ۋنيۆەرسيادا-2017. حوككەيدەن قىزدارىمىز كانادادان ويسىراي ۇتىلدى

الماتىدا ءوتىپ جاتقان 28-ءشى قىسقى ۋنيۆەرسيادا ويىندارىندا قىزدار اراسىندا حوككەيدەن قازاقستان قۇراماسى توپتىق كەزەڭدە كانادادان 0:11 ەسەبىمەن ويسىراي ۇتىلدى. ب.شولاق اتىنداعى سپورت سارايىندا جەرلەستەرىمىز العاشقى ەكى كەزەڭدە ءۇش شايبادان, ال ءۇشىنشى 20 مينۋتتا بەس شايبا جىبەرىپ الدى. وسى جەڭىلىستەن كەيىن قازاقستان قۇراماسى ۋنيۆەرسيادا مەدالدارىنان شەت قالدى. بۇل توپتىق كەزدەسۋدەگى سوڭعى ويىن بولاتىن. ايتا كەتەيىك, ءۇش ويىننىڭ قورىتىندىسى بويىنشا قىزدارىمىز ءۇش ۇپاي يەلەندى. العاشقى ماتچتا ۇلىبريتانيانى 11:0 ەسەبىمەن ۇتىپ, جانكۇيەرلەرىنە ۇلكەن ءۇمىت سىيلاعانمەن, ارتىنشا اسپاناستى ەلىنىڭ حوككەيشىلەرىنە 1:4 ەسەبىمەن ەسە جىبەرىپ الدى. قازاقستان – كانادا 0:11 (0:3, 0:3, 0:5) 0:1 – 11:11 ماگۆۋد (بەيلي, دۋبويس). ويىنشى باسىمدىعى 0:2 – 14:17 يازولينو (دۋبويس, مارريوت). تەڭ دارەجەلى 0:3 – 17:39 دۋبويس (ماگۆۋد, اپەرسون). تەڭ دارەجەلى 0:4 – 30:48 وددي (يازولينو, كورميەر). تەڭ دارەجەلى 0:5 – 47:14 اپەرسون (گەۆەلين, كايلي). تەڭ دارەجەلى 0:6 – 38:33 لەيبەلي (وددي, كورميەر). تەڭ دارەجەلى 0:7 – 41:50 لەيبەلي. تەڭ دارەجەلى 0:8 – 52:07 گوسلينگ (لەيبەلي, كورميەر). تەڭ دارەجەلى 0:9 – 52:26 لەيبەلي (گوسلينگ, كورميەر). تەڭ دارەجەلى 0:10 – 54:11 اپەرسون (ماگۆۋد). تەڭ دارەجەلى 0:11 – 57:40 ماگۆۋد (دۋبويس, گوسلينگ). تەڭ دارەجەلى