ۇرپاق تاربيەسىنە ەرەكشە توقتالعان

اسا قامقور ەرەكشە مەيىرىمدى اللانىڭ اتىمەن باستايمىن! ەلباسىنىڭ «قازاق­ستان­نىڭ ءۇشىنشى جاڭعىرۋى: جا­ھاندىق باسەكەگە قابى­لەت­تىلىك» اتتى حالىققا جول­داۋىندا ەل ەكونوميكاسىن وركەندەتىپ قانا قويماي, ءبىلىمدى دامىتۋ, رۋحانياتىمىزدى جاڭعىرتۋ, قاۋىپسىزدىك شارالارىن كۇشەيتۋ, ءدىني ەكسترەميزمنىڭ الدىن الۋ, قىلمىستىق جازاسىن وتەپ جاتقان ازاماتتاردى تەولوگيالىق تۇرعىدان ساۋاتتاندىرۋ ماسەلەلەرى ايتىلدى. مەملەكەت باسشىسى وسكەلەڭ ۇرپاقتى ءوز بەتىمەن ىزدەنۋگە ۇندەپ, وسى باعىتتا وقىتۋ باعدارلامالارىن جەتىلدىرۋدى تاپسىردى. سونىمەن قاتار, زاماناۋي تەحنيكالىق ءبىلىمدى, قارجىلىق ساۋات­تىلىقتى, ۇلتجاندىلىقتى دامىتۋعا باسا كوڭىل ءبولۋ قاجەتتىگىن ءسوز ەتتى. ەلباسى حالىققا جول­داۋىندا: «ءدىني ەكسترەميزم­دى ناسيحاتتاۋدىڭ الدىن الۋ, اسىرەسە ينتەرنەت پەن الەۋ­مەتتىك جەلىدە ونىڭ جولىن كەسۋ جۇمىسىن ءجۇر­گى­زۋ كەرەك», دەپ اتاپ ءوتتى. راسىندا, كەيبىر ازا­مات­­تاردىڭ ءدىني تەرىس ماعلۇ­مات­تاردى شەتەلدىك سايتتاردان الىپ, شەتەلدىك عالىم­دار­دىڭ پاتۋاسىمەن ءجۇرۋدى اڭسايتىنى جاسىرىن ەمەس. «جيھاد» ۇعىمىن دۇرىس تۇسىنبەي, قارۋ ۇستاپ, شەت ەل اسىپ جاتقان كەيبىر جاستاردىڭ شەتەل­دىك سايتتار مەن الەۋمەتتىك جەلى­لەردەن ءدىني ءبىلىم الاتىنى بەلگىلى بولىپ وتىر. وسى تۇرعىدان العاندا, ەلبا­سىنىڭ عالامتور ارقىلى ءدىني مازمۇندا تەرىس مالىمەتتەر تاراتاتىن اقپارات كوزدەرىنىڭ جولىن كەسۋ تۋرالى ءسوزى دەر كەزىندە كوتەرىلگەن ماسەلە دەر ەدىم. جولداۋدا مەملەكەت باسشىسى وسكەلەڭ ۇرپاقتى ۇلتجاندىلىققا تاربيەلەۋ قاجەتتىگىن باسا ايتتى. بۇل – اسا ماڭىزدى ءىس. ويتكەنى, ۇلتجاندى ازامات ءوز ۇلتى مەن وتانىنا, دىنىنە قيانات جاسامايدى. ءبىز, ءتۇرلى سالانىڭ جەتەكشىلەرى حالىقتىڭ بىرلىگى مەن ىنتىماعىنا سىزات تۇسىرەتىن كەز كەلگەن قوعامدىق ب ۇلىككە جول بەرمەۋىمىز قاجەت. تەرروريزم مەن ەكسترەميزمگە ءبىرتۇتاس حالىق بولىپ قارسى تۇرۋىمىز كەرەك. نۇرسۇلتان ءابىش ۇلى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا وسكەلەڭ ۇرپاقتى رۋحاني-ادامگەرشىلىك رۋحىندا تاربيەلەۋ ءۇشىن قوسىمشا قادامدار جاساۋ جانە بۇل ىسكە ءدىني بىرلەستىكتەردى بەلسەندى تۇردە تارتۋ قاجەتتىگىنە ەرەكشە توقتالدى. راسىندا, بۇگىنگى اعا بۋىن مەن ولاردىڭ ءىزىن باسىپ كەلە جاتقان ورتا بۋىن وكىلدەرىنىڭ نەگىزگى ميسسياسى – جاستاردىڭ كوكىرەك كوزىن اشۋ, رۋحاني دۇنيەتانىمىن بايىتۋ جانە ولاردا مەملەكەتشىل ءارى ۇلتجاندى ۇرپاق ساباقتاستىعىن قالىپتاستىرۋ. مەكتەپ مۇعالىمى بالاعا ساباق بەرۋمەن قاتار, ونى ىزگىلىككە باۋلىسا, اتا-انا ۇلى مەن قىزىنىڭ تاربيەسىن ءجىتى قاداعالاسا, ءدىن قىزمەتكەرلەرى كور­كەم ۋاعىزدارىمەن يماندىلىققا ۇيىت­سا, قاريالارىمىز بەن زيالى قاۋىم وكىل­دەرى ءتالىمىن ايتسا, وسكەلەڭ جاستار كور­گەنى مەن ەستىگەنىنە امال ەتەتىن بولادى. ورەسى بيىك, پايىمى كەڭ, سالماقتى, بايىپتى, يماندى ۇرپاق ۇلتتىڭ ۇلى ماقساتى مەن مۇراتىن ورىنداۋعا ۇلكەن ۇلەس قوسپاق. حالىققا جولدانعان قۇجاتتا كور­سەتىلگەن تاپسىرمالار مەن مىندەتتەردى جۇرت بولىپ جۇمىلىپ, جۇزەگە اسىرۋى­مىز قاجەت. اللا تاعالا ەلىمىزگە اماندىق, جۇرتىمىزعا تىنىشتىق, حالقىمىزعا بىرلىك پەن بەرەكە ءناسىپ ەتكەي! ءاۋمين! ەرجان قاجى مالعاجى ۇلى, قازاقستان مۇسىلماندارى ءدىني باسقارماسىنىڭ توراعاسى, باس ءمۇفتي