ەكسپو-2017 الەۋمەتتىك جاعىنان از قامتىلعاندارعا قولجەتىمدى بولۋى قاجەت - تاسماعامبەتوۆ

قر پرەمەر-ءمينيسترىنىڭ ورىنباسارى يمانعالي تاسماعامبەتوۆتىڭ توراعالىعىمەن «ەكسپو-2017» حالىقارالىق مامانداندىرىلعان كورمەسى اياسىندا مادەني باعدارلامانى ساپالى دايىنداۋ جانە وتكىزۋ ماسەلەلەرى جونىندە كەڭەس ءوتتى. وسىدان بۇرىن بەرىلگەن تاپسىرماعان سايكەس, مادەنيەت جانە سپورت مينيسترلىگى, استانا قالاسىنىڭ اكىمدىگى جانە «استانا ەكسپو-2017» ۇك» اق بىرلەسىپ كورمە وتەتىن كەزەڭدەگى مادەني باعدارلامانى جوعارى دەڭگەيدە ۇيىمداستىرۋ ماسەلەلەرى جونىندەگى ۇيلەسىمدى جۇمىستى كۇشەيتتى. سونىمەن قاتار, دەلەگاتتار مەن قوناقتاردىڭ كەلۋى بويىنشا ۇيىمداستىرۋشىلىق سۇراقتار ءجىتى باقىلاۋعا الىندى. وسىعان وراي, كەڭەس بارىسىندا ۆيتسە-پرەمەر استانا قالاسىنىڭ اكىمدىگى ەلوردانىڭ ينجەنەرلىك-كولىكتىك ينفراقۇرىلىمىن ەگجەي-تەگجەيلى زەردەلەۋ قاجەت ەكەنىنە توقتالدى. تارقاتىپ ايتساق, جولداعى جۇكتەمەنى ازايتۋ ماقساتىندا كولىك اعىمىن مودەلدەۋ بويىنشا قولايلى نۇسقالاردى ەسەپتەۋ, قوناقتاردىڭ كەلۋى جانە ولاردىڭ قاۋىپسىز ورنالاسۋى بويىنشا ۇيىمداستىرۋشىلىق سۇراقتاردى پىسىقتاۋ, قوناق ءۇي جانە باسقا دا مىندەتتەرگە جۇمىلۋى ءۇشىن وتەتىن شارالاردى بارىنشا قىسقارتۋعا باسىمدىق بەردى. سونداي-اق, قازاقستاننىڭ مادەنيەت پەن سپورتتاعى جەتىستىكتەرىن تانىتۋ ماقساتىندا شەتەلدىك جوبالاردى ازايتۋ جانە ۇلتتىق برەندتى ناسيحاتتاۋ قاجەتتىگى ايتىلدى. «ەڭ ماڭىزدىسى, ءبىز مىندەتتى تۇردە تۇرعىنداردىڭ الەۋمەتتىك از قامتىلعان توبىنا تەگىن بيلەت تاراتۋ ماسەلەسىن پىسىقتاۋىمىز قاجەت. ولار وسىناۋ اۋقىمدى شاراعا دايىندالعان كولەمدى ءارى قىزىقتى رەپەرتۋاردى تىكەلەي وزدەرى تاماشالاپ, كورۋ مۇمكىندىگىنە يە بولۋى ءتيىس. مىنە, وسى سۇراقتى ەرەكشە باقىلاۋعا الۋىمىز شارت. اسىرەسە, بۇل قالانىڭ جانە مادەنيەت مينيسترلىگىنىڭ اياسىندا وتەتىن شارالاردا ەسكەرىلۋى كەرەك», - دەدى قر پرەمەر-ءمينيسترىنىڭ ورىنباسارى يمانعالي تاسماعامبەتوۆ. بۇگىنگى تاڭدا قر مادەنيەت جانە سپورت مينيسترلىگى استانا قالاسى اكىمدىگىمەن جانە «استانا ەكسپو-2017» ۇك» اكتسيونەرلىك قوعامىمەن بىرلەسىپ مادەني-تانىمدىق جانە سپورتتىق شارالاردىڭ كەشەندى باعدارلاماسىن بەكىتتى. اتاپ ايتقاندا, قازاقتىڭ ءداستۇرلى ونەرىن كورسەتۋ, تەاترلىق-بۇقارالىق شارالار, حالىقارالىق جوبالار, كورمەلەر, سپورتتىق جانە اعارتۋشىلىق-تاقىرىپتىق شارالار. سونىمەن قاتار, وسى باعىتتاعى بارلىق قۇرىلىمداردى تياناقتى ۇيلەستىرۋ ءۇشىن شتاب قۇرىلدى. ول استانا قالاسى اكىمدىگىنىڭ كونۆەشن بيۋروسى جانە «استانا ەكسپو-2017» ۇك» اكتسيونەرلىك قوعامى شتابىمەن تىعىز بايلانىستا بولادى. ايتا كەتەيىك, «ەكسپو-2017» حالىقارالىق مامانداندىرىلعان كورمەسى اياسىندا دەمەۋشىلىك قاراجات ەسەبىنەن لا سكالا تەاترىنىڭ گاسترولىن, «قىتاي يمپەراتورى تسين شي ءحۋانديدىڭ تەرراكوتتان جاسالعان اسكەرى مادەني ەسكەرتكىشىنىڭ» كورمەسىن, ماريندىك تەاترىنىڭ گاسترولىن, «پلاسيدو دومينگو وپەرالياسى» حالىقارالىق جاس ۆوكاليستەر بايقاۋىنىڭ فينالىن وتكىزۋ, سونداي-اق, ەجەلگى مىسىردىڭ ارحەولوگيالىق جادىگەرلەرى كورمەسىن ۇيىمداستىرۋ جوسپارلانعان.