وڭىرلىك حاب مەملەكەتتىك قىزمەت كورسەتۋ سالاسىنداعى زەرتتەۋلەر ناتيجەسىن ۇسىندى

استاناداعى مەملەكەتتىك قىزمەت سالاسىنداعى وڭىرلىك حاب باستاماسىمەن ساراپتامالىق ماتەريالدار – قازاقستان, گرۋزيا جانە ءازىربايجاننىڭ مەملەكەتتىك قىزمەت كورسەتۋ بويىنشا تاجىريبەلەرىمەن تانىستىراتىن ءۇش كەيس-ستادي دايارلاندى. حابتىڭ حالىقارالىق كەڭەسشىلەرى «ءبىر تەرەزەدەن قىزمەت كورسەتۋ» قاعيداتى بويىنشا مەملەكەتتىك قىزمەت كورسەتۋ سالاسىنداعى رەفورمالاردىڭ جۇزەگە اسىرۋ بارىسىن ءازىربايجاننىڭ («اSAN» قىزمەتى), گرۋزيانىڭ (ادىلەت ۇيلەرى), كازاقستاننىڭ («ۇكىمەت ازاماتتار ءۇشىن» مەملەكەتتىك كورپوراتسياسى) حالىققا قىزمەت كورسەتۋ ورتالىقتارىن قۇرۋ ۇلگىلەرىندە ساراپتادى. كەيستەردە مەملەكەتتىك قىزمەت كورسەتۋ رەفورمالارىن جۇزەگە اسىرعان ەلدەردىڭ ساياسي جانە الەۋمەتتىك-ەكونوميكالىق جاعدايلارىنا, ۇكىمەتتەردىڭ حالىققا قىزمەت كورسەتۋ ورتالىقتارىن قۇرۋ شارالارىنا تالداۋ جاسالعان. «بۇل زەرتتەۋلەردە ەلدەردىڭ قىزمەت كورسەتۋ ورتالىقتارىنىڭ دامۋ كەزەڭدەرى عانا ەمەس, «ءبىر تەرەزە» قاعيداتى بويىنشا مەملەكەتتىك ساياساتتى جۇزەگە اسىرۋعا بايلانىستى تۋىندايتىن توسقاۋىلدار, ورتاق پروبلەمالار مەن ولاردىڭ شەشۋ جولدارى سيپاتتالعان », - دەدى استاناداعى مەملەكەتتىك قىزمەت سالاسىنداعى وڭىرلىك حاب اپپارات جەتەكشىسى ەرنار جاركەشوۆ. ول: «بۇل كەيستەر وسىنداي «ءبىر تەرەزە» ورتالىقتارىن قۇرۋدى جوسپارلاعان ايماق ەلدەرىنىڭ مەملەكەتتىك قىزمەتكەرلەرى مەن پراكتيكتەرىنە, وزدەرىنىڭ زەرتتەۋلەرى مەن مەملەكەت ساياساتى بويىنشا پىكىر الماسۋلارعا پايدالانۋ ءۇشىن عالىمدار مەن وقىتۋشىلارعا, سونداي-اق مەملەكەتتىك قىزمەت كورسەتۋدى جەتىلدىرە ءتۇسۋ ءۇشىن ءوز تاجىريبەسىمەن بولىسكەن ءۇش ەل ءۇشىن دە ماڭىزدى ءبىلىم ونىمدەرى» ەكەنىن ايتتى. بۇل زەرتتەۋلەر قازاقستاندا شىعارىلعانىمەن, الداعى ۋاقىتتا مەملەكەتتىك قىزمەت كورسەتۋدى جەتىلدىرگىسى كەلەتىن ايماقتىڭ باسقا ەلدەرىندە دە تانىستىرىلادى. بۇل جۇمىستار - مەملەكەتتىك قىزمەت كورسەتۋ سالاسىنداعى 2016 جىلى قۇرىلعان پراكتيكتەر اليانسىنىڭ جۇمىس ناتيجەسى. ارىپتەستەر جەلىسى تۇرىندەگى اليانس جۇمىسى «ءبىر تەرەزە» جۇيەسى رەفورماسىن جۇزەگە اسىرۋعا, حابقا قاتىسۋشى ەلدەر اراسىندا ىنتىماقتاستىقتى ارتتىرۋعا ۇلەس قوسادى.