«قازاقشا تۇسىنبەيتىن بە ەدىڭىز...»

وبلىس اكىمدىگى عيماراتىنىڭ ءماجىلىس زالىندا جولاۋشىلار كولىگى جانە اۆتوموبيل جولدارى باسقارماسىنىڭ جىل قورىتىندىسىنا جانە الداعى جاڭا مىندەتتەرگە ارنالعان جينالىسى ءوتىپ جاتتى. ونى ءوڭىر باسشىسى بەردىبەك ساپارباەۆ ءوزى اشىپ, جۇرگىزىپ وتىردى. ءبىر كەزدە ول تالقىلانىپ وتىرعان ماسەلەگە تىكەلەي قاتىسى بار ءبىر جايتتىڭ ءمان-جايىن انىقتاپ الۋ ءۇشىن زالدا وتىرعان اقتوبە قالاسىنداعى اۆتوۆوكزالدىڭ باستىعىنا قازاق تىلىندە ساۋال تاستادى. ال ول كىسىنىڭ وزگە ۇلت وكىلى ەكەنى تۇرىنەن انىق كورىنىپ تۇرعان ەدى. سوعان قاراماستان وبلىس اكىمى وعان سۇراقتى قازاقشا قويدى. سول ساتتە جاۋاپ قايتارۋشى نە ايتارىن بىلمەي, ابىرجىپ تۇردى دا قالدى. «قازاقشا تۇسىنبەيتىن بە ەدىڭىز, ۇلتىڭىز كىم» دەپ ناق­تىلادى وسى ارادا بەردىبەك ءماش­بەك ۇلى. بۇعان ول «ورىس» دەپ جاۋ­اپ قايتاردى. تەك سودان سوڭ وبلىس باسشىسى سۇرا­عىن ورىس تىلىندە قايتا قويدى. ءبىز مۇنى نەگە ايتىپ, تاپتىشتەپ وتىرمىز. بىرىنشىدەن, بۇل ارادا بەردىبەك ساپار­باەۆ قازاق ءتىلى مەملەكەتتىك ءتىل ەكەنىن مەگزەگەندەي, ونى ءتۇسىنۋ مەن يگەرۋ بارشا قازاقستاندىقتاردىڭ پارىزى ەكەنىن ۇعىندىرعىسى كەلگەندەي كورىندى. ەكىنشىدەن, ۇلتجاندىلىقتىڭ باستى ءبىر كورىنىسى – تۋعان ءتىلىن قادىرلەۋ. وسى تۇرعىدا ءبىز اقتوبە وب­لىسىنىڭ اكىمى بەردىبەك ءماش­بەك ۇلىنىڭ ۇلتجاندىلىق قاسيەتتى ارداقتايتىنىن گازەت وقىرماندارىمەن بولىسكەندى ءجون كوردىك. تەمىر قۇسايىن, «ەگەمەن قازاقستان»