الماتىدا كيك بويىنشا 1748 پاتەرگە قۇجات قابىلدانۋدا

2020 جىلعا دەيىنگى وڭىرلەردى دامىتۋ باعدارلاماسىنىڭ «قازاقستان يپوتەكالىق كومپانياسى» يپوتەكالىق ۇيىمى» اكتسيونەرلىك قوعامى تۇرعىن ءۇيى» باعىتى بويىنشا الماتى قالاسى تۇرعىن ءۇي جانە تۇرعىن ءۇي ينسپەكتسياسىنىڭ باسقارماسى 2017 جىلدىڭ «2» اقپانىنان «8» اقپان ارالىعىندا e-gov.kz ەلەكتروندىق ۇكىمەت ۆەب-پورتالى ارقىلى قوسىمشا وتىنىشتەر مەن قۇجاتتاردى قابىلدايدى. ەلەكتروندىق ۆەب-پورتالى ارقىلى قۇجاتتاردى وتكىزۋ ءۇشىن حالىققا قىزمەت كورسەتۋ ورتالىعىنان (حقكو) ەلەكتروندى ساندىق قولتاڭبانى (ەسق) الۋ قاجەت. «قازاقستان يپوتەكالىق كومپانياسى» يپوتەكالىق ۇيىمى» اكتسيونەرلىك قوعامى الماتى قالاسى, الاتاۋ اۋدانىنىڭ «العاباس» ىقشام اۋدانىندا ورنالاسقان 1748 ء(بىر بولمەلى-996, ەكى بولمەلى-560, ءۇش بولمەلى-192) دايىن پاتەرلەردى ساتۋ جوسپارلانعان. پاتەردىڭ ءبىر شارشى مەترى, ساتىپ الۋ ارقىلى جالعا العاندا, جالداۋ مەرزىمى – 20 جىل بولعاندا, شامامەن 1036 تەنگەنى قۇرايدى. «قازاقستان يپوتەكالىق كومپانياسى» يپوتەكالىق ۇيىمى» اكتسيونەرلىك قوعامى تۇرعىن ءۇيى» باعىتى بويىنشا – جەرگىلىكتى اتقارۋشى ورگاندا كەزەكتە تۇرعاندار, «تۇرعىن ءۇي قاتىناستارى تۋرالى» زاڭنىڭ 67-بابىنىڭ 1-تارماعىنىڭ 1-1), 2), 3) تارماقشالارىندا كورسەتىلگەن تۇلعالار ساناتىنا جاتاتىندار, اتاپ ايتقاندا: كوپ بالالى وتباسىلار; تولىق ەمەس وتباسىلار; مۇگەدەك بالالارى بار نەمەسە تاربيەلەپ وتىرعان وتباسىلار; جەتىم بالالار, اتا-اناسىنىڭ قامقورلىعىنسىز قالعان بالالار; ورالماندار; مەملەكەتتiك قىزمەتشiلەر, اسكەري قىزمەتشىلەر, ارناۋلى مەملەكەتتىك ورگانداردىڭ قىزمەتكەرلەرى, بيۋدجەتتiك ۇيىمداردىڭ قىزمەتكەرلەرi; 1 جانە 2-ءشى توپتاعى مۇگەدەكتەر. اتالعان باعىتتىڭ قاتىسۋشىلارىن قالىپتاستىرۋ مىناداي كىشى توپتار مەن كريتەريلەر بويىنشا جۇرگىزىلەدى: 1-كىشى توپ – جەرگىلىكتى اتقارۋشى ورگاندا وسى ساناتتا كەزەكتە تۇرعاندار, كەمىندە 3 جىل نەكەدە تۇرعان, بالالارى (بالاسى) بار جانە جۇبايلاردىڭ ەكەۋىنىڭ دە جاسى 35 جاسقا تولماعان (باعدارلاماعا قاتىسۋعا ءوتىنىش بەرۋ ساتىندە), سونداي-اق بالالاردى (بالاسى) جاسى 35-كە تولماعان, ونىڭ ىشىندە اجىراسقان, جەسىر/تۇل قالعان اتا-انانىڭ ءبىرى عانا تاربيەلەپ وتىرعان تولىق ەمەس وتباسى; 2-كىشى توپ – 1-كىشى توپقا كىرمەيتىن, كورسەتىلگەن ساناتتاعى جەرگىلىكتى اتقارۋشى ورگاندا كەزەكتە تۇرعاندار. بولىنەتىن تۇرعىن ءۇي نورمالارى: 1-كىشى توپ قاتىسۋشىلارى ءۇشىن 50 % ; 2-كىشى توپ قاتىسۋشىلارى ءۇشىن 50 %. باعدارلاماعا قاتىسۋشىلارعا قويىلاتىن نەگىزگى تالاپتار 1) زاڭعا سايكەس تۇرعىن ۇيگە مۇقتاجدار ەسەبىنە تۇرعانىن جانە تۇرعىن ۇيگە مۇقتاج مارتەبەسىن راستاۋ; 2) باعدارلامانىڭ 3-كىشى ءبولىمنىڭ 1-تارماعىندا كورسەتىلگەن تۇرعىن ءۇيدى ساتۋ تالاپتارى بويىنشا مىندەتتەمەلەردى ءتيىستى كىرىستەرمەن ورىنداۋ مۇمكىندىكتەرىن راستاۋ. ادام باسىنا پايدالى الاڭىنىڭ كولەمى كەمىندە ون بەس شارشى مەتر جانە ون سەگىز شارشى مەتردەن اسپايتىن, بىراق كەمىندە ءبىر بولمەلى پاتەر نەمەسە جاتاقحاناداعى بولمە بولعان كەزدە تۇرعىن ءۇي جاعدايىن جاقسارتۋ ماقساتىمەن تۇرعىن ۇيگە مۇقتاجدار ەسەبىندە تۇرعان ادامدار ءى توپ رەتىندە باعدارلاماعا قاتىسۋعا جىبەرىلمەيدى. باعدالامانىڭ نەگىزگى تالاپتارىنا سايكەس كەلەتىن ۇمىتكەرلەر پاتەردىڭ بەلگىلى ءبىر تۇرىنە ءوتىنىش پەن مىناداي قۇجاتتاردى تاپسىرادى: 1) ءوتىنىش بەرۋشى مەن ونىڭ وتباسى مۇشەلەرىنىڭ جەكە باسىن كۋالاندىراتىن قۇجات; 2) نەكە قيۋ (نەكەنى بۇزۋ), جۇبايىنىڭ/زايىبىنىڭ قايتىس بولۋى تۋرالى, بالالارىنىڭ تۋ تۋرالى كۋالىكتەرى, ءوتىنىش بەرۋشىنىڭ نەكەدە تۇرمايتىندىعى تۋرالى ءوتىنىش; 3) ءوتىنىش بەرۋشىنىڭ جانە ونىمەن ۇنەمى بىرگە تۇراتىن وتباسى مۇشەلەرىنىڭ قازاقستان رەسپۋبليكاسىنىڭ اۋماعى بويىنشا مەنشىك قۇقىعى بار ءۇيىنىڭ نەمەسە كەيىننەن ساتىپ الۋ قۇقىعىمەن جالعا بەرىلەتىن تۇرعىن ءۇيدىڭ بولۋى نەمەسە بولماۋى تۋرالى انىقتاما; 4) ءوتىنىش بەرۋشىنىڭ جانە ونىمەن ۇنەمى بىرگە تۇراتىن وتباسى مۇشەلەرىنىڭ ءتيىستى ەلدى مەكەندە تۇراتىنىن راستايتىن تۇرعىلىقتى جەرى بويىنشا تىركەلگەنى تۋرالى مەكەنجاي انىقتاماسى; 5) ءوتىنىش بەرۋشىنىڭ جۇمىس ورنىنان انىقتاماسى; 6) وتباسى مۇشەلەرىنىڭ مۇگەدەكتىگىن نەمەسە كەيبىر سوزىلمالى اۋرۋلاردىڭ اۋىر ءتۇرىنىڭ بولۋىن راستايتىن انىقتاما; 7) باعدارلاماعا قاتىسۋعا ءوتىنىش بەرگەن ساتتە كەزەكتىلىك ءنومىرىن كورسەتە وتىرىپ, تۇرعىن ۇيگە مۇقتاجداردىڭ ەسەبىنە قويۋ تۋرالى انىقتاما; 8) ءوتىنىش يەسىنىڭ تابىستار العانىن راستايتىن انىقتاما. باعدارلاماعا قاتىسۋشىلاردى ىرىكتەۋ ساتىلاتىن پاتەرلەردىڭ سانىنا سايكەس جۇرگىزىلەدى. ءوتىنىش بەرۋشىنىڭ ءتيىستى تابىسى راستالماعان جاعدايدا, باعدارلامانىڭ ءتيىستى باعىتىنداعى الدىن الا تىزىمنەن كەلەسى ءوتىنىش بەرۋشىلەردەن ىرىكتەۋ جۇرگىزىلەدى. باعدارلاما باعىتتارى شەگىندە ساتىپ الۋ قۇقىعىمەن جالعا الۋ ارقىلى تۇرعىن ءۇي العان باعدارلاماعا قاتىسۋشىلار تۇرعىن ۇيگە مۇقتاجدار ەسەبىنەن الىنادى.