جاۋاپتى مىندەتتەر – جاسامپازدىق كەپىلى

ەلباسى نۇرسۇلتان نازارباەۆتىڭ قا­زاق­ستان حالقىنا كەزەكتى جولداۋى ەلىمىزدى ەكونو­ميكالىق تۇرعى­دان دامىتۋدى جال­عاستىرۋ ماسەلەسىنە ارنالدى. بۇل – بۇگىنگى كۇننىڭ وزەكتى ماسەلەسى. ويتكەنى, سوڭعى جىلدارداعى «سانكتسيالار سوعىسى» سياقتى كەلەڭسىز اسەرلەردىڭ سالدارىنان ەنەرگەتيكالىق رەسۋرستاردىڭ باعاسى قۇلدىراپ, ەكونوميكانىڭ ءوسۋى ءبىرشاما باياۋلاعان ەدى. ەندى, مىنە, ەلباسى وسىنداي كەلەڭسىزدىكتەردى ەڭسەرۋ جولدارىن كورسەتىپ بەردى. سونىڭ ىشىندە ءىت تەحنولوگيالاردى وندىرىسكە ەنگىزۋ ارقىلى ەڭبەك ونىمدىلىگىن ارتتىرىپ, جوعارى كورسەتكىشتەرگە قول جەتكىزۋگە بولاتىنى اتاپ ايتىلدى. بۇل بۇرىن دا ايتىلىپ جۇرگەن ماسەلەلەر بولعانىمەن, ەن­دى سولار جاڭا كۇش­پەن, جاڭا باستاما­شىلىقپەن قولعا الىنار دەگەن ءۇمىت بار. سونىمەن قاتار, ەلباسى قورعانىس پەن قاۋىپسىزدىك ماسەلەسىن نىعايتۋ كەرەكتىگىن دە اتاپ ءوتتى. ءتۇرلى قاتەرلەرگە قارسى ارەكەت ەتەتىن الەۋەتتى كۇشتەرىمىزدى دامىتۋ مەن قورعانىس قابىلەتىمىزدى ارتتىرۋ ەشقاشان دا ەلباسىنىڭ نازارىنان تىس قالعان ەمەس. ەلباسى «قازاقستان-2050» دامۋ ستراتەگياسىن قايتا جاڭعىرتىپ, وعان تىڭ سەرپىن بەرۋ كەرەكتىگىن دە ۇكىمەتكە جۇكتەپ وتىر. الدىڭعى قاتارلى دامىعان 30 ەلدىڭ قاتارىنا ەنۋ جوسپارى دا جاڭعىرتىلىپ, ونى جاڭا كۇشپەن ىلگەرىلەتۋ مىندەتى دە ايتىلدى. پرەزيدەنتتىڭ سوزىندەگى وزىمە قاتتى اسەر ەتكەن نارسەلەردىڭ قاتارىندا اعىلشىن ءتىلىن مەڭگەرۋدىڭ تىڭ سەرپىن الاتىندىعى بولدى. ەلباسى جوعارى سىنىپ وقۋشىلارى اعىلشىن ءتىلىن ەركىن مەڭگەرىپ, ونىمەن تازا سويلەيتىن دارەجەگە جەتۋى كەرەكتىگىن العا تارتتى. بارلىق ەكونوميكالىق جاڭالىقتار, وزىق تاجىريبەلەر مەن جاڭاشىلدىقتار وسى تىلدە بولعاندىقتان, ونى ورىس تىلىنەن اۋدارماي بىردەن ۇعۋ – قازىرگى جاستاردىڭ الدىنا مىندەت ەتىپ قويىلىپ وتىر. مەنىڭشە, بۇل ورىندى تالاپ, ويتكەنى, قازىر بۇكىل الەم ءبىر-بىرىمەن اعىلشىن تىلىندە سويلەسەدى. اباي تاسبولاتوۆ, پارلامەنت ءماجىلىسىنىڭ دەپۋتاتى