ۇندەۋ – دەموكراتيالىق قوعامنىڭ كەپىلى

الماتىداعى دوستىق ۇيىندە قازاقستان حالقى اسسامبلەياسىنىڭ ۇيىمداستىرۋىمەن پرەزيدەنت نۇرسۇلتان نازارباەۆتىڭ قازاقستان حالقىنا ۇندەۋىن تالقىلاۋ ماقساتىندا جينالىس ءوتتى. وعان قازاقستان حالقى اسسامبلەياسىنىڭ مۇشەلەرى, رەسپۋبليكالىق جانە قالالىق ەتنومادەني بىرلەستىكتەردىڭ جەتەكشىلەرى مەن وكىلدەرى قاتىستى. قازاقستان حالقى اسسامبلەياسى توراعاسىنىڭ ورىنباسارى لەونيد پيتالەنكو مودەراتورلىق ەتكەن وتى­رىستا «باربانگ» كۇردتەر قاۋ­ىم­­داستىعىنىڭ جەتەكشىسى كنياز ميرزوەۆ, الماتى قالالىق  قازاقستان حالقى اسسامبلەياسىنىڭ جەتەكشىسى قازبەك مامسۋروۆ, «احىسكا» تۇرىك ءبىر­لەستىگى جەتەكشىسىنىڭ ورىنباسارى شاحيسمايل اسيەۆ, الماتى قالالىق كورەي  ۇلتتىق بىرلەستىگى باسشىسىنىڭ ورىنباسارى گەورگي كان جانە الماتى قالالىق ءماس­لي­حا­تى­نىڭ دەپۋتاتى نۋريا نيازوۆا ءسوز ءسوي­لەپ, ۇندەۋدىڭ ءار بولىمىنە جەكە-جە­كە توقتالدى. ءسوز العان بارلىق قاتىسۋشى ۇندەۋدىڭ قازاقستانداعى بارلىق ۇلت وكىلدەرى ءۇشىن ماڭىزدى ەكەنىن اتاپ كورسەتتى. كنياز ميرزوەۆ: «ءبىز ەلباسىنىڭ ۇندەۋىن تالقىلاۋ ءۇشىن ەمەس, تالداۋ ءۇشىن جينالىپ وتىرمىز. سەبەبى, بۇل – بىزگە دەيىن دە جەتى رەت ولشەنىپ, ءبىر رەت كەسىلگەن, تىڭعىلىقتى ويلاس­تىرىپ بارىپ شىعارىلعان شەشىم. ءبىزد­ىڭ مىندەتىمىز قاراپايىم حالىققا جان-جاقتى ءتۇسىندىرىپ قازاقستان حالقى اسسامبلەياسىنىڭ اتىنان قولداۋ ءبىلدىرۋ», – دەدى. «ءبىز – ۇلكەن ءبىر وتباسىنىڭ ءمۇ­شە­لەرىمىز, – دەدى قازاقستان حال­قى اسسامبلەياسى توراعاسىنىڭ ورىن­باسارى لەونيد پيتالەنكو. – ءتاۋ­ەل­سىزدىك العان 25 جىلدىڭ ىشىندە تاتۋ­لىعىمىزعا سىزات تۇسىرمەي, قان­داي سىن ساعاتتا دا بىرلىگىمىزدەن اجى­راماي كەلە جاتىرمىز. سونىڭ ارقاسىندا ىشكى, سىرتقى ساياساتى مىعىم مەملەكەت قۇرا بىلدىك. دەمەك, ەلباسىنىڭ بۇل شەشىمى دە جالپى حالىق تاراپىنان ءبىراۋىزدان قولداۋ تاباتىنى ءسوزسىز. الەم وزگەرىپ جاتىر, جاڭا زامان ءبىزدىڭ دامىپ كەلە جاتقان جاس مەملەكەتىمىزدەن جاڭا قادامدار, باتىل شەشىمدەر تالاپ ەتەدى. بۇل رەفورمانىڭ ماقساتى دا بۇگىنگى ۋاقىت سۇرانىسىنا جاۋاپ بەرۋ». لەونيد نيكولاەۆيچ جيىن سو­ڭىن­دا ۇندەۋدى ءبىراۋىزدان قولداي وتىرىپ, ۇسىنىستار مەن تىلەك-تالاپتار بول­سا ەسكەرىلەتىنىن, سونىڭ نەگىزىندە قازاقستان حالقى اسسامبلەياسى اتى­نان قاۋلى قابىلداناتىنىن ەس­كەرتتى. الماس ءنۇسىپ, «ەگەمەن قازاقستان» الماتى