بالالاردى باۋراعان «جەكپە-جەك»

[caption id="attachment_97749" align="aligncenter" width="400"] ؟[/caption] پاتەر جالداپ, شەبەرحانا اشىپتى. وسى جەردە «التىن ادام», «بارىس», «جوڭعار مەن قازاقتىڭ جەكپە-جەگى», «قاراكەرەي قابانباي», «شاپىراشتى ناۋرىزباي» مۇسىندەرىن بەينەلەگەن. ءبىز ەكىباستۇزدىڭ سولنەچنىي كەنتىندە تۇراتىن سۋرەتشى, قول­ونەرشى, ءمۇسىنشى اعامىز ەركىنجاس مۇحامەدجانوۆپەن جولساپار بارىسىندا تانىستىق. ەركىنجاس اعامىز كەنتتەگى «ماق­پال» مادەنيەت ۇيىندە «ەل ءىشى – ونەر كەنىشى» اتتى قولونەرشىلەر ۇيىرمەسىن باسقارادى. الىستاعى كەنتتىڭ مەكتەپ وقۋشىلارى, اۋىل بالالارى ەركىنجاس اعالارىنان سۋرەت ونەرىنە بەيىمدەلىپ, مۇسىندەر جاساۋدى ۇيرەنۋدە. بالالار, اسىرەسە, اعاشتان ويىپ جاسالعان «التىن ادام», «تازشا بالا», «جەكپە-جەك» سياق­تى تۋىندىلارعا قاتتى قىزىعادى. – بالالاردىڭ مۇسىندەر تۋرالى سۇراقتارى كوپ. اسىرەسە, «التىن ادام», «جوڭعار مەن قازاقتىڭ جەكپە-جەگى», «تازشا بالا» جايلى تىڭداي بەرگىلەرى كەلەدى. وتكەن تاريحتى ءبىز جاساعان مۇسىندەر ارقىلى تا­نىسا, بۇل نە, بۇل قايدان دەپ كىتاپ­تاردان, ينتەرنەتتەن ىزدە­نىپ وقي باستايدى عوي, – دەيدى اعامىز. ەركىنجاس مۇحامەدجانوۆ جاساعان «التىن ادام» مەن «بارىس» مۇسىندەرى وبلىستىق بايقاۋدا باس جۇلدەگە يە بولدى. قازىر قازاقتىڭ ەرتەدەن قالعان كونە بۇيىمدارىمەن جۇمىس جاساۋدا. مۇسىندەرى ويعا جەتەلەيدى, ءمۇسىنشىنىڭ قولىنان شىققان تۋىندىلاردان تەرەڭ ليريزم مەن ەپيكالىق كەڭدىكتىڭ ءوزارا ۇيلەسىم تاپقا­نىن كورەسىز. فاريدا بىقاي, «ەگەمەن قازاقستان» پاۆلودار وبلىسى, ەكىباستۇز قالاسى