1 اقپاندا قىزىلوردادا وبلىس اكتيۆىنىڭ وتىرىسى ءوتىپ, وندا مەملەكەت باسشىسىنىڭ قازاقستان حالقىنا جىل سايىنعى جولداۋىندا بەلگىلەنگەن باسىمدىقتار بويىنشا ايماقتى ودان ارى دامىتۋ ماسەلەلەرى تالقىلاندى. قىزىلوردا وبلىسىنىڭ اكىمى قىرىمبەك كوشەرباەۆ وڭىردە ءساتتى جۇزەگە اسىرىلعان باعدارلامالار جايلى بايانداپ, جولداۋ باسىمدىقتارىنان تۋىندايتىن الداعى مىندەتتەرگە كەڭىرەك توقتالدى.
«مەملەكەت باسشىسى ەكونوميكانىڭ تولىققاندى درايۆەرى رەتىندە قۇرىلىس سەكتورىن ودان ءارى دامىتۋدىڭ مىندەتىن قويىپ وتىر. ءتيىمدى تۇرعىن ءۇي ساياساتىنىڭ ناتيجەسىندە العاش رەت 2016 جىلى قىزىلوردا وبلىسىندا جارتى ميلليون شارشى مەتردەن استام تۇرعىن ءۇي سالىندى. 15 مىڭعا جۋىق جەر تەلىمدەرىنە ءبىر جارىم مىڭ شاقىرىمعا تاياۋ ينجەنەرلىك جۇيەلەر تارتىلدى. ينجەنەرلىك-كوممۋنيكاتسيالىق ينفراقۇرىلىمدى تارتۋ جونىندەگى اۋقىمدى جۇمىستار كوپ جىلداردان كەيىن تۇڭعىش رەت وبلىس اۋداندارىندا دا قولعا الىندى», – دەدى ق.كوشەرباەۆ.
ءوڭىر باسشىسىنىڭ ايتۋىنشا, ءبىلىم بەرۋ جاڭا ەكونوميكالىق ءوسۋدىڭ ورتالىق بۋىنى بولۋى ءتيىس. وبلىس اكىمى مەكتەپكە دەيىنگى ءبىلىم بەرۋ سالاسىندا 3-6 جاس ارالىعىنداعى بالالارعا تاربيە مەن ءبىلىم بەرۋدى تولىعىمەن قامتۋ تۋرالى مەملەكەت باسشىسىنىڭ تاپسىرماسىن قىزىلوردا وبلىسى 2015 جىلى مەرزىمىنەن بۇرىن ورىنداعانىن اتاپ ءوتتى.
«بۇعان وڭىردە مەملەكەتتىك-جەكەمەنشىك سەرىكتەستىكتى دامىتۋدىڭ ارقاسىندا قول جەتكىزىلدى. بۇگىنگى تاڭدا وبلىستاعى بالاباقشالاردىڭ 70 پايىزدان استامى وسى جۇيەمەن جۇمىس ىستەيدى. ەگەردە مەملەكەت 10 جىل ىشىندە 37 بالاباقشا سالىپ بەرسە, سوڭعى ءۇش جىلدىڭ وزىندە جەكە سەكتور 380-نەن ارتىق بالاباقشا اشتى. قىزىلوردا وبلىسىنىڭ جاعىمدى تاجىريبەسىن مەملەكەت باسشىسى ءوز جولداۋىندا اتاپ ءوتتى», – دەدى اكىم.
ستراتەگيالىق قۇجاتتىڭ باسقا دا باسىمدىقتارى بويىنشا اۋقىمدى جۇمىستار اتقارىلدى. مىسالى, بيزنەس ورتانى تۇبەگەيلى جاقسارتۋ جانە كەڭەيتۋ اياسىندا وبلىستا كاسىپكەرلىك ءۇيى سالىنىپ, ءبىر اي بۇرىن كاسىپكەرلەرگە قىزمەت كورسەتۋ ورتالىعى جۇمىسىن باستادى.
وتكەن جىلى كۇرىشتەن الىنعان رەكوردتىق ءونىم, وڭدەۋ ونەركاسىبىنىڭ قارقىندى دامۋى – ايماقتاعى وڭ وزگەرىستەردىڭ ايقىن دالەلى.
وبلىس اكىمى بايانداماسىنىڭ سوڭىندا مەملەكەت باسشىسىنىڭ جولداۋىن جۇزەگە اسىرۋ بويىنشا بىرقاتار ناقتى تاپسىرمالار جۇكتەدى.
