"تسەسنابانك" تسەنتركرەديتتىڭ جارتى اكتسياسىن ساتىپ الدى

"بانك تسەنتركرەديت" اكتسيونەرلىك قوعامىنىڭ Kookmin Bank جانە International Financial Corporation ساتىپ جاتقان اكتسيالارىن "تسەسنابانك" اق, "تسەسنا" قارجى حولدينگى" اق جانە باقىتبەك بايسەيىتوۆ ساتىپ الىپ جاتىر. بۇل تۋرالى اقپارات KASE سايتىندا پايدا بولدى. "باعالى قاعازدارى قازاقستان قور بيرجاسىنىڭ (KASE) رەسمي تىزىمىندە تۇرعان "بانك تسەنتركرەديت" اق (الماتى), قازاقستان قور بيرجاسىنا (KASE), INTERNATIONAL FINANCE CORPORATION جانە KOOKMIN BANK CO LTD اكتسيونەرلەرى "بانك تسەنتركرەديت" اق تيەسىلى اكتسيالارىن ساتۋ ءۇشىن ءتيىستى ساتىپ الۋشىلاردى تاڭدادى دەپ حابارلادى", - دەلىنگەن حابارلامادا. تاڭدالعان ساتىپ الۋشى رەتىندە "تسەسنابانك" اق, "تسەسنا" قارجى حولدينگى" اق جانە باقىتبەك بايسەيىتوۆ كورسەتىلگەن. ەندى بۇل كەلىسىمدى قر ۇلتتىق بانكى ماقۇلداۋى كەرەك. يەلەر اۋىسىمى 2017 جىلدىڭ ەكىنشى توقسانىندا اياقتالادى دەپ كۇتىلەدى.