سەناتور ەلشىلەرمەن كەزدەستى

پارلامەنت سەناتى حالىق­ارا­لىق قاتىناستار, قورعانىس جانە قا­ۋىپ­سىزدىك كوميتەتىنىڭ ءتورايىمى داريعا نازارباەۆا جاپونيانىڭ قازاقستانداعى توتەنشە جانە وكى­لەتتى ەلشىسى يتيرو كاۆاباتامەن كەز­­دەستى, دەپ حابارلادى وسى پالا­تا­نىڭ ءباسپاسوز قىزمەتى. كەزدەسۋدە سەناتور مەملەكەت باس­شىسىنىڭ وتكەن جىلعى قا­را­شاداعى جاپونياعا رەسمي ساپا­رى­نىڭ ناتيجەلى ءارى مازمۇندى بول­عانىن اتاپ ءوتتى. ال ي.كاۆاباتا قازاقستان مەن جاپونيا ارا­سىن­داعى ديپلوماتيالىق قاتى­ناس­تار­دىڭ ورناعانىنا 25 جىل تولۋى­مەن قۇتتىقتادى جانە ەكىجاقتى قا­­تىناستاردى دامىتۋدا مەرەيلى جىل قوسىمشا سەرپىن بەرەتىنىن اتاپ ءوتتى. ەلشى ەكى ەلدىڭ زاڭ شىعارۋ ور­­گان­دارى اراسىنداعى ىن­تى­ماق­­­­تاستىقتى ۇدەتۋ ماقساتىندا ال­­­داعى ۋاقىتتا جاپون پارلا­­مە­ن­ت-­­­­­­­ شىلەرىنىڭ ساپارى تۋرالى حا­بار­­­­­دار ەتتى. تاراپتار ەكىجاقتى باي­­­­لانىستاردىڭ ەكونوميكالىق, گۋ­­­مانيتارلىق جانە مادەني ءما­سە­­لەلەرىن دە تالقىلادى. كەزدەسۋ سوڭىندا جاپونيا ەل­شى­­سى قازاقستاندىقتاردى الماتى­دا­­ع­ى دۇنيەجۇزىلىك قىسقى ۋني­ۆەر­سيادانىڭ اشىلۋىمەن قۇت­تىق­تادى. * * * داريعا نازارباەۆا, سونداي-اق, يتاليا ەلشىسى ستەفانو راۆانيان­مەن كەزدەستى. اڭگىمە بارىسىندا ەكى­جاقتى ىنتىماقتاستىق پەن حا­لىق­ارالىق ارەناداعى ءوزارا ءىس-قي­مىلدىڭ بىرقاتار ماسەلەلەرى تال­قىلاندى. ساۋدا-ەكونوميكالىق ج­ا­نە مادەني بايلانىستاردى دامى­تۋعا باسا نازار اۋدارىلدى. اتاپ ايت­قاندا, كەزدەسۋگە قاتىسۋشىلار ينۆەس­تيتسياعا ءوزارا قولداۋ ءبىل­دى­رۋ جانە بيزنەستى قورعاۋدىڭ زاڭ­نا­ما­­لىق ماسەلەلەرىن قاراستىردى. د.نازارباەۆا­نىڭ پىكىرىنشە, قازاقستان يتاليا بيزنەسىنىڭ كورشى مەم­لەكەتتەر نارىعىنا شىعۋى ءۇشىن تاماشا كوپىر بولا الادى. س.راۆانيان يتاليانىڭ ەكسپو-­2017 حالىقارالىق كور­مە­­سىنە قاتىسۋى تۋرالى اڭگىمەلەدى. يتاليانىڭ بىرقاتار ايماعىن بەل­سەن­دى تۇردە تارتۋ, سونداي-اق, وپە­را ونەرىنىڭ جۇلدىزدارى قا­تى­­ساتىن اۋقىمدى مادەني باع­دار­لامالار ۇيىمداستىرۋ كوزدەلىپ وتىر. د.نازارباەۆا ەكى ەل اراسىنداعى سە­نىمدى قاتىناستار ورناتۋدا پار­لامەنتارالىق ۇنقاتىسۋدىڭ ما­ڭىز­­دى ءرولىن اتاپ ءوتتى. وسىعان باي­­لانىستى پارلامەنتتىك دە­لە­گاتسيالاردىڭ ساپارلارى ەكى­جاق­تى ىن­تىماقتاستىققا جاڭا قارقىن بە­رەتىنى كولدەنەڭ تارتىلدى. كەشە سەناتقا گەرمانيا ەل­شىسى رولف مافاەل دە كەلدى. د.نازارباەۆا ديپلوماتتى قازاق­ستان­­داعى ميسسياسىنىڭ باس­تا­لۋى­مەن قۇتتىقتادى جانە ەكى ەل ارا­سىن­داعى ءوزارا ءتيىمدى ىن­تى­ماق­تاس­تىقتى ودان ءارى نىعايتۋداعى جۇ­مىسىنىڭ تابىستى بولۋىنا ءتى­لەكتەستىگىن ءبىلدىردى. د.نازارباەۆا بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رە­تىندەگى قازاقستاننىڭ با­سىم­دىقتارى تۋرالى حاباردار ەتىپ, حا­لىقارالىق جانە اي­ماق­تىق قاۋ­ىپسىزدىك, تەرروريزم­گە قار­­­سى ءوزارا تىعىز ءىس-قي­مىل­دىڭ ما­ڭىز­دىلىعىن اتاپ ءوتتى. گەر­­مانيا ەل­شىسى سيريا داع­دا­رى­سىن رەتتەۋ جونىندەگى استانا­دا ءوت­كەن كە­لىس­سوزدەرگە جوعارى با­عا بەر­دى. سون­داي-اق, ەكىجاقتى ەكو­نو­مي­كا­لىق ءجا­نە گۋمانيتارلىق باي­لا­نىس­تار, ينۆەستيتسيالاردى قول­داۋ ءما­سەلەلەرى دە قوزعالدى. سەناتور نەمىس ديپلوماتىن قازاقستان پارلامەنتىنىڭ قىز­مە­­تىمەن تانىستىرىپ, كونس­تي­تۋ­تسيا­لىق رەفورمالار مەن مەم­لە­­كەت باسشىسىنىڭ «قازاق­ستان­­­نىڭ­ ءۇشىن­­شى جاڭعىرۋى: جا­ھان­دىق ءبا­­سە­كەگە قابىلەتتىلىك» جول­داۋ­ىن ءجۇ­زەگە اسىرۋعا زاڭ شى­عا­رۋ­شى­­لارد­ىڭ قاتىسۋى تۋرالى اي­تىپ بەر­دى.