اقپان ايىنا ارنالعان اۋا رايى

رەسەي اۋماعىنان كوشكەن انتيتسيكلون سالدارىنان ەلىمىزدىڭ باسىم بولىگىندە كۇن سۋىتادى, - دەپ حابارلايدى "قازگيدرومەت" رمك. ايدىڭ باسىندا جانە كەلەسى اپتانىڭ ىشىندە بەلسەندى تسيكلونداردىڭ اسەرىنەن اۋا-رايىنىڭ بۇزىلۋى: جاۋىن-شاشىن (ەلىمىزدىڭ وڭتۇستىگىندە, وڭتۇستىك-شىعىسىندا جانە شىعىسىندا), - رەسپۋبليكانىڭ سولتۇستىك بولىگىندە جەلدىڭ 15-25 م/س دەيىن كۇشەيەدى جانە بۇرقاسىن, وڭتۇستىك بولىگىندە تۇمان جانە كوكتايعاق بولادى دەپ كۇتىلۋدە. 3-6 اقپاندا جانە ايدىڭ ورتاسىندا قازاقستان اۋماعى بويىنشا رەسەيدىڭ ەۋروپالىق بولىگىنەن سۋىق انتيتسيكلوننىڭ اۋىسۋى بۇلتتاردىڭ سەيىلۋىن جانە تەمپەراتۋرانىڭ تومەندەۋىنە الىپ كەلەدى. سولتۇستىك بولىكتە تۇندە 22-32 گرادۋسقا دەيىن اياز, كۇندىز 15-22 اياز, ال وڭتۇستىك بولىكتە تۇندە 10-20 گرادۋسقا دەيىن اياز, كۇندىز مينۋس 5-15 بولادى. ۇزاق مەرزىمدى بولجامعا سايكەس ۇشىنشى ونكۇندىكتىڭ باسىندا دا سۋىق بولادى دەپ كۇتىلۋدە, بۇل سۋىق انتيتسيكلوننىڭ كەلۋىمەن بايلانىستى. قالعان كۇندەرى بەلسەندى تسيكلونداردىڭ قوسىلۋىمەن جانە ولارمەن بايلانىستى فرونتالدى بولىكتەرمەن اۋا-رايى جاڭبىرلى, بۇلتتى بولادى. ناتيجەسىندە ايدىڭ ورتاشا اۋا تەمپەراتۋراسى پاۆلودار, شىعىس قازاقستان, الماتى, جامبىل, وڭتۇستىك قازاقستان, قىزىلوردا وبلىستارىندا جانە قاراعاندى وبلىسىنىڭ باسىم بولىگىندە كليماتتىق شەكتە, ال رەسپۋبليكانىڭ قالعان بولىگىندە نورمادان 1°س-قا تومەن بولادى. ايلىق جاۋىن-شاشىن كولەمى اتىراۋ, ماڭعىستاۋ, قىزىلوردا, سونداي-اق باتىس قازاقستان, اقتوبە, قاراعاندى, جامبىل, وڭتۇستىك قازاقستان وبلىستارىنىڭ باسىم بولىگىندە نورمادان تومەن; قالعان اۋماقتا - نورما شەگىندە بولادى دەپ بولجانىپ وتىر.