«بىرلىك» ساياسي پارتياسىنىڭ ۇندەۋى

«بىرلىك» پارتياسى مەملەكەت باسشىسى ن.نازارباەۆتىڭ حالىققا ارناعان جولداۋىندا ايتىلعان جاڭعىرتۋ باستاماسىن تولىق قولدايدى. ويتكەنى, ەكونوميكالىق وسىمدەگى جاڭا ۇلگىلەردىڭ قالىپتاسۋى قازاقستاننىڭ ءۇشىنشى جاڭعىرۋىنداعى باستى باسىمدىقتار بولىپ تابىلادى. ەلباسىمىز ءوز جولداۋىندا بۇل «جاڭعىرتۋ» – اعىمداعى جاھاندىق ماسەلەلەرمەن كۇرەسۋ جوسپارى ەمەس, «2050» ستراتەگياسى ماقساتتارىن جۇزەگە اسىرۋ مەن بەس ينستيتۋتتىق رەفورما اياسىندا «100 ناقتى قادام» ۇلت جوسپارىنىڭ تالاپتارىن ورىنداي وتىرىپ, بولاشاققا جەتەلەيتىن سەنىمدى كوپىر بولىپ تابىلاتىندىعىن اتاپ ءوتتى. قازاقستاننىڭ ەكونوميكالىق ءوسۋ قار­قىنى مەن تۇراقتى دامۋىن قامتا­ماسىز ەتىپ, الەمدەگى دامىعان 30 ەل­دىڭ قا­تارىنا ەنۋى ءۇشىن ۇكىمەت «قازاق­ستان­نىڭ ۇلتتىق تەحنولوگيالىق باستا­ما­­­لارى» – 2025 جىلعا دەيىنگى ستراتە­گيا­­لىق دامۋ جوسپارىن جاسايتىن بولدى. بۇل جولداۋدا بارلىق مەملەكەتتىك ورگاندار مەن ازاماتتىق قوعام ينستيتۋتتارىنان يننوۆاتسيانى كەڭ اۋقىمدا قولداۋ مەن شيكىزاتسىز ەكسپورت كولەمىن ۇلعايتۋدى, ەڭبەك نارىعىن جاڭعىرتۋدى, شاعىن جانە ورتا بيزنەس تەتىكتەرىن كەڭەيتۋدى ناقتى تالاپ ەتۋدى كۇشەيتۋ كوزدەلەدى. سونداي-اق, «بىرلىك» پارتياسى ادامنىڭ ساپالىق الەۋەتىن دامىتۋعا بايلانىستى وزەكتى ماسەلەلەردىڭ جولداۋدا ايتىلعانىنا ەرەكشە قولداۋ بىلدىرەدى. اسىرەسە, ءبىلىم بەرۋ سالاسى ەكونوميكالىق ءوسۋدىڭ جاڭا ۇلگىسى رەتىندە باستى نازاردا تۇرماق. ال ءۇش ءتىلدى قوعام نەگىزىنىڭ قالىپتاسۋىندا مەملەكەتتىك ءتىلدىڭ دامۋ دەڭگەيى جاڭا قارقىن الادى دەپ كۇتىلۋدە. پارتيا كەڭەسىنىڭ قورىتىندىسىندا «بىرلىك» پارتياسى قازاقستان حالقى مەن قازاقستاندىقتاردى مەملەكەت باس­شىسىنىڭ جولداۋىن تولىق قولداۋعا جانە ونىڭ جۇزەگە اسىرۋدا بەلسەندى بو­لۋعا شاقىرادى. «بىرلىك» ساياسي پارتياسى