ن.نىعماتۋلين: قازاقستاننىڭ وركەندەۋ تاريحىنداعى ماڭىزدى بەلەس

پارلامەنت ءماجىلىسىنىڭ توراعاسى نۇرلان نىعماتۋلين پالاتانىڭ بۇگىنگى جالپى وتىرىسىن ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا ارناعان جولداۋىنان باستادى, دەپ حابارلادى ءماجىلىستىڭ ءباسپاسوز قىزمەتى. جولداۋدىڭ كەشە عانا بار­لىق اق­پارات قۇرالدارىندا جارىق كور­گەنىن العا تارتقان ن.نىع­ما­تۋلين: – پرەزيدەنت نۇرسۇلتان ءابىش ۇلى نازارباەۆتىڭ جولداۋى – ەلى­مىزدىڭ تاريحي بەلەسىن باستا­عان وتە ماڭىزدى قۇجات. وندا ەلباسىمىز قازاقستان دامۋىنىڭ جاڭا باعىتتارىن بەلگىلەپ بەردى. وسى كەزەڭدە, اسىرەسە, ۇلتتىق ەكونوميكانى كوتەرۋگە ەرەكشە كوڭىل ءبولىندى. بۇل ەڭ الدىمەن حالىقتىڭ الەۋمەتتىك جاعدايىن كۇشەيتۋگە ىقپال ەتەدى, – دەدى. سپيكەر اتاپ وتكەندەي, جول­داۋ زاڭ شىعارۋ ورگانىنىڭ الدا­عى ناقتى ماقساتتارىن كور­سەتۋمەن قاتار, «100 ناقتى قادام» ۇلت جوسپارى اياسىندا «قازاق­ستان-2050» ستراتەگياسىن ءناتي­جەلى جۇزەگە اسىرۋ ءۇشىن بارشا قا­زاقستاندىقتاردى ءبىر ماقسات­قا بىرىكتىرەتىن قۋاتتى كۇشكە يە. دەپۋتاتتىق كورپۋستىڭ الدىندا تۇرعان ەندىگى باستى مىندەت – ماڭىزدى قۇجاتتى ەلىمىزدىڭ ءاربىر ازاماتىنا, ءاربىر وتباسىنا جەتكىزىپ, ءتۇسىندىرۋ. كەڭ كولەمدى ناسيحات جۇمىستارىن قولعا الۋ. وسىعان بايلانىستى ءماجىلىس دەپۋتاتتارى بارلىق ايماقتاردى ارالاپ, حالىقپەن كەزدەسۋگە شىعادى.