مالايزيا پرەمەر-ءمينيسترى ەكسپو-2017 كورمەسىنە قاتىسادى

ەكسپو ۇيىمداستىرۋشىسىنىڭ كەڭسەسىندە «استانا ەكسپو-2017 ۇك» اق باسقارما توراعاسى احمەتجان ەسىموۆ مالايزيانىڭ ۇلتتىق سەكتسيا كوميسسارى دوكتور زايني بين ۋدجانگپەن كەزدەستى. «استانا ەكسپو-2017» ۇك» اق حابارلاعانداي, كەزدەسۋ بارىسىندا تاراپتار  ەكسپو-2017 كورمەسىنە دايىندىق بويىنشا تەحنيكالىق ماسەلەلەردى تالقىلادى. ۇلتتىق كومپانيا باسشىسى قازىرگى تاڭدا  حالىقارالىق  جانە تاقىرىپتىق پاۆيلونداردىڭ  قۇرىلىسى اياقتالعانىن ايتتى, سونداي-اق, قازاقستاندىق پاۆيلون دا سالىندى. ەندى پاۆيلونداردى ەكسپوزيتسيالارمەن  تولىقتىرۋ قاجەت. ءوز تاراپىنان دوكتور زايني بين ۋدجانگ ۇسىنىلعان پاۆيلون  مەن  ىرى حالىقارالىق شاراعا قاتىسۋعا مۇمكىندىك بەرىلگەنى ءۇشىن العىس ءبىلدىردى. «ءبىزدىڭ كورمەگە قاتىسۋىمىز تەك  ۇلتتىق پاۆيلوننىڭ جۇمىسىمەن اياقتالعانىن قالامايمىز. ەكسپو-2017 اياسىندا ءۇش مىڭ مادەني جانە  تاقىرىپتىق شارا وتەدى.  ءبىزدىڭ سەكتسيانىڭ  مىندەتى – كونفەرەنتسيا, دوڭگەلەك ۇستەل مەن فورۋمدار  جۇمىسىنا  وز ۇلەسىمىزدى ەنگىزۋ», - دەدى مالايزيالىق پاۆيلوننىڭ كوميسسارى. سونداي-اق, بين ۋدجانگ  ەكسپو-2017-ءنى وتكىزۋ كەزىندە استاناعا مالايزيانىڭ پرەمەر-ءمينيسترى نادجيب تۋن رازاك كەلەدى. كەزدەسۋ قورىتىندىسىندا احمەتجان ەسىموۆ  مالايزيالىق تاراپقا ەكسپو-2017 كورمەسىنە قاتىسۋدا جاردەم كورسەتىلەتىنىن ايتتى. مالايزيا پاۆيلونىن تاپسىرۋ بويىنشا كەلىسىم ورناتىلدى.