ۇلت ۇستازى احمەت بايتۇرسىن ۇلى تۇزگەن توتە جازۋدى قىتايداعى قانداستارىمىز وسى كۇنگە دەيىن قولدانادى. سوڭعى ءتورت ايدان بەرى «egemen.kz» سايتىنىڭ توتە جازۋعا اۋدارىلاتىن بەتى قايتا جانداندى. قاشاندا اتاجۇرتتىڭ جاڭالىقتارىنا ەلەڭدەپ وتىراتىن قانداستارىمىزدىڭ وزدەرىنە ۇيرەنشىكتى جازۋ ۇلگىسىندەگى سەنىمدى اقپارات كوزىنە ىقىلاستارى ەرەكشە.
سايتتاعى ماقالالاردىڭ وقىلىمىنا قاراپ وتىرىپ, ولاردىڭ ەلىمىزدەگى ساياسي, رۋحاني, الەۋمەتتىك تاقىرىپتارعا قىزىعۋشىلىعى جوعارى ەكەنىن بايقاۋعا بولادى. مىسالى, ەلباسى ن.نازارباەۆتىڭ « ۇلى دالا ۇلاعاتتارى» كىتابىنىڭ «قيىردان كەلسە قانداستار» اتتى ءتورتىنشى ءبولىمىن 7000-نان اسا ادام وقىپ, كوپتەگەن وقىرمان ريزاشىلىق پىكىرلەرىن جازىپ قالدىرعان. بۇل, ارينە, گازەت سايتىنىڭ وقىلىم كولەمى.
بۇدان بولەك, «ەگەمەنگە» سىلتەمە جاساي وتىرىپ, ءماتىندى وزدەرىنىڭ الەۋمەتتىك جەلىلەرىنە جاريالايدى. سول ارقىلى ءارى قاراي نەشە ءجۇز مىڭداعان قانداستارعا قولجەتىمدى اقپاراتقا اينالىپ وتىر. ەكىنشىدەن, قانداستاردىڭ قازاقستانعا كوشۋى مەن ورنالاسۋى جونىندەگى شىنايى اقپاراتتارعا سۋساپ وتىرعانى بايقالادى. جاقىندا, سولتۇستىك قازاقستان وبلىسىنداعى مەنشىكتى ءتىلشىمىز ءومىر ەسقاليدىڭ قىزىلجار اۋدانىنا قونىستانعان قانداستار جايىندا جازعان «بەرەكەلى «بايتەرەك» اتتى ماقالاسىن قىتاي ەلىندە مىڭداعان وقىرمان وقىپ, قىزۋ تالقىلاعان.
سايتتا وقىرمان ءوز ويلارىن, ۇسىنىس-تىلەكتەرىن وڭاي قالدىرا الاتىن قولايلى تەتىكتەر قاراستىرىلعاندىقتان ماتەريالدارعا بايلانىستى پىكىرلەر دە كوپتەپ جازىلۋدا. ماسەلەن, بىلعارى قولعاپ شەبەرى قانات يسلامعا بايلانىستى ماتەريالدىڭ وزىنە 40-تان استام پىكىر جازىلعان. سونىمەن قاتار, ەلىمىزدەگى اقىن-جازۋشىلاردىڭ شىعارمالارى دا توتەشەگە اۋدارىلىپ شەتتەگى وقىرمان نازارىنا ۇسىنىلىپ كەلەدى. قالقامان سارين, قۇرالاي ومار, ەسبولات ايدابوسىن سىندى قالامگەرلەر شىعارمالارى جاقسى قىزىعۋشىلىق تۋدىرىپ, كوپتەپ تارالۋدا.
«شىنى كەرەك, رەسمي اقپارات كوزى بولماسا الەۋمەتتىك جەلىدەگى جەلدەي ەسكەن اقپاراتتارعا سەنە بەرمەيمىز, ونىڭ ۇستىنە ونى ءتۇرلى پيعىلداعى ادامدار تاراتادى. ءتىپتى, قازاقستاندى جاعىمسىز جاعىنان كورسەتۋگە تىرىسىپ جاتاتىندار دا, ەكى ەل ازاماتتارى اراسىندا تۇسىنىسپەۋشىلىك تۋدىرۋى مۇمكىن اقپاراتتاردى سالۋشىلار دا بولادى, سوندىقتان بىزگە «egemen.kz» سايتىنىڭ توتە جازۋعا ارنالعان «egemen.kz/tote» نۇسقاسى وتە قاجەت», دەيدى ەسەن وزات اتتى قانداسىمىز.
سايتتىڭ توتە جازۋ بەتىن قولدانۋشىلاردىڭ ءبىر بولىگىن قىتايدان ەلىمىزگە كەلگەن قانداستار قۇرايدى ەكەن. ولار الەۋمەتتىك سالاداعى ءتۇرلى وزگەرىستەردى سايت بەتىنەن جىلدام وقىپ, تولىقتاي ماعلۇمات الىپ, جاڭا ورتاعا بەيىمدەلۋدە. بيىلعى ەلباسى جولداۋىن سايتتىڭ توتە جازۋ بەتىندە ءبۇگىنگە دەيىن 2000-نان اسا وقىرماننىڭ وقىپ, تالقىلاپ جاتۋى دا قانداستاردىڭ قازىرگى قازاقستان قوعامىنا بەي-جاي قارامايتىنىن كورسەتەدى.
ۇلاربەك نۇرعالىم ۇلى,
«ەگەمەن قازاقستان»
سايتتا وقىرمان ءوز ويلارىن, ۇسىنىس-تىلەكتەرىن وڭاي قالدىرا الاتىن قولايلى تەتىكتەر قاراستىرىلعاندىقتان ماتەريالدارعا بايلانىستى پىكىرلەر دە كوپتەپ جازىلۋدا. ماسەلەن, بىلعارى قولعاپ شەبەرى قانات يسلامعا بايلانىستى ماتەريالدىڭ وزىنە 40-تان استام پىكىر جازىلعان. سونىمەن قاتار, ەلىمىزدەگى اقىن-جازۋشىلاردىڭ شىعارمالارى دا توتەشەگە اۋدارىلىپ شەتتەگى وقىرمان نازارىنا ۇسىنىلىپ كەلەدى. قالقامان سارين, قۇرالاي ومار, ەسبولات ايدابوسىن سىندى قالامگەرلەر شىعارمالارى جاقسى قىزىعۋشىلىق تۋدىرىپ, كوپتەپ تارالۋدا.
«شىنى كەرەك, رەسمي اقپارات كوزى بولماسا الەۋمەتتىك جەلىدەگى جەلدەي ەسكەن اقپاراتتارعا سەنە بەرمەيمىز, ونىڭ ۇستىنە ونى ءتۇرلى پيعىلداعى ادامدار تاراتادى. ءتىپتى, قازاقستاندى جاعىمسىز جاعىنان كورسەتۋگە تىرىسىپ جاتاتىندار دا, ەكى ەل ازاماتتارى اراسىندا تۇسىنىسپەۋشىلىك تۋدىرۋى مۇمكىن اقپاراتتاردى سالۋشىلار دا بولادى, سوندىقتان بىزگە «egemen.kz» سايتىنىڭ توتە جازۋعا ارنالعان «egemen.kz/tote» نۇسقاسى وتە قاجەت», دەيدى ەسەن وزات اتتى قانداسىمىز.
سايتتىڭ توتە جازۋ بەتىن قولدانۋشىلاردىڭ ءبىر بولىگىن قىتايدان ەلىمىزگە كەلگەن قانداستار قۇرايدى ەكەن. ولار الەۋمەتتىك سالاداعى ءتۇرلى وزگەرىستەردى سايت بەتىنەن جىلدام وقىپ, تولىقتاي ماعلۇمات الىپ, جاڭا ورتاعا بەيىمدەلۋدە. بيىلعى ەلباسى جولداۋىن سايتتىڭ توتە جازۋ بەتىندە ءبۇگىنگە دەيىن 2000-نان اسا وقىرماننىڭ وقىپ, تالقىلاپ جاتۋى دا قانداستاردىڭ قازىرگى قازاقستان قوعامىنا بەي-جاي قارامايتىنىن كورسەتەدى.
ۇلاربەك نۇرعالىم ۇلى,
«ەگەمەن قازاقستان»
