الماتى وبلىسىندا جولداۋدى ناسيحاتتاۋ ءۇشىن 355 توپ قۇرىلدى

الماتى وبلىسىندا جولداۋدى ناسيحاتتاۋ ماقساتىندا 355 اقپاراتتىق توپ قۇرىلدى. وعان 2683 ادام مۇشە. بۇل جونىندە بۇگىن ارنايى بريفينگتە «نۇر وتان» پارتياسىنىڭ الماتى وبلىستىق فيليالى توراعاسىنىڭ ءبىرىنشى ورىنباسارى عالياسقار سارىباەۆ ءمالىم ەتتى, دەپ حابارلايدى قازاقپارات. الماتى وبلىسىنىڭ وڭىرلىك كوممۋنيكاتسيالار قىزمەتى ۇيىمداستىرعان باسقوسۋدا عالياسقار تولەندى ۇلى ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنىڭ ماڭىزدىلىعىنا توقتالدى. «ەلباسى ءوزىنىڭ جولداۋىندا اتاپ وتكەندەي, بۇدان بىلاي قازاقستان ازاماتتارى ءوز بيزنەسىن جۇرگىزۋ ءۇشىن اۋىلدا دا, قالادا دا 16 ميلليون تەڭگەگە دەيىن شاعىن نەسيە الا الادى. سونداي اق بەس جىل ىشىندە 500 مىڭنان استام جەكە ءۇي شارۋاشىلىقتارى مەن شاعىن فەرمەرلەردى كووپەراتيۆتەرگە تارتۋعا مۇمكىندىك بەرەتىن جاعداي جاساۋ كەرەكتىگىن اتاپ ءوتتى. 2019 جىلدان باستاپ 10-11 سىنىپتاردا كەيبىر پاندەردى اعىلشىن تىلىندە وقىتاتىن بولادى. سونىمەن قاتار 1 شىلدەدەن باستاپ بالا تۋعاندا بەرىلەتىن ءبىر رەتتىك جاردەماقى كولەمى 20%-عا وسىرىلەدى. يگى باستامانىڭ بارلىعى ءبىزدىڭ حالىق ءۇشىن جاسالىپ وتىر. وزدەرىڭىزگە بەلگىلى, جەتىسۋ جەرى اگرارلى ايماق. باستى لوكوماتيۆى اۋىل شارۋاشىلىعى سالاسى. وسى سالانى ءارى قاراي جاڭعىرتىپ, دامىتۋ, وزگە دە سالالاردى وركەندەتۋ جولىندا جاڭا جولداۋدىڭ ماڭىزى زور. ءبىز ءوڭىردىڭ ءاربىر تۇرعىنىنا ونىڭ ماڭىزدىلىعىن ناسيحاتتاپ, تۇسىندىرەتىن بولامىز»,- دەيدى عالياسقار سارىباەۆ. قازىر جەتىسۋ جەرىنىڭ ءار ايماعىندا جولداۋدى ناسيحاتتاۋ جۇمىستارى باستالىپ كەتتى.