سوتقا راقىمشىلىققا بايلانىستى 9,5 مىڭ ماتەريال جىبەرىلگەن

قازاقستاندا راقىمشىلىققا بايلانىستى 9,5 مىڭ ماتەريال سوت قارالىمىنا جىبەرىلگەن, دەپ حابارلايدى قر ءىىم قاج كوميتەتىنىڭ ءباسپاسوز قىزمەتى. 2017 جىلدىڭ 1 اقپانىنداعى دەرەكتەرگە سۇيەنسەك, 115 ادام بوستاندىققا شىقتى. وڭىرلەر اراسىندا بوستاندىق العاندار سانى جاعىنان قىزىلوردا, اقتوبە جانە شىعىس قازاقستان وبلىستارى الدىڭعى قاتاردا تۇر. شارتتى تۇردە جازاسىن وتەپ, پروباتسيا جۇيەسىندە ەسەپتە تۇرعان تاعى 132 ادام بوساتىلدى. مۇنداعى ۇزدىك «ۇشتىككە» قاراعاندى, شىعىس قازاقستان جانە وڭتۇستىك قازاقستان وبلىستارى ەندى. «بۇگىنگە دەيىن سوتتارعا 9,5 مىڭ ماتەريال قارالىمعا جىبەرىلگەن. ونىڭ ىشىندە قاج مەكەمەلەرىنەن سوتقا جىبەرىلگەن ەكى جارىم مىڭ ماتەريال بوساتۋدى عانا ەمەس, جازا مەرزىمىن  1/2, ¼ جانە 1/5 قىسقارتۋ جانە باس بوستاندىعىن شەكتەۋدى ايىپپۇلعا اۋىستىرۋدى كوزدەيدى. تاعى جەتى مىڭنان استام ماتەريال پروباتسيا جەلىسى ارقىلى سوتقا جىبەرىلدى. ولار قالعان جازا بولىگىن قوعامنان وقشاۋلانباي وتەۋ جانە جازانىڭ وتەلمەگەن بولىگىن قىسقارتۋدى قاراستىرادى», - دەپ حابارلادى قاج كوميتەتى.