نيۋ-دەليدە بەيبىت اتوم ماسەلەسى تالقىلاندى

ۇلتتىق يادرولىق ورتالىقتىڭ (ۇياو) باس ديرەكتورى ەرلان باتىربەكوۆ وڭتۇستىك ازيانىڭ گەوساياسي ماسەلەلەرىن نازارعا ۇسىنعان حالىقارالىق دەڭگەيدەگى «جاڭا باعىت: ءتۇرلى پىكىرلەر جانە جان-جاقتى كوزقاراس» اتتى فورۋمعا قاتىسىپ كەلدى. الەمنىڭ 65 ەلىنەن 250 وكىل كەلىپ قاتىسقان ماڭىزدى شارانى  ءۇندىستاننىڭ پرەمەر-ءمينيسترى نارەندرا مودي اشىپ, جۇرگىزىپ وتىرىپتى. ە.باتىربەكوۆتىڭ ايتۋىن­شا, فورۋم بارىسىندا ەكو­نو­ميكالىق ينتەگراتسيا, كوپجاق­تى ارىپتەستىك, حا­لىق­­ارا­­­­لىق جاعدايداعى ءوز­گە­رىس­تەر, ايماقتاعى قاۋىپ­سىز­دىك ءما­­سەلەلەرى كەڭىنەن تال­قى­لان­عان. ەرلان عادىلەت ۇلى «Will Energy Trump Climate?» ات­تى پىكىرسايىسقا قاتىسىپ, قازاقستان اتىنان كوپتەگەن وي­لارىن ورتاعا سالعان. دەبات با­رىسىندا ايتىلعانداي, 2016 جىلدىڭ قازان ايىندا قازاقستان تاراپىنان پاريج كە­لىسىمشارتى بەكىتىلگەن. وسى ار­قىلى الەمدىك ساياساتتا, ونىڭ ىشىندە ەكونوميكالىق سايا­ساتتا قازاقستان ءوزىنىڭ ءتو­مەن كومىرتەكتى دامۋعا كوشۋ ار­قىلى الەمدىك ەكونوميكانى كومىرتەكسىزدەندىرۋ ءجو­نىن­دەگى جاھاندىق ساياساتتى ۇس­تا­ناتىنىن مالىمدەگەن. – مۇنىڭ بارلىعى دا­ الداعى ۋاقىتتا وتەتىن ەكسپو-­2017-گە تىڭ دايىن­دىق, ەلباسى نۇرسۇلتان نازار­باە­ۆ­­­تىڭ تاپسىرماسىمەن جا­سىل ەنەرگيا كوزىن دامىتۋ, اتوم­دى بەي­بىت باعىتتا ناسيحات­تاۋ بارىسىندا اتقارىلىپ جات­قان شارۋلاردىڭ بىرقاتار لەگى, – دەيدى ە.باتىربەكوۆ. – ەلباسىمىز بىرىككەن اراب امىرلىكتەرىندە وتكەن «بو­لا­شاقتىڭ ەنەرگياسى» اتتى ب­ۇ­كىلالەمدىك سامميتتە اتوم ەنەرگەتيكاسىنىڭ ما­ڭى­ز­- ­­دىلىعىن ايرىقشا اتاپ ايت­تى. بەيبىت اتوم قول­دا­نۋ­دا قازاقستان دۇنيە ءجۇ­زىن­دە كوشباسشىلاردىڭ ءبىرى بو­لىپ وتىر. 2015 جىلى ماگاتە الەمدەگى الپاۋىت مەم­لەكەتتەردىڭ قولداۋىمەن ەلىمىزدىڭ اۋماعىندا تومەن بايىتىلعان يادرولىق وتىن بانكىن قۇرۋ تۋرالى شەشىم قابىلدادى. مۇنى اتوم ەنەرگەتيكاسىن دامىتامىن دەگەن مەملەكەتتەرگە ارنالعان كو­مەك دەپ تە ايتۋعا بولادى. بۇگىندە ۋراننىڭ ورنىنا ءتوريدى قولدانۋ ماسەلەسى دە تالقىلانۋدا ەكەن. بۇل اتوم سالاسىنىڭ تيىمدىلىگى جو­عارى بولۋىنا ىقپال ەتۋى مۇمكىن. استانادا وتەتىن ەكسپو-2017 كورمەسىندە حا­­لىق نازارىنا وسى باعىتتا ات­قارىلعان جەتىستىكتەر دەڭ­­گەيى كورسەتىلۋى مۇمكىن. ەكسپو-2017 كورمەسى ار­قى­لى الەمدىك ەنەرگەتيكا قاي با­عىتتا دامىپ بارادى, سونى اي­قىنداۋعا بولادى. جانە ەڭ ءىرى مەملەكەتتەردىڭ قانداي تەحنولوگيالىق كۇش-قۋاتى بار ەكەندىگى دە كورمەدە نازارعا ۇسىنىلماق. راۋشان نۇعمانبەكوۆا, جۋرناليست