى. سونداي-اق, ماجىلىسمەندەر قوجاحان جاباعيەۆ جانە ساكەن قانىبەكوۆ ەلباسى جول­داۋىندا ايتىلعان ماقساتتار مەن ­مىندەتتەرگە توقتالدى. جولداۋدا ايتىل­عان ءبىلىم بەرۋ, دەنساۋلىق ساقتاۋ, الەۋمەت, اۋىلشارۋاشىلىق سالالارى بويىنشا دا اڭگىمەلەدى. بۇدان كەيىن جارىسسوزگە «نۇر وتان» پارتياسى جامبىل وبلىس­تىق فيليالى توراعاسىنىڭ ورىن­باسارى شابدەن تىلەۋمۇرات, تاراز يننوۆاتسيالىق-گۋمانيتارلىق ۋنيۆەر­سيتەتىنىڭ رەك­تورى, وبلىستىق ءماسليحات­تىڭ دەپۋتاتى ەربولات ساۋرىقوۆ جانە وبلىس اكىمى اپپاراتىنىڭ «قوعامدىق كەلىسىم» كمم باس ساراپشىسى لاريسا لىسوۆا شىعىپ, ەلباسى جولداۋىنىڭ جان-جاق­تىلىعىن, ءوز كەزەگىندە اتالعان ماڭىزدى قۇجات ەل ومىرىندە ءىرى وقيعا بولعانىن اتاپ ءوتتى. پارلامەنت ءماجىلىسىنىڭ دەپۋ­تات­تارى جۇمىس ساپارىن اقپان ايى­نىڭ العاشقى ونكۇندىگىندە وبلىستىڭ اۋدان­­دارى مەن اۋىلدارىندا جالعاس­تىراتىن بولادى.  حاميت ەسامان, «ەگەمەن قازاقستان» تاراز سۋرەتتى تۇسىرگەن التىنبەك قارتاباي